Ёсьць у нас тут аматары добра папарыцца? 😊

ЛÁЗЬНЯ (łaźnia)
(назоўнік, жаночы род)

1. Спэцыяльнае памяшканьне, дзе мыюцца і парацца.

🔸️Старая хата была перанесена на лог і пераабсталявана пад лазьню, у якой мылася ўся вёска. (Хадкевіч).

2. Размоўнае слова: мыцьцё ў такім памяшканьні.

3. Пераноснае значэньне, размоўнае слова: наганяй, суровая вымова.

🔸️[Верабейчык:] — Калі не ліквідуем недахопы ў правядзеньні ўборкі і здачы хлеба дзяржаве — будзе нам усім лазьня. Гарачанькая! (Савіцкі).
#словы_Л

Дабрыдзень, родненькія! 🤍 Ці чулі Вы такое слоўца?

КАМЯРДЗЁЛАК (kamiardziołak)
(назоўнік, мужчынскі род)

Пра здаровага, моцнага чалавека; чалавек моцнага целаскладу.
#словы_К

Нам тут сказалі, што гэта самае трапнае слова для панядзелка 😁

ЖУРБÁ (žurba)
(назоўнік, жаночы род)

Пачуцьцё смутку, душэўнае прыгнечанасьці; туга, маркота.

🔸️Бабка Наста сядзела на дубовай калодачцы каля печы, унурыўшыся ў свае нескладаныя, апавітыя журбою думкі. (Колас).
🔸️Тарас стаяў пасярод хаты, анямелы ў безвыходнай журбе. (Асіпенка).
#словы_Ж

ШТУ́ЧНЫ (štučny)
(прыметнік, мужчынскі род)

1. Ненатуральны, зроблены накшталт сапраўднага, прыроднага.

🔸️Бакалы, вазы і кілішкі са штучнага хрусталю пераліваліся ўсімі колерамі вясёлкі. (Шамякін).

2. Роблены, прытворны, няшчыры.

🔸️Разьмінаючыся з Рыгорам, [Грамадой] першы схіляе галаву з засмучанай ветлівасьцю, такою штучнаю на яго грубым твары. (Крапіва).
🔸️[Сьледчы] стараецца ўсьміхнуцца, але штучная ўсьмешка толькі крывіць яго рот. (Сабаленка).
#словы_Ш

Новы канал зь міні-паштовачкамі 🤍 Падпісвайцеся, каб узьнімаць настрой сабе і сваім блізкім 🥰

ЖВÁВЫ (žvavy)
(прыметнік, мужчынскі род)

1. Поўны жыцьцёвых сіл; бадзёры, рухавы; процілеглае — вялы.

🔸️Мірон быў больш разважлівы, спакойны хлопец, а Віктар — жвавы, імклівы. (Маўр).

2. Ажыўлены, выразны, жыцьцярадасны (пра вочы, твар).

🔸️[Ніканор] пастарэў.. Толькі вочы — маладыя і жвавыя. (Бядуля).

3. Рэзвы, вясёлы, гульлівы.

🔸️Птушак жвавых шчэбет хвілі не сьціхаў, Кружыўся зь белых кветак пылам. (Купала).

4. Бойкі, ажыўлены, шумны (пра гаворку).

🔸️Завязалася жвавая, перасыпаная жартамі і сьмехам размова. (Краўчанка).

5. Поўны руху, ажыўленьня, дзейнасьці.

🔸️— Усё-такі падабаецца ён мне, Менск. Жвавы, шумлівы, заклапочаны. (Мележ).

5. Хуткі па тэмпе, шпаркі.

🔸️Жвавым не па гадах подбегам Клім кінуўся да плота. (Шахавец).
#словы_Ж

ЛЯДЗЯ́К (ladziak)
(назоўнік, мужчынскі род)

1. Невялікі кавалак лёду; ільдзінка.

🔸️Пагодзіцца. Са стрэх ледзякі дзінькаюць. (Барадулін).

2. Пераноснае значэньне, размоўнае слова: пра чалавека, які вельмі зьмёрз ці мае халодны тэмпэрамэнт.
#словы_Л

Калі што, мы любім жывёлінак і супраць натуральнага футра! 🙈

ФУ́ТРА (futra)
(назоўнік, ніякі род)

1. Валасяное покрыва на целе жывёл; поўсьць.

🔸️Заглянуў Мароз у дупло, а там вавёрка ў шэрым футры сьпіць ды яшчэ хвосьцікам, быццам коўдраю, накрылася, — добра ёй! (П. Ткачоў).

2. Вырабленая шкура пушнога зьвера.

🔸️Нарушэвіч пакорпаўся ў клумку і дастаў адтуль пышнае футра выдры. (Машара).

3. Зімовая вопратка з вырабленых шкур пушнога зьвера.

🔸️Вось па вуліцы ідзе дама ў кароткім футры з шэрага каракулю. (Новікаў).
#словы_Ф

ДУХМЯ́НЫ (duchmiany)
(прыметнік, мужчынскі род)

З моцным прыемным пахам; пахучы.

🔸️Мы ляжым на капе духмянага сена пад гарачымі праменьнямі ліпеньскага сонца. (Асіпенка).
#словы_Д