Madaniyat vaziriga o‘rinbosarlar tayinlandi

Madaniyat vazirligida O‘zbekiston Respublikasi Prezidenti Administratsiyasi Ijtimoiy rivojlanish departamenti rahbari Odil Abduraxmanov hamda madaniyat vaziri Ozodbek Nazarbekov boshchiligida yig‘ilish o‘tkazildi. Unda tashkiliy masala ko‘rilib, jamoaga madaniyat vazirining yangi tayinlangan o‘rinbosarlari tanishtirildi.

Jumladan, O‘zbekiston Respublikasi Prezidentining 2023-yil 27-sentabrdagi qaroriga muvofiq Baxodir Madjidovich Axmedov madaniyat vazirining birinchi o‘rinbosari lavozimiga tayinlandi.

U mazkur tayinlovga qadar madaniyat vazirining o‘rinbosari lavozimida faoliyat yuritib kelayotgandi.

O‘zbekiston Respublikasi Prezidentining 2023-yil 30-oktabrdagi qaroriga asosan Avazxon Baxadirovich Tadjixanov madaniyat vazirining birinchi o‘rinbosari lavozimiga tayinlandi.

Tayinlovga qadar Adliya vazirligi “Konvension markaz majmuasi direksiyasi” DUK direktori lavozimida faoliyat yuritgan.

Shuningdek, O‘zbekiston Respublikasi Prezidentining 2023-yil 27-sentabrdagi qaroriga muvofiq Yusufjon Kamoldinovich Usmonov madaniyat vazirining o‘rinbosari lavozimiga tayinlandi.

Mazkur tayinlovga qadar O‘zbekiston Respublikasi Hisob palatasining Iqtisodiyot, davlat investitsiya dasturlari va jamoat tashkilotlarini davlat tomonidan qo‘llab-quvvatlash xarajatlarini audit qilish sho‘basi bosh inspektori lavozimida faoliyat yuritgan.

Yig‘ilishda so‘z olganlar yangi tayinlangan vazir o‘rinbosarlariga mas’uliyatli faoliyatlarida ulkan muvaffaqiyat tiladi.

💬 Telegram | 🌐 Instagram

🌐 Facebook | 🌐 Web

Surxondaryo san’at saroyida konsert dasturi o‘tkazildi

Termiz shahridagi Surxondaryo san’at saroyida aholi va yoshlarning bo‘sh vaqtlarini mazmunli o‘tkazish hamda kayfiyatini ko‘tarish maqsadida viloyat madaniyat boshqarmasi tomonidan konsert dasturi tashkil etildi.

Tadbirni Termiz ixtisoslashtirilgan san’at maktabining karnay-surnay va doirachilar jamoasi ochib berdi. Shuningdek, xalq cholg'ulari orkestri tomonidan kuy va qo'shiqlar ijro etildi.

Tadbirda davomida Termiz ixtisoslashtirilgan san’at maktabi, Respublika baxshichilik san’atiga ixtisoslashtirilgan maktab-internati, O‘zbekiston davlat Filarmoniyasi Surxondaryo viloyat bo'limi, Termiz shahar 1-son madaniyat bo‘limi va O‘zbekkonsert DM Surxondaryo viloyati xonandalari o‘zlarining kuy-qo‘shiqlarini ijro etishdi.
Konsert dasturi tomoshabinlarga yuqori kayfiyat bag‘ishladi.


💬 Telegram | 🌐 Instagram

🌐 Facebook | 🌐 Web

“Bir safda bir kuchmiz!” loyihasi doirasida ko‘zi ojizlar uchun ziyorat tashkil etildi

Toshkent shahar Yakkasaroy tuman Madaniyat bo‘limi, Sergeli va Yangihayot tumanlararo Nogironlar jamiyati hamkorlikda “Bir safda bir kuchmiz!” loyihasi doirasida jamiyatimizdagi imkoniyati cheklanganlar uchun  Samarqand hamda Buxoro  viloyatlarining muqaddas qadamjolariga  ziyorat safarlari tashkil etildi.

Maqsad ularni  ruhiy va ijtimoiy holatini yaxshilash, imkoniyatlarini kengaytirish, milliy qadriyatlarimizga bo‘lgan hurmat va muhabbatlarini mustahkamlashdir.

Ziyoratchilar Samarqandda Imom al-Buxoriy, Shohi Zinda, Registon maydoni, Gur-Emir maqbarasi kabi joylarni, Buxoroda esa Buxoro minora, Po’i Kalon, Ismoiliy Somoniy, Chor-Bakr kabi joylarni ziyorat qildilar.


💬 Telegram | 🌐 Instagram

🌐 Facebook | 🌐 Web