#КК_сонун
❇️Балаҕан ыйын 24-25 күннэригэр «Ас-үөл - 2022» дьаарбаҥка-быыстапка ыытыллар.
⏱ 10:00-18:00 ч.чааска
🔸Комсомуол болуоссатыгар
Сибиэһэй үүт, эт, балык бородууксуйата, чэй, мүөт, сыыр, оҕуруот аһа, фрукта уо.д.а. ас атыыга тахсыаҕа.
Икки күннээх тэрээһиҥҥэ тыа хаһаайыстыбатын тэриллэрин уонна племенной кыылларын быыстапката ыытыллыаҕа.
🔸Балаҕан ыйын 24 күнүгэр АГАТУ балаһааккатыгар тыа хаһаайыстыбатын бородууксуйатын оҥорон таһаарааччыларын съеһэ буолуоҕа.
🔸Балаҕан ыйын 25 күнүгэр ипподромҥа Тыа хаһаайыстыбатын министиэристибэтин бирииһигэр ат сүүрдүүтэ буолар, манна өрөспүүбүлүкэ бастыҥ сүүрүк аттара кыттыахтара.
https://yangx.top/kiin_kyorat_gazeta
❇️Балаҕан ыйын 24-25 күннэригэр «Ас-үөл - 2022» дьаарбаҥка-быыстапка ыытыллар.
⏱ 10:00-18:00 ч.чааска
🔸Комсомуол болуоссатыгар
Сибиэһэй үүт, эт, балык бородууксуйата, чэй, мүөт, сыыр, оҕуруот аһа, фрукта уо.д.а. ас атыыга тахсыаҕа.
Икки күннээх тэрээһиҥҥэ тыа хаһаайыстыбатын тэриллэрин уонна племенной кыылларын быыстапката ыытыллыаҕа.
🔸Балаҕан ыйын 24 күнүгэр АГАТУ балаһааккатыгар тыа хаһаайыстыбатын бородууксуйатын оҥорон таһаарааччыларын съеһэ буолуоҕа.
🔸Балаҕан ыйын 25 күнүгэр ипподромҥа Тыа хаһаайыстыбатын министиэристибэтин бирииһигэр ат сүүрдүүтэ буолар, манна өрөспүүбүлүкэ бастыҥ сүүрүк аттара кыттыахтара.
https://yangx.top/kiin_kyorat_gazeta
#КК_Кэпсээн
ТАПТЫЫРГА БУРУЙ СУОХ
Ааптар: Долгунча
Водовоз ыалтан ыалга уу кутар, олох куйаас күннэргэ былдьаһык... Эдэр уол күөх кырааскалаах олбуорга кэллэҕинэ сүрэҕэ тиҥиргэччи тэбэр, хас сырыы аайы Катяны элэс көрүөм диэн баҕа санаалаах.
Син биирдэ эмэ көрөр, уу харчытын таһааран кыратык кэпсэтэ түстэҕинэ, уол көтүөн кыната суох буолар.
Сивцевтэр баар суох соҕотох кыыстара номнуо улаатан куоракка үрдүк үөрэххэ быйыл киирбитэ. Бу сайыҥҥы сынньалаҥар дьонугар баар.
Сеня орто үөрэҕи бүтэрэн үлэлии сылдьар, ыал улахан уола буолан, дьонугар көмө киһитэ. Сааһа отутугар чугаһаан эрэр. Киһи сирбэт уола, арыгы испэт, табах тардыбат, кыргыттар элиэтииллэр да, ким да диэки көрбөт.
Биир көрүүттэн таптыахха сөп дуо, сымыйа ини дии саныыр этэ. Ол айыытыгар ити Катяны биир түгэнтэн сөбүлээн кэбиспитэ.
Катюшаны кыра эрдэҕиттэн билэр, олох да аахайбат этэ. Бээ, хайдах этэй? Биирдэ уу кута кэлбитигэр, кынат курдук тэлээркэй былаачыйалаах кыыс кирилиэһинэн сүүрэн түспүтэ, уу харчытын биэрээри. Ити көстүү өйүгэр хатанан хаалбыт, бэл түүлүгэр кытта көстөр буолбута, бүттэхпит дии.
Көмүс күһүн күндээрэн тиийэн кэлбитэ, силбик ардахтаах күннэр тураллар. Сеня дууһата эмиэ бу халлаан курдук, Катяҕа хайдах да кыайан чугаһаабата. Бэйэтин кырдьаҕаспын дии саныыра туора түстэ быһыылаах. Тапталын кыайан эппэтэ, кыыс үөрэҕэр баран хаалла.
Бу кэмтэн ыла хас күһүн кэлэн ааспыта биллибэт, Сэмэн уолунан кырыйда. Катя ыал буолан күтүөт батыһыннаран кэлбитэ, хас да оҕолонон, ньир бааччы олороллор. Сэмэн син биир водовоһугар сылдьар. Күөх кырааскалаах олбуорга чугаһаатаҕына, билигин да олус долгуйар. Таптыырга буруй суох.
https://yangx.top/kiin_kyorat_gazeta
ТАПТЫЫРГА БУРУЙ СУОХ
Ааптар: Долгунча
Водовоз ыалтан ыалга уу кутар, олох куйаас күннэргэ былдьаһык... Эдэр уол күөх кырааскалаах олбуорга кэллэҕинэ сүрэҕэ тиҥиргэччи тэбэр, хас сырыы аайы Катяны элэс көрүөм диэн баҕа санаалаах.
