​Yodnoma

Xalq qalbida yashash saodati

Hayot baʼzan shu qadar saxiy boʻladiki, u tuhfa etgan omadlar ketma-ket sizga quchoq ochaveradi, baʼzan esa aksincha. Oʻzining betakror ovoziyu goʻzal ijrosi bilan millionlab qalblarni zabt etgan Habiba Oxunova ham elda aziz boʻlgan shunday noyob isteʼdod sohibalaridan biri edi.

1943-yilning 10-yanvarida Asaka shahrida tugʻilgan ustoz sanʼatkor xonanda sifatida lirik-dramatik soprano ovozi bilan tanilgandi. Dastlab, 1959-yildan 1963-yilgacha Andijon teatri, 1963-yildan vafotiga qadar Namangan teatrida faoliyat yuritgan Habiba Oxunova “Zarafshon qizi” spektaklida Kumush, Layli, “Layli va Majnun”da Layli, “Farhod va Shirin”da Shirin, “Alisher Navoiy”da Guli, “Mashrab”da Gulruh, “Anvar ila Raʼno”da Raʼno, “Otello”da Dezdemona, “Hamlet”da Ofeliya kabi obrazlarni shu darajada mahorat bilan gavdalantirardiki, tomoshabin ijrodan chinakam zavq olardi, taʼsirlanardi.

U lirik-dramatik obrazlarning mohir ijrochisi boʻlib, qahramonning ruhiy holatini, hislari, iztiroblarini tomoshabinga dramatik, chuqur insoniy dard orqali yetkazib bera olardi.

1994-yil 22-sentabrda bu yorugʻ olamni tark etgan Habiba Oxunovaning “Alla”, “Koʻngil”, “Koʻrmagan boʻlsam seni”, “Odob bilan”, “Koʻrkam Vatanim”, “Nay navosi”, “Oshnoliging”, “Barno yigit”, “Sabo bilan”, “Oʻzing”, “Nay deb” singari qoʻshiqlari, “Ushshoq”, “Taronai bayot” maqom yoʻllari kabi asarlari oltin tasmalardan shogirdlari ijrosiga koʻchib, yashamoqda. Ayniqsa, uning ijrosidagi "Alla" oʻziga xosligi bilan ajralib turadi. Bugun respublika miqyosida oʻtkaziladigan “Alla” tanlovi aynan Habiba Oxunova nomi bilan yuritilishi ham bejiz emas.

Ulugʻ sanʼatkorning mehnatlari munosib eʼtirof etilib, 1975-yilda “Oʻzbekiston xalq artisti” faxriy unvoni bilan mukofotlangan.

Hayotlik chogʻidayoq oʻz nomini odamlar qalbiga muhrlay olgan siymolar barhayotdir.

Ozodbek Nazarbekov,
madaniyat va turizm vaziri

Ўзбекистон Республикаси Президенти Шавкат Мирзиёев Ҳиндистон Республикаси Бош вазири Нарендра Модининг таклифига биноан 12 январь куни “Глобал Жануб овози” онлайн-саммитининг ялпи мажлисида иштирок этади.
—
Президент Республики Узбекистан Шавкат Мирзиёев по приглашению Премьер-министра Республики Индия Нарендры Моди 12 января примет участие в пленарном заседании онлайн-саммита «Голос глобального Юга».

#Mirziyoyev #sammit #Hindiston #hamkorlik

Prezident.uz|Facebook|Instagram|YouTube|Twitter

Ўзбекистон Республикаси Қуролли Кучлари ташкил этилганининг 31 йиллиги ва Ватан ҳимоячилари куни муносабати билан байрам табриги
—
Праздничное поздравление в связи с 31-летием образования Вооруженных Сил Республики Узбекистан и Днем защитников Родины

Prezident.uz|Facebook|Instagram|YouTube|Twitter