Заўтра а 19-й гадзіне адбудзецца анлайн-уручэнне прэміі Францішка Багушэвіча.

Сёлета пераможцам стаў доктар гістарычных навук, пісьменнік і журналіст Сяргей Абламейка з кнігай "Каліноўскі і палітычнае нараджэньне Беларусі". У гэтай кнізе аўтар зрабіў грунтоўнае падсумаванне ўсёй літаратуры на тэму нараджэння мадэрнай беларускай нацыі за апошнія больш чым 200 гадоў.

Сяргей Абламейка ў прамым эфіры прачытае лекцыю паводле сваёй кнігі, раскажа тыя факты, якія ў кнігу не ўвашлі, і адкажа на пытанні гледачоў. На эфір таксама завітаюць пісьменнікі і сябры рады Беларускага ПЭНа Уладзімір Арлоў і Таццяна Нядбай.

Прэмія Францішка Багушэвіча – гэта штогадовая літаратурная прэмія, заснаваная ў 1994 годзе. Традыцыйна ўручаецца за выдатную гістарычную прозу аўтарам кніг, што спрыяюць абуджэнню гістарычнай свядомасці і нацыянальнай незалежнасці чытачоў.

Далучыцца да эфіру можна тут: https://youtu.be/d2MF6juS2Dw

Пачнём зьбіраць зярно к зярняці,
Былое ў думках уваскрашаць,
Каб быт на новы лад пачаці
І сеўбу новую пачаць
#цытатадня Янка Купала

“Кожны (а ў тым ліку і мы), хто прыязджае ў Парыж, перш за ўсё спяшыць агледзець яго з трохсотметровай вышыні Эйфелевай башні.

Надзвычай цікаўная рэч – знаходзіцца на гэткай вышыні і мераць поглядам неабсяжныя размахі агромністага горада. І сама па сабе Эйфелева башня прыцягвае вашу ўвагу да сваіх прыгожых стылёвых пераплётаў, да стройнасці пекна сканструіраванай калоны, лёгка шыбаючай ўгору. У сінім паветры яна губляе сва грунтоўнасць і робіцца цацкаю, сплеценай з дроту і адзетай у баярскую шапку”

Цішка Гартны. За аглядам Парыжа, 1928 год

Чаго вы не ведаеце пра Янку Купалу?

Янку Купалу кожны любіць па-свойму. З дзевяці мільёнаў прычын цяжка скласці адзін удалы тэст на 10 пытанняў, але мы паспрабавалі.

Прайдзіце тэст пра самага знакамітага беларускага паэта, знайдзіце нагоду занурыцца ў яго біяграфію!

Пераходзьце па спасылцы і наперад:
https://wir.by/be/article/kupala-test

Чалавека найбольш цікавіць тое, што забаронена, і тое, што схавана
#цытатадня Сяргей Пясецкі

Новы выпуск "Кантэксту": размова з перакладчыкам і пісьменнікам Паўлам Касцюкевічам:

https://youtu.be/TvQOR7A4AlI

Янка Трацяк: Кожным нашым аўтарам я магу ганарыцца

Літаратурнае жыццё ў Беларусі трывае нават у сённяшні неспрыяльны час для мастацтва. Сведчаннем таму новыя публікацыі, якія рэдагуе наш цяперашні госць Рацыі – кандыдат культуралогіі, дацэнт Янка Трацяк. Размова прысвечана выхаду новага нумару альманаха „Новы Замак”, які выдае Саюз беларускіх пісьменнікаў. Гэта ўжо дзявяты выпуск альманаху, амаль палову з іх рэдагаваў Янка Трацяк.

https://lit-bel.org/news/yanka-tratsyak-kozhnym-nashym-a-taram-ya-magu-ganarytstsa-/

Сёння 120-я гадавіна з дня нараджэння слыннага прадстаўніка польска-беларускай літаратуры Сяргея Пясецкага. Самы час прыгадаць лёс і найлепшыя творы пісьменніка, кантрабандыста, злачынца і разведчыка.

Без чалавечнасьці ня будзе й вечнасьці
#цытатадня Пімен Панчанка

Другое выданне "Казак жыцця" Якуба Коласа 1926 года. (Першае было ў 1921 годзе ў Коўна, дзе тады жыў і працаваў Вацлаў Ластоўскі, які і выдаў кнігу)

Як выглядалі беларускія пісьменнікі-класікі ў маладосці? Мы гэта трошкі ведаем дзякуючы старым чорна-белым фотаздымкам. Аднак сучасныя тэхналогіі дазваляюць не толькі расфарбаваць гэтыя выявы, але нават паспрабаваць ажывіць вядомых гістарычных дзеячаў. Зірніце! Не пашкадуеце!

https://youtu.be/QXRg285chhI

Такі ўжо ў чалавека лёс — бегчы за хутказменлівай рэчаіснасцю, стаміцца і назаўсёды застацца ў мінулым
#цытатадня Адам Глобус

Пісьменнік Павел Ляхновіч узнагароджаны міжнароднай літаратурнай прэміяй "Світ пограниччя". Пра гэта ён паведаміў у Facebook. Віншуем!

Прэмія "Світ пограниччя" ўручаецца ўкраінскім і замежным пісьменнікам, навукоўцам, перакладчыкам, мастакам і людзям, якія садзейнічаюць развіццю нацыянальнага мастацтва і ўзаемнаму абмену культурнымі каштоўнасцямі, робячы іх універсальнай спадчынай.

Журы прэміі “Дэбют” імя Максіма Багдановіча вызначыла кароткі спіс намінантаў. Ён даступны на сайце Беларускага ПЭН-цэнтра.

«Залатыя праменні 25 сакавіка»: новая «Літаратурная Беларусь» ужо даступная для чытання!
Спампаваць PDF