Син биирдэ эмэ көрөр, уу харчытын таһааран кыратык кэпсэтэ түстэҕинэ, уол көтүөн кыната суох буолар.
Сивцевтэр баар суох соҕотох кыыстара номнуо улаатан куоракка үрдүк үөрэххэ быйыл киирбитэ. Бу сайыҥҥы сынньалаҥар дьонугар баар.
Сеня орто үөрэҕи бүтэрэн үлэлии сылдьар, ыал улахан уола буолан, дьонугар көмө киһитэ. Сааһа отутугар чугаһаан эрэр. Киһи сирбэт уола, арыгы испэт, табах тардыбат, кыргыттар элиэтииллэр да, ким да диэки көрбөт.
Биир көрүүттэн таптыахха сөп дуо, сымыйа ини дии саныыр этэ. Ол айыытыгар ити Катяны биир түгэнтэн сөбүлээн кэбиспитэ.
Катюшаны кыра эрдэҕиттэн билэр, олох да аахайбат этэ. Бээ, хайдах этэй? Биирдэ уу кута кэлбитигэр, кынат курдук тэлээркэй былаачыйалаах кыыс кирилиэһинэн сүүрэн түспүтэ, уу харчытын биэрээри. Ити көстүү өйүгэр хатанан хаалбыт, бэл түүлүгэр кытта көстөр буолбута, бүттэхпит дии.
Көмүс күһүн күндээрэн тиийэн кэлбитэ, силбик ардахтаах күннэр тураллар. Сеня дууһата эмиэ бу халлаан курдук, Катяҕа хайдах да кыайан чугаһаабата. Бэйэтин кырдьаҕаспын дии саныыра туора түстэ быһыылаах. Тапталын кыайан эппэтэ, кыыс үөрэҕэр баран хаалла.
Бу кэмтэн ыла хас күһүн кэлэн ааспыта биллибэт, Сэмэн уолунан кырыйда. Катя ыал буолан күтүөт батыһыннаран кэлбитэ, хас да оҕолонон, ньир бааччы олороллор. Сэмэн син биир водовоһугар сылдьар. Күөх кырааскалаах олбуорга чугаһаатаҕына, билигин да олус долгуйар. Таптыырга буруй суох.
https://yangx.top/kiin_kyorat_gazeta
#КК_Поэзия
Эрдэлээн туруохха
Чыычаахтар, сарыаллыын туойсуһа
Туруохха ээ бүгүн эрдэлээн,
Ырыаһыт далбардыын ыллаһа
Уһуктуох биһиги эйэнэн.
Бу олох үөһүгэр олорсо
Эрдиэххэ эрчимнээх эрдиинэн,
Тигиниир үлэҕэ кыттыһа
Киириэххэ күргүөмҥэ илинэн.
Тулалыыр эйгэни хараһа
Турунуох көмүскэс санаанан,
Бу күөҕү, көҕүөрү баттаһа
Чэлгитиэх сирэмин ыраастаан.
Саргылаана Сайын
https://yangx.top/kiin_kyorat_gazeta
Эрдэлээн туруохха
Чыычаахтар, сарыаллыын туойсуһа
Туруохха ээ бүгүн эрдэлээн,
Ырыаһыт далбардыын ыллаһа
Уһуктуох биһиги эйэнэн.
Бу олох үөһүгэр олорсо
Эрдиэххэ эрчимнээх эрдиинэн,
Тигиниир үлэҕэ кыттыһа
Киириэххэ күргүөмҥэ илинэн.
Тулалыыр эйгэни хараһа
Турунуох көмүскэс санаанан,
Бу күөҕү, көҕүөрү баттаһа
Чэлгитиэх сирэмин ыраастаан.
Саргылаана Сайын
https://yangx.top/kiin_kyorat_gazeta
Forwarded from «КИИН КУОРАТ» хаhыат
#КК_сонун
💨Балаҕан ыйын 13-15 күннэригэр күүстээх тыал түһэринэн, төрөппүттэр оҕолорун оскуолаҕа ыытымыахтарын сөп диэн Үөрэхтээһин управлениета иһитиннэрэр.
https://yangx.top/kiin_kyorat_gazeta
💨Балаҕан ыйын 13-15 күннэригэр күүстээх тыал түһэринэн, төрөппүттэр оҕолорун оскуолаҕа ыытымыахтарын сөп диэн Үөрэхтээһин управлениета иһитиннэрэр.
https://yangx.top/kiin_kyorat_gazeta
#КК_сонун
🚒👩🏻🚒🧯Балаҕан ыйын 14-15 күннэригэр баһаары умуруорар тиэхиньикэ быыстапката ыытыллар.
Манна «Якутлесресурс» тиэхиньикэтэ туруоҕа.
🔸Буолар сирэ: «Арассыыйа — мин историям» мультимедийнай историческай паарка.
⏱ 10.00-18.00 ч.
https://yangx.top/kiin_kyorat_gazeta
🚒👩🏻🚒🧯Балаҕан ыйын 14-15 күннэригэр баһаары умуруорар тиэхиньикэ быыстапката ыытыллар.
Манна «Якутлесресурс» тиэхиньикэтэ туруоҕа.
🔸Буолар сирэ: «Арассыыйа — мин историям» мультимедийнай историческай паарка.
