Madaniyat vazirligi huzuridagi Kinematografiya agentligi hamda Respublika Ma'naviyat va ma'rifat markazi "Ma'rifat" targ'ibotchilari jamiyati hamkorligida "Biz bir bo'lsak — yagona xalqmiz, birlashsak — Vatanmiz!" shiori ostida o'tkazilayotgan "Kinokarvon" tadbirlari Toshkent viloyatida davom etdi.

Tadbir davomida O'zbekiston Xalq artisti Rajab Adashev, aktyor va aktrisalar Akrom Ahmedov, Otabek Haqberdiyev, Gulruh Pirnazarova, Mahliyo Asqaraliyeva kabi taniqli kinoijodkorlar bilan ijodiy uchrashuvlar tashkil etildi.

Tadbirlar viloyatning Chinoz, Yangiyo'l, Toshkent, Zangiota, Parkent, Yuqori Chirchiq, Quyi Chirchiq, Oqqo'rg'on, Olmaliq, Piskent va Qibray tumanlarida davom etdi.

Shuningdek, Agentlik buyurtmasi bilan suratga olingan filmlarning namoyishi ham o'tkazildi.

™️Madaniyat vazirligining rasmiy sahifalari:
🌐 Telegram | 🌐 Instagram | 🌐 Facebook | 🌍 Veb-sayt

⚡️ 10-iyun kuni madaniyat vazirining birinchi o‘rinbosari Avazxon Tadjixanov boshchiligidagi ishchi guruh Toshkent shahri aholisi uchun madaniy xizmat ko‘rsatishning uzluksizligini ta’minlash maqsadida, Olmazor tumanida bo‘ldi.

☑️Unda, Moliya vaziri o‘rinbosari Otabek Fozilkarimov, Olmazor tumani hokimi Azizxon Umarxonov hamda tuman faollari bilan uchrashib, madaniy tadbirlarni tashkil etish mexanizmlari va shartlarini muhokama etdi.

™️Madaniyat vazirligining rasmiy sahifalari:
🌐 Telegram | 🌐 Instagram | 🌐 Facebook | 🌍 Veb-sayt

Ijro intizomi – islohotlar natijadorligining muhim omili

Madaniyat vaziri Ozodbek Nazarbekov boshchiligida ijro intizomi va xodimlar mas’uliyatini oshirish masalalariga bag‘ishlangan yig‘ilish o‘tkazildi.

Vazir o‘rinbosarlari, vazirlik markaziy apparati tarkibiy bo‘linmalari rahbarlari ishtirok etgan yig‘ilishda O‘zbekiston Respublikasi Prezidentining farmonlari, shuningdek, 2023-yil 25-dekabrdagi “Aholiga madaniy xizmat ko‘rsatish darajasini yanada oshirish chora-tadbirlari to‘g‘risida” hamda “Nomoddiy madaniy merosni muhofaza qilish, ilmiy o‘rganish va targ‘ib qilishni rivojlantirishga oid qo‘shimcha chora-tadbirlar to‘g‘risida”gi qarorlari, 2023-yil 22-dekabr kuni o‘tkazilgan Respublika Ma’naviyat va ma’rifat kengashi kengaytirilgan yig‘ilishi davomida berilgan topshiriqlarning ijro holatiga alohida e’tibor qaratildi.

Har bir topshiriq o‘z vaqtida va sifatli bajarilishi yuzasidan barcha darajadagi rahbar va mutaxassislar shaxsiy mas’uliyat hamda javobgarlikni kuchaytirishi zarurligi ta’kidlandi. O‘z navbatida, bugungi talab va davr nuqtai nazaridan kadrlar salohiyatini oshirish, zamonaviy bilim va ko‘nikmalarini rivojlantirish bo‘yicha mas’ullarga tegishli ko‘rsatmalar berildi. Zimmasidagi vazifalarni bajarishda sustkashlikka yo‘l qo‘ygan xodimlar ogohlantirildi.

Yig‘ilishda ko‘rilgan masalalar yuzasidan mutasaddilarga tegishli topshiriqlar berildi.

™️Madaniyat vazirligining rasmiy sahifalari:
🌐 Telegram | 🌐 Instagram | 🌐 Facebook | 🌍 Veb-sayt