⬆️ Кацярына Дубінская запрасіла педагогаў да актыўнага супрацоўніцтва:

– Калі пагартаць газету, то абавязкова знойдуцца рубрыкі, у якіх можна паспрабаваць сябе ў якасці аўтара. Не толькі прадэманстраваць свой вопыт, расказаць пра методыку, але і прадставіць цікавае мерапрыемства, напісаць пра свайго калегу. Кожны з вас зможа знайсці тэму для публікацыі ў сваёй установе адукацыі для нашых выданняў.

Педагогі адзначылі, што газета дапамагае тварыць, расці прафесійна, распаўсюджваць цікавы педагагічны вопыт.

– Без добрага чытання чалавек не можа адбыцца. Каб падсілкоўваць сябе перадавымі ідэямі, развівацца ўстанове адукацыі, педагогам варта чытаць прафесійную газету, – упэўнена дырэктар гімназіі № 1 Наталля Бушная. – Дзе можна пачарпнуць тое, што сёння актуальна? Сапраўды, у “Настаўніцкай газеце”. Нават прадметныя часопісы сёння адыходзяць на другі план. Газета за апошні час змянілася ў лепшы бок: яна стала больш змястоўнай, інфарматыўнай, карыснай. У ёй з’явіліся новыя рубрыкі, ёсць месца і для дыскусіі. На старонках газеты прадстаўлены цікавы вопыт метадычнай і выхаваўчай работы настаўнікаў з рэгіёнаў Беларусі. Ёсць чаму павучыцца і што запазычыць.

✅ Педагогі паразважалі аб шляхах павелічэння тыражу газеты, прапанавалі новыя тэмы для асвятлення на яе старонках, сярод якіх – суправаджэнне пачынаючых настаўнікаў розных рэгіёнаў ад першых крокаў у прафесіі на працягу некалькіх гадоў работы ў школе, дзейнасць установы адукацыі па пытаннях стварэння інфармацыйных рэсурсаў, сайтаў, новыя маршруты па музеях і музейных экспазіцыях рэгіёнаў.