⏱ 10.00-18.00 ч.
https://yangx.top/kiin_kyorat_gazeta
Forwarded from «КИИН КУОРАТ» хаhыат
#КК_сонун
❇️Балаҕан ыйын 13-16 күннэригэр Култуура уонна сынньалаҥ пааркатыгар «Совигрипп» уонна «Ультрикс» диэн грипп утары үлэлиир вакциналары босхо туруортарыахха сөп.
⏱14:00-19:00 ч.
💉"Ийэ уонна оҕо дьиэтигэр"
https://yangx.top/kiin_kyorat_gazeta
❇️Балаҕан ыйын 13-16 күннэригэр Култуура уонна сынньалаҥ пааркатыгар «Совигрипп» уонна «Ультрикс» диэн грипп утары үлэлиир вакциналары босхо туруортарыахха сөп.
⏱14:00-19:00 ч.
💉"Ийэ уонна оҕо дьиэтигэр"
https://yangx.top/kiin_kyorat_gazeta
#КК_ТускарТуһан
❇️Моль үөскээтэҕинэ ыскаабы сылаас мыылалаах уунан сууйаллар, быыһын-хайаҕаһын уксуустаах киистэнэн сотуллар уонна куурдуллар.
🗄Уопсайынан, ыскаабы кэмиттэн кэмигэр ааннарын арыйан салгылатыллыахтаах. Таҥаһы таһырдьа таһааран салгылат, моль 8 кыраадыс тымныыга тоҥор.
Халлаан сылаас буоллаҕына, таҥаһы морозильникка уган тоҥоруохха сөп. Маннык хаста да гыныахха наада.
🟣Ыскаапка лаванда эбэтэр пихта арыылаах бааталары уур.
🚬Табах, биэрэс сыттарын, дьэдьэн сыттаах мыыланы, саҥа быһыллыбыт герань сэбирдэҕин сытын сөбүлээбэт.
🍊 Таҥас сиэптэригэр апельсин хахтарын уурдахха, моль чугаһыа суоҕа.
Ыскаапка таҥас сууйар массыына бороһуогун хаһаанан уурдахха, моль буулаабат.
https://yangx.top/kiin_kyorat_gazeta
❇️Моль үөскээтэҕинэ ыскаабы сылаас мыылалаах уунан сууйаллар, быыһын-хайаҕаһын уксуустаах киистэнэн сотуллар уонна куурдуллар.
🗄Уопсайынан, ыскаабы кэмиттэн кэмигэр ааннарын арыйан салгылатыллыахтаах. Таҥаһы таһырдьа таһааран салгылат, моль 8 кыраадыс тымныыга тоҥор.
Халлаан сылаас буоллаҕына, таҥаһы морозильникка уган тоҥоруохха сөп. Маннык хаста да гыныахха наада.
🟣Ыскаапка лаванда эбэтэр пихта арыылаах бааталары уур.
🚬Табах, биэрэс сыттарын, дьэдьэн сыттаах мыыланы, саҥа быһыллыбыт герань сэбирдэҕин сытын сөбүлээбэт.
🍊 Таҥас сиэптэригэр апельсин хахтарын уурдахха, моль чугаһыа суоҕа.
Ыскаапка таҥас сууйар массыына бороһуогун хаһаанан уурдахха, моль буулаабат.
https://yangx.top/kiin_kyorat_gazeta
#КК_БэлиэКүн
❇️Балаҕан ыйын 14 күнэ - Дмитрий Кононович Сивцев-
Суорун Омоллоон төрөөбүтэ
116 сыла.
Ытык Күөл киин библиотеката ытык киһи кэс тылын түмпүтүн таһаарабыт:
❇️ Бар дьоҥҥо, норуокка өҥө - ол буолар дьиҥнээх баай.
❇️ Дьонноох киһи кута-сүрэ хаһан да мөлтөөбөт, тостубат, мэлдьи чөллөөх, күүстээх буолар.
❇️ Дьон сыһыаныгар саамай суолталаах - сүрэх. Киһини сүрэххитинэн билэргэ кыһаныҥ. Кини сүрэҕин санаатын сүрэххитинэн өйдөөҥ. Саха киһитин сүрэҕэ кыымнаах, уоттаах. Ону өрүү күөдьүтэ сылдьыҥ.
❇️ Үчүгэйтэн үөрбүт киһи сирэйин курдугу өрүү өйдөөбөппүн. Саха үөрүнньэҥ омук. Үөрүү киһини үрдэтэр.
❇️ Улахан талаан, улахан кутаа курдук, хараҥаны хайа тыырыыта күүстээх буолуохтаах.
❇️ Духуобунай баай уһун үйэлээх буолуохтаах. Көлүөнэттэн көлүөнэҕэ бэриллэн муҥура суох хаҥыы, байа, сайда турар.
❇️ Ыырбытыттан тахсар ыллыкпыт ыраас, көнө, дьылҕабытыгар дабайар аартыкпыт киэҥ, сирдиир орой сулустаах, сырдык күннээх буоларыгар эрэнэммин сүрэҕим-быарым холку, өйүм-санаам дьэҥкэ.
❇️ Киһи норуотугар туһата үйэ уһунунан буолбакка, үлэ үйэлээҕинэн кэмнэнэр-кээмэйдэнэр.
❇️ Норуот сүрэҕэр кэриэс буолан хаалыы - бу саамай уһунтан уһун, өлбөт үйэ буолуохтаах.
