Тропарь Священномученику Василию Холмогорову, глас 3:
Це́ркве Ру́сския сто́лпе непоколеби́мый,/ благоче́стия пра́вило,/ жития́ ева́нгельскаго о́бразе,/ священному́чениче Васи́лие,/ Христа́ ра́ди пострада́вый да́же до кро́ве,/ Его́же моли́ усе́рдно,/ я́ко Нача́льника и Соверши́теля спасе́ния,/ Русь Святу́ю утверди́ти в Правосла́вии// до сконча́ния ве́ка.

#церковный_календарь

Кондак Собору 70 Апостолов, глас 2:
Христо́вых ученико́в лик се́дмьдесят/ Боже́ственно, ве́рнии, в пе́снех восхва́лим,/ те́ми бо вси навыко́хом Тро́ицу почита́ти Неразде́льную,// и пребыва́ют свети́льницы Боже́ственныя ве́ры.

#церковный_календарь

Тропарь Священномученику Андрею Зимину, глас 5:
Земли Дальневосточныя прозябение/ и о людех ея теплый молитвенниче,/ храмов Божиих усердный строителю/ и благочестия неленостный учителю,/ священномучениче Андрее,/ верою воспеваем труды и подвиги твоя,/ во дни гонений и брани смертию за Христа увенчанныя./ Ты же, Престолу Божию предстоя,/ прилежно молися Господеви/ спастися душам нашим.

#церковный_календарь

На Культурном фронте — Вечерний хор❗️

https://rutube.ru/video/e5c0da6592e94e9ddd440963175edcb2/?r=a

#церковный_календарь
#вечерний_хор

Тропарь Богоявления, глас 1:
Во Иорда́не креща́ющуся Тебе́, Го́споди,/ Тро́ическое яви́ся поклоне́ние:/ Роди́телев бо глас свиде́тельствоваше Тебе́,/ возлю́бленнаго Тя Сы́на имену́я,/ и Дух в ви́де голуби́не,/ изве́ствоваше словесе́ утвержде́ние./ Явле́йся Христе́ Бо́же,// и мир просвеще́й, сла́ва Тебе́.

#церковный_календарь

Тропарь Пророку и Крестителю Господнему Иоанну, глас 2:
Па́мять пра́веднаго с похвала́ми,/ тебе́ же довле́ет свиде́тельство Госпо́дне, Предте́че:/ пока́зал бо ся еси́ вои́стину и проро́ков честне́йший,/ я́ко и в струя́х крести́ти сподо́бился еси́ Пропове́даннаго./ Те́мже за и́стину пострада́в ра́дуяся,/ благовести́л еси́ и су́щим во а́де Бо́га я́вльшагося пло́тию,/ взе́млющаго грех ми́ра,// и подаю́щаго нам ве́лию ми́лость.

#церковный_календарь

Тропарь Мученику Михаилу Новосёлову, глас 4:

Му́ченик Твой, Го́споди, Михаил / во страда́нии свое́м вене́ц прия́т нетле́нный от Тебе́, Бо́га на́шего, / име́яй бо кре́пость Твою́, / мучи́телей низложи́, / сокруши́ и де́монов немощны́я де́рзости. / Того́ моли́твами // спаси́ ду́ши на́ша.
ЧИТАТЬ ЖИТИЕ❗️

#церковный_календарь

Тропарь Святителю Филиппу, Митрополиту Московскому, глас 8:

Первопресто́льников прее́мниче,/ сто́лпе Правосла́вия, и́стины побо́рниче,/ но́вый испове́дниче, святи́телю Фили́ппе,/ положи́вый ду́шу за па́ству твою́,/ те́мже я́ко име́я дерзнове́ние ко Христу́,/ моли́ за град же и лю́ди,// чту́щия досто́йно святу́ю па́мять твою́.

#церковный_календарь

Тропарь Священномученику Анатолию Грисюку, Митрополиту Одесскому, глас 5:

Во святи́телях благоче́стно пожи́л еси́, и муче́ния путь сконча́в, богобо́рцев я́рость посрами́л еси́, побо́рник Христо́ву ста́ду был еси́, богому́дре. Те́мже тя почита́ем ны́не, вопию́ще: священному́чениче Анато́лие, моли́ Христа́ Бо́га спасти́ся душа́м на́шим.

#церковный_календарь

Тропарь Пресвятой Богородице перед иконой Её Елецкая, глас 4:

Днесь све́тло красу́ется дре́вний град Еле́ц,/ помина́юще сла́вное чу́до Пресвяты́я Богоро́дицы:/ егда́ бо на сто́гнах Первопресто́льныя Москвы́/ ико́ну Ея́ чу́дную лю́дие моско́встии срета́ху,/ тогда́ Сама́, Влады́чице, на горе́ Аргама́чстей во гра́де Ельце́,/ на сре́тение нечести́вому Тамерла́ну изше́дше,/ гро́зное его́ наше́ствие вспять обрати́./ Сего́ ди́внаго явле́ния изображе́ние на новопи́санней ико́не зря́ще/ и Засту́пницу на́шу за вся благодея́ния Ея́ благодаря́ще,/ уми́льно Ей взыва́ем:// и в пре́дняя не оста́ви нас, о Ма́ти Милосе́рдая.

#церковный_календарь

Тропарь Мученице Татьяне, глас 4:

А́гнцу Пречи́стому и Па́стырю после́дуя,/ а́гнице слове́сная Татиа́но/ мы́сленных звере́й не убоя́лася еси́,/ но зна́мением кре́стным вооружи́вшися,/ до конца́ тех низложи́ла еси́,/ и вошла́ еси́ в Небе́сную огра́ду,// иде́же помяни́ и нас, му́ченице Христо́ва многому́драя.
ЧИТАТЬ ЖИТИЕ ❗️

#церковный_календарь

Тропарь Преподобному Иринарху, затворнику Ростовскому, глас 4:

Я́ко му́ченика добропроизво́льна/ и преподо́бных удобре́ние,/ звезду́ Росто́вскую,/ в затво́ре, у́зах и вери́гах Го́сподеви благоугоди́вшаго/ и чуде́с благода́ть от Него́ прие́мшаго,/ Ирина́рха преди́внаго пе́сньми хвале́бными почти́м/ и, к нему́ припа́дающе, уми́льно глаго́лем:/ о́тче преподо́бне, моли́ Христа́ Бо́га// спасти́ся душа́м на́шим.

#церковный_календарь

Тропарь. Иосифу, Сергию, Антонию, Варлааму, Иову и Петру, Преподобномученикам Раифским, глас 4:

Православия неложнии ревнители и зловредных ересей обличители, / пустыни Раифския новомученицы святии, / пред богоборцы Христа исповедали есте. / Пред Престолом Божиим с преподобными отцами ныне предстоя, / молите Христа Бога спастися душам нашим.

ЧИТАТЬ ЖИТИЯ❗️

#церковный_календарь