КАТА́Р / КА́ТАР* (katar)
(назоўнік | мужчынскі род)
⠀
Запаленьне сьлізістай абалонкі якога-н. органа, што суправаджаецца пачырваненьнем, набуханьнем, ацёкам, выдзяленьнем вадкасьці.
⠀
* У розных слоўніках, у тым ліку і ў мэдыцынскіх, сустракаецца націск і на першую, і на другую літару А.
⠀
🔸КА́ТАР — гэтак яшчэ называюць і невялікае судна (рас. ''катер'').🚤
⠀
🔸КАТА́Р — гэта да таго ж... аматар коцікаў (рас. ''кошатник'')! 😸
⠀
🔸Ну, і КАТАР — краіна ў Заходняй Азіі, націск дапускаецца і на першы, і на другі склад. 🙄
⠀
❔А куды зручней ставіць націск вам? 🤔
#словы_К

У слоўніку Байкова-Некрашэвіча знайшлі слова "жароўка" 💡.
⠀
ЖАРО́ЎКА (žaroŭka)
(назоўнік | жаночы род)
⠀
Штучная крыніца сьвятла, у якой сьвятло выпускае цела напалу, што награваецца электрычным токам да высокай тэмпэратуры.
⠀
❔Як яно вам?
#словы_Ж

ПАНЧО́ХІ (pančochi)
(назоўнік)
⠀
1. Выраб машыннага або ручнога вязаньня, які надзяваецца на ногі і заходзіць за калені.
⠀
🔸Панчохі прамоклі, і вы адчуваеце, як непрыемна абляпілі яны вашы ногі... (Васілевіч).
⠀
2. Пераноснае значэньне: поўсьць іншага колеру, якая пакрывае ніжнюю частку ног каня або іншай жывёлы.
#словы_П

ШЧОПАЦЬ (ščopać)
(назоўнік | мужчынскі род)
⠀
1. Тры пальцы рукі (вялікі, указальны, сярэдні), складзеныя канцамі разам.
⠀
🔸[Іванка] запусьціў руку ў падраную кішэню сьвіты і шчопцем грэбаў там за падкладкай, спадзеючыся хоць што-кольвек знайсьці на падман голаду. (М. Стральцоў).
⠀
2. Колькасьць якога-н. сыпучага рэчыва, якую можна ўзяць складзенымі такім чынам пальцамі.
⠀
🔸Мікола дастаў з кішэні капшук з тытунём. Сыпнуў шчопаць у кавалак адарванай газэты, падаў Ульлянінаму бацьку. (Паўлаў).
⠀
3. Невялікая купка, пучок чаго-н. (валасоў, поўсьці, шчаціньня).
⠀
🔸На лаўцы каля дзьвярэй сядзела чатырох: старэйшы дзядзька ў саламяным капелюшы, ад каўняра да вачэй зарослы густой каштанавай атавай барады; другі мужчына, відаць, ня шмат маладзейшы за яго, але сьвяжэйшы, паголены, са шчопцямі рыжых вусікаў пад носам. (Брыль).
#словы_Ш

ПУСТЭ́ЛЬНІК (pustelnik)
(назоўнік | мужчынскі род)
⠀
1. Чалавек, які з рэлігійных меркаваньняў адмовіўся ад зносін зь людзьмі і пасяліўся ў бязьлюдным месцы.
⠀
🔸Манах-пустэльнік.
⠀
2. Пра чалавека, які жыве ў адзіноце, у бязьлюдным месцы.
⠀
🔸— А, во дзе ты, пустэльнік! — радасна сказала [Марына] Кудлачу, які маляваў за сталом. (Алешка).
#словы_П

Памяці Максіма Багдановіча (9 сьнежня 1891 — 25 траўня 1917).
#цытаты

АБЕ́РУЧ (abieruč)
(прыслоўе)
⠀
1. Абедзьвюма рукамі (абхапіць, узяць што-н.).
⠀
🔸Павёў доктар пана ў лазьню, пасадзіў на палон ды загадаў трымацца аберуч за жэрдку. (Якімовіч).
⠀
2. Папераменна, то ў адной, то ў другой руцэ (несьці што-н.).
⠀
🔸Марынка аберуч несла гэтую торбу.
⠀
3. Разам.
⠀
🔸Той зімой восем чалавек жылі аберуч з намі ў нашай хаце.
#словы_А

✏️Як сказаць па-беларуску "В ПОЛОЖЕНИИ (беременная)"?
⠀
А вось так:
⠀
🔸У цяжку (у цяжары)
🔸Пры сабе (хадзіць)
🔸Дзіцем хадзіць
🔸З жыватом (з чэравам)
#фразэалягізмы

ЛУ́БІН (łubin)
(назоўнік | мужчынскі род)
⠀
Травяністая расьліна сямейства бабовых, якая высяваецца для ўгнаеньня глебы і на корм жывёле.
⠀
🔸Ён [лубін] цьвіце агнём блакітным,
Незвычайным, ад яго
Цеплыня ў кустах ракітных. (Танк).
⠀
❗Прыметнік: ЛУ́БІНАВЫ.
#словы_Л

МАДЗЕ́ЦЬ (madzieć)
(дзеяслоў | незакончанае трываньне)
⠀
1. Жыць у цяжкіх умовах.