❇️ Мин эт бэйэм өлбүтүм иннигэр, айымньы бэйэм ыччаттарбын кытта ыксалаһар буолуом: чороон айах буолан уураһыам, эбир хамыйах буолан эҕэрдэлиэм, үтүө алгыс буоламмын үрдүккэ ыҥырыам, кэрэмэс симэх буоламмын кэрэҕэ угуйуом: киһи диэн кэрэттэн-кэрэ буолар кэскиллээҕин кэпсии туруом.
https://yangx.top/kiin_kyorat_gazeta
❇️Балаҕан ыйын 14 күнэ - Дмитрий Кононович Сивцев-
Суорун Омоллоон төрөөбүтэ
116 сыла.
Ытык Күөл киин библиотеката ытык киһи кэс тылын түмпүтүн таһаарабыт:
❇️ Бар дьоҥҥо, норуокка өҥө - ол буолар дьиҥнээх баай.
❇️ Дьонноох киһи кута-сүрэ хаһан да мөлтөөбөт, тостубат, мэлдьи чөллөөх, күүстээх буолар.
❇️ Дьон сыһыаныгар саамай суолталаах - сүрэх. Киһини сүрэххитинэн билэргэ кыһаныҥ. Кини сүрэҕин санаатын сүрэххитинэн өйдөөҥ. Саха киһитин сүрэҕэ кыымнаах, уоттаах. Ону өрүү күөдьүтэ сылдьыҥ.
❇️ Үчүгэйтэн үөрбүт киһи сирэйин курдугу өрүү өйдөөбөппүн. Саха үөрүнньэҥ омук. Үөрүү киһини үрдэтэр.
❇️ Улахан талаан, улахан кутаа курдук, хараҥаны хайа тыырыыта күүстээх буолуохтаах.
❇️ Духуобунай баай уһун үйэлээх буолуохтаах. Көлүөнэттэн көлүөнэҕэ бэриллэн муҥура суох хаҥыы, байа, сайда турар.
❇️ Ыырбытыттан тахсар ыллыкпыт ыраас, көнө, дьылҕабытыгар дабайар аартыкпыт киэҥ, сирдиир орой сулустаах, сырдык күннээх буоларыгар эрэнэммин сүрэҕим-быарым холку, өйүм-санаам дьэҥкэ.
❇️ Киһи норуотугар туһата үйэ уһунунан буолбакка, үлэ үйэлээҕинэн кэмнэнэр-кээмэйдэнэр.
❇️ Норуот сүрэҕэр кэриэс буолан хаалыы - бу саамай уһунтан уһун, өлбөт үйэ буолуохтаах.
❇️ Мин эт бэйэм өлбүтүм иннигэр, айымньы бэйэм ыччаттарбын кытта ыксалаһар буолуом: чороон айах буолан уураһыам, эбир хамыйах буолан эҕэрдэлиэм, үтүө алгыс буоламмын үрдүккэ ыҥырыам, кэрэмэс симэх буоламмын кэрэҕэ угуйуом: киһи диэн кэрэттэн-кэрэ буолар кэскиллээҕин кэпсии туруом.
https://yangx.top/kiin_kyorat_gazeta
#КК_ХаппаргарХатаа
🍯 Ханнык мүөт үчүгэйий?
🌺 Мүөт өҥө, сыта ханнык сибэккиттэн хомуллубутуттан тутулуктаах. Холобур, липовай мүөт өҥө саһархайдыҥы, ыраас өҥнөөх, кристаллизацияланарыгар сырдыктыҥы янтарнай, сыттаах буолар.
☘️Гречишнэй – бороҥ хараҥата, минньигэс хос амтаннаах.
🌻Подсолнечнай – көмүстүҥү сырдык, кыра сыттаах.
🌿Кипрейнэй – от күөхтүҥү, сымнаҕас сыттаах.
🍃 Вересковай мүөт – кыһыллыҥы буурай, кытаанах, ойуурдуҥу сыттаах.
🍀 Клевернэй мүөт - кыһыллыҥы саһархай, минньигэс сыттаах.
☝🏻Мүөт сииги тардар, ол иһин түргэнник аһыйар. Мүөтү тууһаммыт хаппыыста, оҕурсу, селедка уонна да атын аһыы сыттаах ас аттыгар туруоруллуо суохтаах.
🫙 Өстүөкүлэ, эмалированнай иһиккэ харайыллар. Мастан оҥоһуллубут иһиккэ ууруллуо суохтаах, мас амтаннанар, дууптан оҥоһуллубут иһиккэ хараарар.
https://yangx.top/kiin_kyorat_gazeta
🍯 Ханнык мүөт үчүгэйий?
🌺 Мүөт өҥө, сыта ханнык сибэккиттэн хомуллубутуттан тутулуктаах. Холобур, липовай мүөт өҥө саһархайдыҥы, ыраас өҥнөөх, кристаллизацияланарыгар сырдыктыҥы янтарнай, сыттаах буолар.
☘️Гречишнэй – бороҥ хараҥата, минньигэс хос амтаннаах.
🌻Подсолнечнай – көмүстүҥү сырдык, кыра сыттаах.
🌿Кипрейнэй – от күөхтүҥү, сымнаҕас сыттаах.
🍃 Вересковай мүөт – кыһыллыҥы буурай, кытаанах, ойуурдуҥу сыттаах.
🍀 Клевернэй мүөт - кыһыллыҥы саһархай, минньигэс сыттаах.
