#Argos
#Tanlov

⚡️ 30-may kuni madaniyat vazirining birinchi o'rinbosari Avazxon Tadjixanov hamda vazirlikning tegishli markaziy apparati vakillari ishtirokida Madaniyat vazirligi tizimidagi madaniyat muassasalarining vakant lavozimlari uchun e'lon qilingan ochiq mustaqil tanlovning suhbat bosqichiga taqdim etilgan nomzodlarni tanlash uchun suhbat o'tkazildi.

✅ Tanlovning so'nggi bosqichi bo'lgan suhbat jarayoni shaffof va onlayn tarzda, hech bir inson omilisiz o'tkazildi.

❗️ Ma'lumot uchun, Madaniyat vazirligi tizimidagi madaniyat muassasalarining vakant lavozimlari bilan bu yerda tanishishingiz mumkin.

™️Madaniyat vazirligining rasmiy sahifalari:
🌐 Telegram | 🌐 Instagram | 🌐 Facebook | 🌍 Veb-sayt

⚡️ Bugun, 30-may kuni O‘zbekiston Respublikasi va Koreya Respublikasi Hukumatlararo komissiya yig‘ilishi doirasida O‘zbekiston Madaniyat vaziri o‘rinbosari Murodjon Majidov Koreyaning “Sejong” madaniyat markaziga tashrif buyurdi.

✅ Tashrif davomida markaz direktori Ahn Ho Sang bilan ikki tomonlama uchrashuv tashkil etildi. Uchrashuvda direktor tomonidan madaniyat markazlari faoliyatini olib borish hamda ularni boshqarish, shuningdek ushbu markazlarning davlat va homiylar tomonidan qo‘llab-quvvatlanishi bo‘yicha to‘liq ma’lumot berildi.

✅ Suhbat davomida, Murodjon Majidov tomonidan madaniy markazlarni rivojlantirish, xususan markaz boshqaruvini isloh qilish, unga xorijiy investisiya va homiylarni jalb qilishda Koreya Respublikasi tajribasini o‘rganish hamda uni O‘zbekiston sharoitida qo‘llash bo‘yicha bir qator takliflar berildi.

✅ Shuningdek, uchrashuv so‘ngida O‘zbekistondagi madaniyat markazlari faoliyatini yo‘lga qo‘yishda “Sejong” madaniyat markazi bilan hamkorlik qilishga kelishib olindi.

⏺Ma’lumot uchun: Seul shahrida joylashgan “Sejong” madaniyat markazi ko‘p tarmoqli bo‘lib, unda teatr, ko‘rgazma zali va kutubxona mavjud. Markazga tashrif buyuruvchilarning asosiy qismini yoshlar tashkil etadi va ular uchun Koreya milliy urf-odatlarini o‘zida aks ettiruvchi to‘garaklar faoliyati yo‘lga qo‘yilgan.

™️Madaniyat vazirligining rasmiy sahifalari:
🌐 Telegram | 🌐 Instagram | 🌐 Facebook | 🌍 Veb-sayt

⚡️ O'zbekiston davlat san'at va madaniyat institutining Farg'ona mintaqaviy filiali 3-bosqich talabalari o'quv yilining 6-semestri yakunida imtihon topshirdilar.

✅ "Dramatik teatr rejissyorligi" va "Qo'g'irchoq teatri aktyorligi" ta'lim yo'nalishi talabalari "Dramatik teatr rejissyorligi" hamda "Aktyorlik mahorati" fanidan imtihon topshirib o'z mahoratlarini sinovdan o'tkazdilar. Jarayonda talabalar Teatr san'ati va qo'g'irchoq teatri aktyorligi yo'nalishidagi bilim va ko'nikmalarini namoyish etishdi.

✅ Shuningdek, yakuniy imtihon davomida "Teatr san'ati" kafedrasi professor-o'qituvchilari va talabalar ishtirok etib, talabalarning bilim va mahoratlariga baho berdilar. Imtihon natijalari bo'yicha bo'lajak aktyor va rejissyorlar o'zlarining kelgusi ish faoliyatlarida kerak bo'ladigan tavsiyalarga ega bo'lishdi.

™️Madaniyat vazirligining rasmiy sahifalari:
🌐 Telegram | 🌐 Instagram | 🌐 Facebook | 🌍 Veb-sayt

⚡️ 29-30-may kunlari madaniyat vazirining o'rinbosari Yusufjon Usmonov xizmat safari bilan Buxoro viloyatida bo'ldi.

✅ Xizmat safari davomida Buxoro viloyatidagi madaniyat va san'at sohasidagi masalalar holati o'rganildi. Jumladan, viloyatdagi ixtisoslashtirilgan maqom maktabi, 4, 16 va 27-son madaniyat markazlari, Ixtisoslashtirilgan san'at maktabi faoliyati o'rganildi.

Jumladan,

✅ Yusufjon Usmonov tomonidan 16-son markaziy madaniyat markazi yonidagi bo'sh yer maydonida tumanda olib borilayotgan tadbir va marosimlarni aholiga keng yoritish maqsadida audio va video yozish, montaj qilish studiyasini tashkil etish loyihasi tanishib chiqilib, loyihani amalga oshirish bo'yicha mas'ullarga topshiriq va korsatmalar berildi;

✅ Buxoro Maqomga ixtisoslashtirilgan maktab-internatida xususiy sherik tomonidan madaniyat markazi, xususiy ta'lim markazi, xizmat ko'rsatish nuqtalari hamda sport maydonchasi qurish, ishlari ko'zdan kechirildi;

✅ Muxtor Ashrafiy nomidagi Buxoro ixtisoslashtirilgan san'at maktabidagi ishlar holati bilan tanishib, o'quvchi va ustozlar bilan suhbatlashildi hamda suhbat doirasida san'at maktabi kutubxonasida foydalanib kelinayotgan o'quv qo'llanmalarni yangilash yuzasidan takliflar so'raldi.

✅ O'rganish davomida aniqlangan kamchiliklarni bartaraf etish yuzasidan mas'ullarga tegishli topshiriq va ko'rsatmalar berilib, markazlarda tashkil etilgan to'garaklar, studiya va badiiy havaskorlik jamoalari faoliyati bilan yaqindan tanishildi hamda tavsiya va ko'rsatmalar berildi.

📍 Vazir o'rinbosarining Buxoro viloyatidagi xizmat safari davom etmoqda...

™️Madaniyat vazirligining rasmiy sahifalari:
🌐 Telegram | 🌐 Instagram | 🌐 Facebook | 🌍 Veb-sayt