🔸[Сузан] не жыве, а мадзее.. Трэба лічыцца з кожным цэнтам. (Лынькоў).
⠀
2. Бязмэтна існаваць; марнець.
⠀
🔸— Ну, дык як, дзяўчаты, жывяце? — Як гарох пры дарозе, — першая адказала Валя. — Не жывём, а мадзеем. (Новікаў).
⠀
3. Зрабіцца хваравітым, чэзнуць (рас. "чахнуть").
#словы_М

ЧАРАЎНІ́ЦТВА (čaraŭnictva)
(назоўнік | ніякі род)
⠀
1. Сіла, дзеяньні чараўніка (рас. "волшебника"); вядзьмарства; чары.
⠀
🔸Зайшла размова аб навуках —
Старых, даўнейшых — і іх штуках,
Аб кнігах з чорнаю пячацьцю,
Аб чараўніцтве, аб закляцьці,
Аб розных хітрасьцях і змане. (Колас).
⠀
2. Знахарства.
⠀
❗Прыметнікі: ЧАРОЎНЫ, ЧАРАЎНІЧЫ, ЧАРАЎНІЦКІ
#словы_Ч

Ня блытайце, сябры! 😊

ЛО́КШЫНА (łokšyna)
(назоўнік | жаночы род)
⠀
1. Выраб з пшанічнай мукі ў выглядзе тонкіх высушаных палосак цеста.
⠀
2. Страва, прыгатаваная з такога вырабу.
#словы_Л

✏️Беларускія адпаведнікі рас. "КАК ЗА КАМЕННОЙ СТЕНОЙ":
⠀
🔸Як за мурам
🔸Як за плотам
🔸Як за каменнаю гарою
⠀
❔А вы адчуваеце сябе як за каменнаю гарою? 🗻
⠀
❕Дасылайце пост сваім МУР-мурам 💖

ГАТÓЎКА (hatoŭka)
(назоўнік | жаночы род)
⠀
1. Размоўнае слова: наяўныя грошы.
⠀
🔸Заплаціў дзьве тысячы гатоўкаю.
⠀
2. Размоўнае слова: наяўныя, назапашаныя грошы.
⠀
🔸— Тварыцкі, кажа, бедніцца і стогне, а каня адразу купіў. Нейкую, відаць, гатоўку мае. (Чорны).
#словы_Г

ФІРА́НКА (firanka)
(назоўнік | жаночы род)
⠀
Заслона з тонкага матэрыялу на вокны, дзьверы і пад.
⠀
🔸У пакоі Паходні было чыста прыбрана, лёгкі ветрык калыхаў белыя фіранкі на расчыненых вокнах. (Хадкевіч).
🔸І фіранкі Валя павесіла новыя: з марлі, падсіненыя і таксама зьлёгку падкрухмаленыя. (Васілевіч).
#словы_Ф

Глядзіце, якое прыгожае слова знайшлі ў слоўніках 😌
⠀
РАЗНАСЬЦЕ́ЖЫЦЬ (raznaściežyć)
(дзеяслоў | закончанае трываньне)
⠀
Адчыніць насьцеж (дзьверы, вокны).
⠀
🔸У непрыбраным пакоi было пыльна i душна, таму ён адразу разнасьцежыў акно.
#словы_Р

Зь першым днём лета, сябры!🤗
⠀
ЧЭ́РВЕНЬ (červień)
(назоўнік | мужчынскі род)
⠀
Шосты месяц каляндарнага года.
#словы_Ч

ПАДЛАБУ́НІЦЦА (padłabunicca)
(дзеяслоў | закончанае трываньне)
⠀
Размоўнае слова: падлашчыцца, падлізацца.
⠀
🔸Аўдзееў сапраўды баяўся, каб Дзікавіцкі, правяраючы ўлік маёмасьці і грашовыя справы, не выявіў усіх яго грахоў. Таму ён і дзяжурыў цэлымі днямі ў канторы, стараючыся падлабуніцца да Дзікавіцкага. (Дуброўскі).
⠀
❗Назоўнік: ПАДЛАБУ́НЬВАНЬНЕ
#словы_П

АДСАПЦІ́СЯ (adsapcisia)
(дзеяслоў | закончанае трываньне)
⠀
Перастаць цяжка дыхаць, сапці; аддыхацца.
⠀
🔸Віцька Сьвіст вылаяўся, пастаяў, адсопся і зноў пачаў капаць. (Быкаў).
#словы_А