☝🏻Мүөт сииги тардар, ол иһин түргэнник аһыйар. Мүөтү тууһаммыт хаппыыста, оҕурсу, селедка уонна да атын аһыы сыттаах ас аттыгар туруоруллуо суохтаах.
🫙 Өстүөкүлэ, эмалированнай иһиккэ харайыллар. Мастан оҥоһуллубут иһиккэ ууруллуо суохтаах, мас амтаннанар, дууптан оҥоһуллубут иһиккэ хараарар.
https://yangx.top/kiin_kyorat_gazeta
#КК_дьон
💬Суорун Омоллоон кынат курдук илдьэ сылдьан үйэлээх үлэтигэр барытыгар кыттыһыннарбыт, көмөлөһүннэрбит төрөппүт уола Айсен Дмитриевич Сивцев – Айсен Дойду ахтыытыттан:
🔸Аҕам олорбут дьиэтэ Чернышевскай уулуссатын 26-гар баар. Чөлүгэр түһэрэн, норуодунай суруйааччы, Социалистическай Үлэ Геройа Суорун Омоллоон музей-дьиэтэ буолуоҕа.
🔸Аҕабын кытта историческай пааматынньыктары норуокка хаалларар үлэни саҕалаабыппыт. 1977 сыллааха Чөркөөх музейын тэрийбиппит. Онтон кэлин оҕонньор Суоттуга, Ытык Күөлгэ, Хадаайыга Ойуунускай уһаайбатын оҥорууга үлэлээбитэ. Суорун Омоллоон элбэх материальнай пааматынньыгы тутан хаалларбыта. Онно мин көмөлөстөҕүм эрэ дии.
🔸Суотту, Чөркөөх музейдарын тэрийэрбитигэр дьон бэйэтэ, биир-биэс харчыта суох, буор-босхо көмөлөһөн, тутан, сүүнэ дьиэлэри көһөрөн аҕалан, тутан таһаарбыппыт. Экспонаттары эмиэ норуот хомуйбута, үксүн бэлэхтииллэр этэ.
Айсен Дойду интервьюта:
https://kiinkuorat.ru/articles/aysen-doydu-ss-da-o-oruom-elbeh
https://yangx.top/kiin_kyorat_gazeta
💬Суорун Омоллоон кынат курдук илдьэ сылдьан үйэлээх үлэтигэр барытыгар кыттыһыннарбыт, көмөлөһүннэрбит төрөппүт уола Айсен Дмитриевич Сивцев – Айсен Дойду ахтыытыттан:
🔸Аҕам олорбут дьиэтэ Чернышевскай уулуссатын 26-гар баар. Чөлүгэр түһэрэн, норуодунай суруйааччы, Социалистическай Үлэ Геройа Суорун Омоллоон музей-дьиэтэ буолуоҕа.
🔸Аҕабын кытта историческай пааматынньыктары норуокка хаалларар үлэни саҕалаабыппыт. 1977 сыллааха Чөркөөх музейын тэрийбиппит. Онтон кэлин оҕонньор Суоттуга, Ытык Күөлгэ, Хадаайыга Ойуунускай уһаайбатын оҥорууга үлэлээбитэ. Суорун Омоллоон элбэх материальнай пааматынньыгы тутан хаалларбыта. Онно мин көмөлөстөҕүм эрэ дии.
🔸Суотту, Чөркөөх музейдарын тэрийэрбитигэр дьон бэйэтэ, биир-биэс харчыта суох, буор-босхо көмөлөһөн, тутан, сүүнэ дьиэлэри көһөрөн аҕалан, тутан таһаарбыппыт. Экспонаттары эмиэ норуот хомуйбута, үксүн бэлэхтииллэр этэ.
Айсен Дойду интервьюта:
https://kiinkuorat.ru/articles/aysen-doydu-ss-da-o-oruom-elbeh
https://yangx.top/kiin_kyorat_gazeta
#КК_МинньигэстикАһааң
Хаппыыстаны араастаан астыыбыт
😋Гратен
🥬700 г хаппыыста;
🌾1/3 бурдук;
🥛1 ыст. үүт;
🥛1/3 сүөгэй;
🥚 3 сымыыт;
🌱3 ост.нь. бытархай гына кырбаммыт петрушка;
🧂 1,5 ч.нь. туус;
0,5 ч.нь. хара биэрэс;
🧀 100 гр. теркаламмыт сыыр;
🥃 1 ост. нь. мас арыыта;
🔸Хаппыыстабытын ууга буһаран ылабыт, 5 мүнүүтэ устата оргутабыт. Уутун сүөкээн баран, тымныы уунан сайҕаан ылабыт, таҥаска тэлгээн куурдабыт.
🔸Духуопканы 190 кыраадыска сылытабыт.
🔸Улахан миискэҕэ бурдугу, сүөгэйи, үүтү, сымыыты, петрушканы, тууһу, биэрэһи уонна сыырбыт 1/3 холбуубут. Хаппыыстабытын бу тиэстэбитигэр кутан булкуйабыт.
🔸Духуопка форматын арыынан оҕунуохтаан баран сыыры таммалатабыт уонна бэлэмнэммит аспытын кутабыт. Үрдүгэр эмиэ сыырбытын таммалатабыт.
