Ijro intizomi – islohotlar natijadorligining muhim omili

Madaniyat vaziri Ozodbek Nazarbekov boshchiligida ijro intizomi va xodimlar mas’uliyatini oshirish masalalariga bag‘ishlangan yig‘ilish o‘tkazildi.

Vazir o‘rinbosarlari, vazirlik markaziy apparati tarkibiy bo‘linmalari rahbarlari ishtirok etgan yig‘ilishda O‘zbekiston Respublikasi Prezidentining farmonlari, shuningdek, 2023-yil 25-dekabrdagi “Aholiga madaniy xizmat ko‘rsatish darajasini yanada oshirish chora-tadbirlari to‘g‘risida” hamda “Nomoddiy madaniy merosni muhofaza qilish, ilmiy o‘rganish va targ‘ib qilishni rivojlantirishga oid qo‘shimcha chora-tadbirlar to‘g‘risida”gi qarorlari, 2023-yil 22-dekabr kuni o‘tkazilgan Respublika Ma’naviyat va ma’rifat kengashi kengaytirilgan yig‘ilishi davomida berilgan topshiriqlarning ijro holatiga alohida e’tibor qaratildi.

Har bir topshiriq o‘z vaqtida va sifatli bajarilishi yuzasidan barcha darajadagi rahbar va mutaxassislar shaxsiy mas’uliyat hamda javobgarlikni kuchaytirishi zarurligi ta’kidlandi. O‘z navbatida, bugungi talab va davr nuqtai nazaridan kadrlar salohiyatini oshirish, zamonaviy bilim va ko‘nikmalarini rivojlantirish bo‘yicha mas’ullarga tegishli ko‘rsatmalar berildi. Zimmasidagi vazifalarni bajarishda sustkashlikka yo‘l qo‘ygan xodimlar ogohlantirildi.

Yig‘ilishda ko‘rilgan masalalar yuzasidan mutasaddilarga tegishli topshiriqlar berildi.

™️Madaniyat vazirligining rasmiy sahifalari:
🌐 Telegram | 🌐 Instagram | 🌐 Facebook | 🌍 Veb-sayt

Joriy yilning 1 - 9 iyun kunlari Qozog‘iston Respublikasining Olma- ota shahrida o‘tkazilgan V Xalqaro Yoshlar teatr Forumida "Diydor" davlat yoshlar eksperimental teatr-studiyasi tomonidan namoyish etilgan "Prodelki masqarabozov" spektakli fahrli III o‘rin egalladi.

Shuningdek "Diydor" teatri jamoasi 2025 yilda o‘tkazilishi rejalashtirilgan Xalqaro Chexov teatr festivalining asosiy dasturiga yo‘llanmani qo‘lga kiritdi.

Bobur Yuldashev, Anvar Talipov, Ruslan Xaydarov va "Diydor" davlat yoshlar eksperimental teatr - studiyasi yosh aktyorlarini muborakbot etamiz.

™️Madaniyat vazirligining rasmiy sahifalari:
🌐 Telegram | 🌐 Instagram | 🌐 Facebook | 🌍 Veb-sayt

Vazirlik tasarrufidagi oliy ta’lim muassasalari vazirlikda amaliyot mashg‘ulotlariga jalb etildi.

11-iyun kuni madaniyat vazirining birinchi o‘rinbosari Avazxon Tadjixanov boshchiligida O‘zbekiston davlat san’at va madaniyat institutining “Madaniyat va san’at muassasalarini tashkil etish va boshqarish” ta’lim yo‘nalishi 3-bosqich talabalari va ularning amaliyot rahbarlari bilan uchrashuv tashkil etildi.

Mazkur uchrashuvda Avazxon Tadjixanov talabalarni o‘z ustida ishlash va tajribalarini oshirish maqsadida amaliyot mashg‘ulotlarini o‘tashlari uchun Madaniyat vazirligi tomonidan shart-sharoitlar yaratib berish va ularni har tomonlama qo‘llab-quvvatlashini bildirdi.

Shuningdek, talabalar bilan o‘zaro fikrlar almashildi va amaliyot o‘tashlari uchun rahbarlar tayillanib, tegishli bo‘limlarga yo‘naltirildi.

™️Madaniyat vazirligining rasmiy sahifalari:
🌐 Telegram | 🌐 Instagram | 🌐 Facebook | 🌍 Veb-sayt