❓Ці ведаеце вы, што называюць палескімі жамчужынамі?

🍂Увосень на маркотных, шэрых балотах на купінах з’яўляюцца чырвоныя пацеркі журавін.

🔅Называюць гэтыя ягады таксама жураўліны. І менавіта гэта найменне найбольш яскрава ўказвае на паходжанне. Тлумачыцца назва ягад тым, што на імшыстых балотах, дзе яны растуць, водзяцца журавы. І атрымліваецца, што журавіны — ягады журавоў.
✔️Цікава, што журавіны вельмі карысныя для здароўя чалавека ягады, таму ў халодныя восеньскія дні гатуйце напой з ягад і меду, частуйцеся самі і частуйце сваіх родных.
🍂#беларускі_каляндар
#па_беларуску

🍂3 лістапада 1882 года нарадзіўся Якуб КОЛАС - паэт, празаік, педагог, даследчык, вучоны, які ўзбагаціў нашу культуру і наша светаўспрыманне

📖Некалькі выказванняў пясняра:

🔅 "Шчасце можа быць поўным толькі тады, калі ўсе вакол цябе адчуваюць сябе шчаслівымі".

🔅"Ніякае багацце людзей не бывае даражэйшым за іх родную мову".

🔅"Няма ў чалавека нічога прыгажэй і даражэй за радзіму. Чалавек без радзімы ‒ бедны чалавек".

🔅"Што ні кажы, а жыццё, ужо само па сабе, ёсць радасць, вялікае шчасце, бясцэнны дар".

🔅"Сэнс жыцця нашага ‒ бесперапынны рух".

🔅"Добра быць у дарозе, якую ты сам сабе выбіраеш".

🔅"Корань навукі горкі, ды плады яго салодкія".
💯Проста і трапна аб галоўным. Вучымся!

#беларускі_каляндар
#думка_ў_падарунак🍂

🐾 У Мінску сталі ўсе больш заўважаць снегіроў!

⁉️А ці ведаеце Вы...
✔што беларусы называлі снегіроў гіль, гілік, пераймаючы гукі, што выдае гэта птушка,

✔што снегіра завуць яшчэ другім папугаем, бо ен таксама здольны пераймаць галасы птушак, жывел і людзей,

✔што гіль мае чырвоную грудку, паводле легенды, таму што нес людзям з неба агонь і апекся.

👀 Шмат вакол незвычайнага, умей толькі бачыць!

#беларускі_каляндар

❄️📆Сёння, 18 лістапада, дзень нараджэння ў расійскага Дзеда Мароза, што родам з Вялікага Усцюга.

❄️☃️ Наш беларускі Дзед Мароз з Белавежскай пушчы нарадзіўся 16 снежня.

❄️Памесце Дзеда Мароза ў Белавежскай пушчы было адкрыта ў 2003 годзе.

❄️✨Ужо 4 снежня ў гэтым годзе Дзед Мароз запрашае ў сваю рэзідэнцыю на вялікае свята сустрэчы зімы "Белавежская казка"!

❄️ Чакаем навагоднюю казку! Рыхтуемся да святаў!

#беларускі_каляндар❄️☃️

ПРЫЙШЛІ ГРАМНІЦЫ — СКІДАЙ РУКАВІЦЫ

✨Грамніцы (Стрэчанне) у беларускім народным календары — свята ачышчэння з дапамогай агню🔥, дзень сустрэчы зімы❄️ з летам☀️.

✨Назва свята паходзіць ад імя Грамоўніка, якому прыпісвалася ўтварэнне веснавых навальніц⚡️ і дажджоў.

✨Адметнасць свята — асаблівы чын асвячэння свечак🕯. Грамніцы выраблялі самастойна і асвятлялі ў храме. Дома праводзілі абрад агністага крыжавання🔥:

👨🏻‍🦰Гаспадар дому абпальваў крыжападобна валасы сабе, жонцы і іншым родзічам. Пасля сям'я гуртам ішла ў хлеў, дзе агністыя крыжы выпальваліся на поўсці кожнай жывёліны🐄. Затым гаспадар дакранаўся палаючым кнотам да сцен, вушакоў, дзвярэй, вулляў. Пад канец сямейнай абрадавай дзеі свечку тушылі, прыносілі ў хату і хавалі за бажніцу, каб ніхто не бачыў👀 і свечка не страціла сваёй гаючай моцы.

✨На працягу года свечкі выкарыстоўвалі на засеўках, пры грымотах⛈, хваробе.

💯Якая б ні здаралася падзея —радасная ці сумная —з верай у дапамогу запальвалася грамнічная свечка🕯

#центрМаяк
#беларускі_каляндар

🌅 СВЕТ- САВЕТ МАЯКА🗼 -- рубрыка для тых, хто шануе традыцыі і нясе іх каларыт у сучаснасць.

✨Сустракаем Масленiцу -- старажытнае свята славянскіх народаў, звязанае з культам прыроды. Для святкавання вызначаны восьмы тыдзень перад Вялікаднем, калі ўсе чакалі цёплай пары і сваімі дзеяннямі нібыта “выганялі” зіму.

🥞Галоўная ежа на Масленіцу – масла, сыр, і бліны – сімвал сонца☀️
🖇Лічылася, што ўжыванне такой стравы паспрыяе набліжэнню вясны🌱

✨Свята паўсюдна чакалі з вялікай нецярплівасцю.
🖇Гаспадарчы і земляробчы час яшчэ не пачаўся і таму ўсе з задавальненнем гулялі.

💯Гэты тыдзень быў напоўнены святочнымі абрадавымі дзеяннямі, частаваннем, гульнямі і забавамі👀⤵️
#советмаяка
#беларускі_каляндар