🔸Духуопкаҕа 50 мүнүүтэ буһарабыт.
https://yangx.top/kiin_kyorat_gazeta
Хаппыыстаны араастаан астыыбыт
😋Гратен
🥬700 г хаппыыста;
🌾1/3 бурдук;
🥛1 ыст. үүт;
🥛1/3 сүөгэй;
🥚 3 сымыыт;
🌱3 ост.нь. бытархай гына кырбаммыт петрушка;
🧂 1,5 ч.нь. туус;
0,5 ч.нь. хара биэрэс;
🧀 100 гр. теркаламмыт сыыр;
🥃 1 ост. нь. мас арыыта;
🔸Хаппыыстабытын ууга буһаран ылабыт, 5 мүнүүтэ устата оргутабыт. Уутун сүөкээн баран, тымныы уунан сайҕаан ылабыт, таҥаска тэлгээн куурдабыт.
🔸Духуопканы 190 кыраадыска сылытабыт.
🔸Улахан миискэҕэ бурдугу, сүөгэйи, үүтү, сымыыты, петрушканы, тууһу, биэрэһи уонна сыырбыт 1/3 холбуубут. Хаппыыстабытын бу тиэстэбитигэр кутан булкуйабыт.
🔸Духуопка форматын арыынан оҕунуохтаан баран сыыры таммалатабыт уонна бэлэмнэммит аспытын кутабыт. Үрдүгэр эмиэ сыырбытын таммалатабыт.
🔸Духуопкаҕа 50 мүнүүтэ буһарабыт.
https://yangx.top/kiin_kyorat_gazeta
#КК_сонун
❇️Ыччат дьаһалтатыгар үлэлиэн баҕалаахтартан сайаапка хомуллан эрэр.
Ыччат дьаһалтата - Дьокуускай куорат Олохтоох дьаһалтатын ыччат, дьиэ кэргэн судаарыстыбаннай бэлиитикэтигэр уонна уопсастыбаннай сибээстэргэ сүбэлэһэр уопсастыбаннай уорганынан буолар.
☝🏻Ыччат дьаһалтатын чилиэнинэн Дьокуускай куорат уокуругун территориятыгар олорор 18-35 саастаах Арассыыйа Федерациятын гражданнара буолуохтарын сөп.
Ыччат дьаһалтатын үлэтин сыала – ыччат, дьиэ кэргэн бэлиитикэтигэр уонна уопсастыбаннай сибээстэргэ ыытыллар үлэҕэ кыттар быраабынан хааччыйыы, социальнай, култуурунай, духуобунай, физическэй сайдыыга, гражданскай-патриотическай иитиигэ үлэлэһии, ыччат тус кыаҕын туһаныыга усулуобуйалары тэрийии.
🔸Сайаапкалары балаҕан ыйын 27 күнүгэр диэри хомуйаллар, [email protected] электроннай почтанан «Ыччат дьаһалтата» диэн бэлиэтээн ыытыллар.
☎️Сиһилии 40-88-46 эбэтэр 8984-116-89-99 төпүөннэринэн билсиэххэ сөп (Анна Местникова).
https://yangx.top/kiin_kyorat_gazeta
❇️Ыччат дьаһалтатыгар үлэлиэн баҕалаахтартан сайаапка хомуллан эрэр.
Ыччат дьаһалтата - Дьокуускай куорат Олохтоох дьаһалтатын ыччат, дьиэ кэргэн судаарыстыбаннай бэлиитикэтигэр уонна уопсастыбаннай сибээстэргэ сүбэлэһэр уопсастыбаннай уорганынан буолар.
☝🏻Ыччат дьаһалтатын чилиэнинэн Дьокуускай куорат уокуругун территориятыгар олорор 18-35 саастаах Арассыыйа Федерациятын гражданнара буолуохтарын сөп.
Ыччат дьаһалтатын үлэтин сыала – ыччат, дьиэ кэргэн бэлиитикэтигэр уонна уопсастыбаннай сибээстэргэ ыытыллар үлэҕэ кыттар быраабынан хааччыйыы, социальнай, култуурунай, духуобунай, физическэй сайдыыга, гражданскай-патриотическай иитиигэ үлэлэһии, ыччат тус кыаҕын туһаныыга усулуобуйалары тэрийии.
🔸Сайаапкалары балаҕан ыйын 27 күнүгэр диэри хомуйаллар, [email protected] электроннай почтанан «Ыччат дьаһалтата» диэн бэлиэтээн ыытыллар.
☎️Сиһилии 40-88-46 эбэтэр 8984-116-89-99 төпүөннэринэн билсиэххэ сөп (Анна Местникова).
https://yangx.top/kiin_kyorat_gazeta
#КК_сонун
❇️17 эбийиэк аспаалланан бүттэ.
Балаҕан ыйын 13 күнүнээҕи туругунан, Дьокуускайга бэдэрээтчит тэрилтэлэр уулусса-суол ситимин 27 эбийиэгиттэн 17-тин аспааллаан бүттүлэр диэн иһитиннэрдэ «Главстрой» МХТ.
Билиҥҥи туругунан, Ильменскэй, Птицевод, Очиченко уулуссаларыгар уонна Щорс күөлүн таһынааҕы суолу аспааллыыллар. Ити эбийиэктэргэ сүрүн үлэ балаҕан ыйын бүтэһигэр түмүктэниэхтээх.
Ильменскэй уулуссаҕа аспаал-бетон иккис дьапталҕата ууруллар, ити бүттэ да үсүһү саҕалыахтаахтар. Эбийиэк былааныгар ууну ыытар лотоктар, икки өттүгэр саҥа тротуардар, мас олордуута, газон үүннэриитэ, итиэннэ «Ивушка» уонна «Кэскил» оҕо уһуйааннарын таһыгар саҥа сылаас тохтобулу туруоруу киирбиттэр.
