Namanganda el suygan hofiz Kamoliddin Rahimov xotirasiga bagʻishlangan festival o‘tkazildi, shuningdek, muzey ochilishi bo‘lib o‘tdi.

Joriy yilning 12-yanvar kuni Namangan shahridagi 11-sonli bolalar musiqa va sanʼat maktabida “Oʻzbekiston xalq artisti Kamoliddin Rahimov qoʻshiqlari” Respublika festivali oʻtkazildi. Unda vodiy viloyatlari, poytaxt hamda Qashqadaryodan yuzlab havaskor va mohir sanʼatkorlar ishtirok etdilar.

Festivalda Namangan, Toshkent, Farg'ona, Andijon, Qashqadaryo viloyatlaridan 7 yoshdan 70 yoshgacha iste'dod egalari ishtirok etdi. Munosib bo‘lgan ijodkorlarga, o‘z nominatsiyalari bo‘yicha maxsus qimmatbaho sovg‘alar topshirildi.

Qolaversa, festival doirasida hofiz tavalludining 81 yilligiga bag‘ishlangan tadbir namoyishi tashkil etildi.

Ayni vaqtda Kamoliddin Rahimov xotirasini abadiylashtirish maqsadida bir qator tashabbuslar amalga oshirilish bo‘yicha ish ko‘zda tutildi.

💬 Telegram | 🌐 Instagram | 🌐 Facebook

Rasmiy munosabat

Fuqaro Islam Karimbayev (Islam Kaparzo) Facebookdagi sahifasida oʻtgan asrning 50-yillarida qurilgan musiqa maktabi binosi sotib yuborilgani va bugungi kunda ushbu inshoot buzilish arafasida ekani haqida maʼlum qilgan.

Shuni maʼlum qilamizki, Angren shahar “Yangiobod” MFY Gʻafur Gʻulom koʻchasi 34-“A” uyda joylashgan hamda “musiqa maktabi” ekani iddao qilinayotgan ushbu bino bugungi kunda Angren shahar Madaniyat boʻlimi balansida emas.

Muqaddam Angren shahar Xalq taʼlimi boʻlimi tasarrufida boʻlgan mazkur bino koʻp yillar davomida boʻsh turgani hamda foydalanilmagani sababli shahar hokimining 2015-yil 23-fevraldagi farmoyishiga asosan hokimlik balansiga oʻtkazilgan.

Mazkur bino Vazirlar Mahkamasi qarori bilan tasdiqlangan Moddiy madaniy merosning koʻchmas mulk obyektlari milliy roʻyxatiga kiritilganiga oid maʼlumot vazirlikda mavjud emasligini bildiramiz.

Madaniyat vazirligi matbuot xizmati


💬 Telegram | 🌐 Instagram | 🌐 Facebook

Vatan himoyachilari kuni nishonlandi

Toshkentdagi “Xalqlar do‘stligi” san’at saroyida O‘zbekiston Respublikasi Qurolli Kuchlari tashkil etilganining 32 yilligi hamda 14 yanvar – Vatan himoyachilari kuniga bag‘ishlangan tantanali bayram tadbiri bo‘lib o‘tdi.

Tadbirda senatorlar, deputatlar, hukumat a’zolari, harbiy xizmatchilar, Qurolli Kuchlar faxriylari, O‘zbekistonda akkreditatsiyadan o‘tgan diplomatik korpus hamda xalqaro tashkilotlar vakillari va jamoatchilik ishtirok etdi.
#bayram #Vatan_himoyachilari_kuni


💬 Telegram | 🌐 Instagram | 🌐 Facebook

Qozog‘iston universitetida xoreografiya san’ati yo‘nalishi ochiladi va O‘zbekiston bilan qo‘shma ta’lim dasturlari yo‘lga qo‘yiladi

🇺🇿 O‘zbekiston davlat xoreografiya akademiyasi va 🇰🇿Qozog‘iston Respublikasi Jumabek Tashenev nomli universitet o‘rtasida imzolangan memorandum doirasida 2023-yolda quyidagi ishlar amalga oshirildi:

👨‍🏫 O‘zDXA rektori Sh.Toxtasimov tomonidan Tashenev nomli universitet professor-o‘qituvchilari va talabalari uchun "Mahorat darsi", hamkorlikda "Ilm-fan, ta’lim va san’at integratsiyasi: istiqbolli rejalar" mavzusida xalqaro ilmiy-nazariy konferensiya, anjuman doirasida O‘zbekiston xalq artisti, professor Gavhar Matyoqubova nomidagi xalqaro raqs ko‘rik-tanlovi o‘tkazildi.

👩🏻‍🏫 Akademik mobillik asosida O‘zDXA dotsenti v.b. filologiya fanlari doktori (DSc) H.Hamroyeva 2023-yil 15-noyabrdan 15-dekabrgacha Tashenev nomli universitet “O’zbek tili va adabiyoti” yo‘nalishi talabalari hamda magistrantlari uchun ma’ruzalar o‘qidi.

💃 hamkorlikda xalqaro ilmiy loyihalarni amalga oshirish, xususan, 2024–2025-o‘quv yilida J.Tashenev nomli universitetda xoreografiya san’ati yo‘nalishi ochilishi, bakalavriat va magistratura yo‘nalishlarida qo‘shma ta’lim dasturlarini yo‘lga qo‘yish kelishib olindi.

👨‍🏫 ikki tomonlama hamkorlikni rivojlantirishdagi tashabbuskorligi uchun O‘zbekiston davlat xoreografiya akademiyasi rektori Sh.M.Toxtasimov Qozog‘iston Respublikasi J.Tashenev nomli universitetning faxriy professori unvoni bilan taqdirlandi.
#xalqaro_hamkorlik


💬 Telegram | 🌐 Instagram | 🌐 Facebook