⚡️15-iyun kuni madaniyat vazirining birinchi o‘rinbosari Bahodir Ahmedov xizmat safari bilan Jizzax viloyatining Zomin tumanida bo‘ldi.

☑️Xizmat safari davomida 27–30-iyun kunlari Jizzax viloyatining Zomin tumanida bo‘lib o‘tadigan II Xalqaro maqom san’ati anjumani doirasida Qoraqalpog‘iston Respublikasi, viloyatlar va Toshkent shahridan tashrif buyuradigan ijodiy jamoalar tomonidan o‘zlariga belgilangan hududlarni badiiy bezash bo‘yicha amalga oshirilayotgan ishlar yuzasidan mas’ullarning hisobotlari tinglandi.

☑️Barcha viloyatlar hokim o‘rinbosarlari hamda madaniyat boshqarmalari boshliqlari ishtirokida bo‘lib o‘tgan yig‘ilishda nufuzli anjumanga tayyorgarlik jarayonlarini tezlashtirish, o‘zlariga biriktirilgan hududlarni badiiy bezashda etibor qaratilishi zarur bo‘lgan jihatlar yuzasidan tegishli ko‘rsatmalar berildi.

☑️Shundan so‘ng, Bahodir Ahmedov II Xalqaro maqomsan’ati anjumani doirasida tashkil etiladigan konsert dasturi bo‘lib o‘tadigan asosiy sahnada olib borilayotgan tayyorgarlik ishlari bilan tanishdi.
 
 ™️Madaniyat vazirligining rasmiy sahifalari:
🌐 Telegram | 🌐 Instagram | 🌐 Facebook | 🌍 Veb-sayt

⚡️ Shanxay hamkorlik tashkiloti tashkil etilganining 23 yilligi munosabati bilan Oʻzbekistonda SHHT Xalq diplomatiyasi markazi tomonidan xorijiy va mahalliy ommaviy axborot vositalari vakillari ishtirokida muloqot oʻtkazildi.

Tadbir davomida “Xalq diplomati” koʻkrak nishonini topshirish marosimi ham boʻlib oʻtdi.

Tashkilotga aʼzo davlatlarda xalq diplomatiyasi rivojiga munosib hissa qoʻshgan davlat arboblari, olim, yozuvchi, fan, sanʼat va madaniyat sohasi vakillari, fuqarolik jamiyati faollari, yoshlar va xotin-qizlar qatorida O‘zbekiston madaniyat vazirining o’rinbosari Murodjon Majidov ham “Xalq diplomati” koʻkrak nishoni bilan taqdirlandi.

™️Madaniyat vazirligining rasmiy sahifalari:
🌐 Telegram | 🌐 Instagram | 🌐 Facebook | 🌍 Veb-sayt

⚡️Qo'qon shahar 7-sonli Madaniyat markazida O'zbekiston davlat san'at va madaniyat institutining Farg‘ona mintaqaviy filiali "Qo'g'irchoq teatri aktyorligi" ta'lim yo'nalishi 4-bosqich bitiruvchi talabalari buyuk ertakchi adib Sharl Pero ertaklari asosida sahnalashtirilgan "Etik kiygan mushuk" nomli diplom spektaklini namoyish etdilar.

🔘Jarayonda O'zbekiston davlat san'at va madaniyat instituti dotsenti, O'zbekistonda xizmat ko‘rsatgan artist Fatxulla Xo'jayev, O'zbekiston Respublikasi san'at arbobi Karim Yuldashev, O'zbekistonda xizmat ko‘rsatgan artist Oysha Jo'rayeva, O'zbekistonda xizmat ko‘rsatgan artist Xursanoy Umarova, O'zbekiston davlat san'at va madaniyat institutining Farg‘ona mintaqaviy filiali direktori Mirmuxsin Gapurov hamda "Teatr san'ati" kafedrasi professor-o‘qituvchilari ishtirok etishdi.

™️Madaniyat vazirligining rasmiy sahifalari:
🌐 Telegram | 🌐 Instagram | 🌐 Facebook | 🌍 Veb-sayt