Федор Попов, Энергетиктэр, Авиатордар уулуссаларыгар уонна кардиологическай диспансерга чугаһыыр суолга (Мерзлотнай уул.) өрөмүөн үлэтэ түмүктэннэ. Сэттэ эбийиэги бүтэрэн туттарарга докумуоннара оҥоһуллар.
https://yangx.top/kiin_kyorat_gazeta
❇️17 эбийиэк аспаалланан бүттэ.
Балаҕан ыйын 13 күнүнээҕи туругунан, Дьокуускайга бэдэрээтчит тэрилтэлэр уулусса-суол ситимин 27 эбийиэгиттэн 17-тин аспааллаан бүттүлэр диэн иһитиннэрдэ «Главстрой» МХТ.
Билиҥҥи туругунан, Ильменскэй, Птицевод, Очиченко уулуссаларыгар уонна Щорс күөлүн таһынааҕы суолу аспааллыыллар. Ити эбийиэктэргэ сүрүн үлэ балаҕан ыйын бүтэһигэр түмүктэниэхтээх.
Ильменскэй уулуссаҕа аспаал-бетон иккис дьапталҕата ууруллар, ити бүттэ да үсүһү саҕалыахтаахтар. Эбийиэк былааныгар ууну ыытар лотоктар, икки өттүгэр саҥа тротуардар, мас олордуута, газон үүннэриитэ, итиэннэ «Ивушка» уонна «Кэскил» оҕо уһуйааннарын таһыгар саҥа сылаас тохтобулу туруоруу киирбиттэр.
Федор Попов, Энергетиктэр, Авиатордар уулуссаларыгар уонна кардиологическай диспансерга чугаһыыр суолга (Мерзлотнай уул.) өрөмүөн үлэтэ түмүктэннэ. Сэттэ эбийиэги бүтэрэн туттарарга докумуоннара оҥоһуллар.
https://yangx.top/kiin_kyorat_gazeta
#КК_ТускарТуһан
🏥Поликлиникаҕа сыһыарыллыы туһунан
❓Медицинскэй тэрилтэҕэ тоҕо сыһыарыллыахтаахпытый?
🔸Эмп-томп уонна ОМС-нан босхо медицинскэй өҥөнү ылар кыахтанабыт.
❓Прописканан тута сыһыарыллар кыахтаахпыт дуо?
🔸Суох. Медицинскэй тэрилтэҕэ бэйэтигэр тиийэн регистрацияланаргыт наада.
❓Оҕону онлайн халыыбынан поликлиникаҕа сыһыарыахха сөп дуо?
🔸Оҕону бэйэтин илдьэн сыһыарар эрэ табыллар.
❓Ханнык докумуоннар наадаларый?
🔸Пааспар;
🔸СНИЛС;
🔸ОМС полиһа.
🔹14 сааһыттан кыра оҕоҕо:
❓Поликлиниканы сотору-сотору уларытыахха сөп дуо?
🔸Сылга биирдэ уларытыахха сөп. Оттон атын дойдуга көһөн барар түгэҥҥитигэр хааччах суох.
https://yangx.top/kiin_kyorat_gazeta
🏥Поликлиникаҕа сыһыарыллыы туһунан
❓Медицинскэй тэрилтэҕэ тоҕо сыһыарыллыахтаахпытый?
🔸Эмп-томп уонна ОМС-нан босхо медицинскэй өҥөнү ылар кыахтанабыт.
❓Прописканан тута сыһыарыллар кыахтаахпыт дуо?
🔸Суох. Медицинскэй тэрилтэҕэ бэйэтигэр тиийэн регистрацияланаргыт наада.
❓Оҕону онлайн халыыбынан поликлиникаҕа сыһыарыахха сөп дуо?
🔸Оҕону бэйэтин илдьэн сыһыарар эрэ табыллар.
❓Ханнык докумуоннар наадаларый?
🔸Пааспар;
🔸СНИЛС;
🔸ОМС полиһа.
🔹14 сааһыттан кыра оҕоҕо:
• Төрөөбүтүн туһунан сибидиэтэлистибэтэ; • Сокуоннай бэрэстэбиитэл пааспара.❓Поликлиниканы сотору-сотору уларытыахха сөп дуо?
🔸Сылга биирдэ уларытыахха сөп. Оттон атын дойдуга көһөн барар түгэҥҥитигэр хааччах суох.
https://yangx.top/kiin_kyorat_gazeta
#КК_сонун
✈️ Дьокуускай-Москва хайысханан чэпчэтиилээх билиэттэр атыыланаллар.
❇️«Якутия» авиахампаанньа Уһук Илиҥҥи федеральнай уокурук олохтоохторугар Дьокуускай-Москва хайысханан чэпчэтиилээх билиэт атыытын саҕалаата.
🎫Билиэт сыаната – 10 000 солк.
Төннөр билиэт сыаната эмиэ итинник суумалаах.
📆 Чэпчэки сыаналаах билиэттэри алтынньы 31 күнүгэр диэри атыылаһыахха сөп.
🔸2-гэр диэри саастаах оҕо анал миэстэтэ суох босхо көтүөн сөп,
🔸 2-12 саастаах оҕолорго билиэти 25% чэпчэтиилээх атыылаһыахха сөп.
Билиэттэри куорат ханнык баҕарар каассатыттан уонна «Якутия» авиахампаанньа сайтыттан ылыахха сөп.
☝🏻Чэпчэтиилээх билиэттэри Арассыыйа Федерациятын Уһук Илиҥҥи федеральнай уокуругар регистрациялаах эрэ дьон атыылаһар кыахтаахтар.
https://yangx.top/kiin_kyorat_gazeta
✈️ Дьокуускай-Москва хайысханан чэпчэтиилээх билиэттэр атыыланаллар.
❇️«Якутия» авиахампаанньа Уһук Илиҥҥи федеральнай уокурук олохтоохторугар Дьокуускай-Москва хайысханан чэпчэтиилээх билиэт атыытын саҕалаата.
🎫Билиэт сыаната – 10 000 солк.
Төннөр билиэт сыаната эмиэ итинник суумалаах.
📆 Чэпчэки сыаналаах билиэттэри алтынньы 31 күнүгэр диэри атыылаһыахха сөп.
🔸2-гэр диэри саастаах оҕо анал миэстэтэ суох босхо көтүөн сөп,
🔸 2-12 саастаах оҕолорго билиэти 25% чэпчэтиилээх атыылаһыахха сөп.
Билиэттэри куорат ханнык баҕарар каассатыттан уонна «Якутия» авиахампаанньа сайтыттан ылыахха сөп.
☝🏻Чэпчэтиилээх билиэттэри Арассыыйа Федерациятын Уһук Илиҥҥи федеральнай уокуругар регистрациялаах эрэ дьон атыылаһар кыахтаахтар.
https://yangx.top/kiin_kyorat_gazeta
#КК_Спорт
🤼♂️Үөһээ Бүлүү бөҕөстөрө «Легенды спорта в каждой школе» ааксыйаны өйөөтүлэр.
Спорт миниистирэ Леонид Спиридонов Р.Дмитриев үбүлүөйдээх тэрээһиннэригэр Эдьигээҥҥэ тиийэ сылдьан спорт дьоруойдарын үйэтитэр ааксыйаны көҕүлээбитэ. Үтүө хамсааһыҥҥа кыттыһан Үөһээ Бүлүү спортивнай оскуолатын выпускниктара оскуолаларыгар Роман Дмитриев, Павел Пинигин, Александр Иванов уонна XX үйэ улуу тренерэ Дмитрий Коркин мэтириэттэрин бэлэхтээтилэр.
Спорт идеалларын тарҕатар, ыччаты иитиигэ көмө буолар хамсааһыңңа баҕалаахтары кыттарга ыҥыраллар.
https://yangx.top/kiin_kyorat_gazeta
🤼♂️Үөһээ Бүлүү бөҕөстөрө «Легенды спорта в каждой школе» ааксыйаны өйөөтүлэр.
Спорт миниистирэ Леонид Спиридонов Р.Дмитриев үбүлүөйдээх тэрээһиннэригэр Эдьигээҥҥэ тиийэ сылдьан спорт дьоруойдарын үйэтитэр ааксыйаны көҕүлээбитэ. Үтүө хамсааһыҥҥа кыттыһан Үөһээ Бүлүү спортивнай оскуолатын выпускниктара оскуолаларыгар Роман Дмитриев, Павел Пинигин, Александр Иванов уонна XX үйэ улуу тренерэ Дмитрий Коркин мэтириэттэрин бэлэхтээтилэр.
Спорт идеалларын тарҕатар, ыччаты иитиигэ көмө буолар хамсааһыңңа баҕалаахтары кыттарга ыҥыраллар.
https://yangx.top/kiin_kyorat_gazeta
#КК_сонун
⚡️Энергетиктэр уот ситимин чөлүгэр түһэрдилэр.
Балаҕан ыйын 8 күнүгэр Дьокуускай куорат кэккэ дьиэлэригэр быстыбыт уот ситимин балаҕан ыйын 13 күнүгэр барытын чөлүгэр түһэрдилэр диэн иһитиннэрдэ СӨ баһылыгын уонна бырабыыталыстыбатын пресс-сулууспата.
Олохтоохтортон барыта 510 сайаапка киирбит. Балаҕан ыйын 8 күнүгэр күүстээх тыалтан элбэх дьиэ уота суох хаалбытыгар Киин электрическэй ситимнэр биригээдэлэрэ суһаллык үлэни саҕалаабыттара. Чөлүгэр түһэрии үлэтигэр 52 киһилээх 13 биригээдэ, 16 тиэхиньикэ үлэлээтэ, 253 саахал бэлиэтэннэ.
«Силлиэ алдьатыытын туоратыы кэмигэр суһал диспетчерскэй бөлөххө 510 сайаапка киирдэ. Бүгүҥҥү күҥҥэ чөлүгэр түһэрии үлэтэ түмүктэннэ», - диэтэ ОДьКХ уонна энергетика миниистирин солбуйааччыта Дмитрий Шувалов.
☝🏻Уот ситимэ быстыбытын көрдөххүтүнэ чугаһаамаҥ, тыытымаҥ диэн энергетиктэр сэрэтэллэр.
☎️Киин электрическэй ситимнэр суһал диспетчерскэй бөлөхтөрүгэр 005,
8 (4112) 21-55-68 төлөпүөннэринэн биллэриҥ.
https://yangx.top/kiin_kyorat_gazeta
⚡️Энергетиктэр уот ситимин чөлүгэр түһэрдилэр.
Балаҕан ыйын 8 күнүгэр Дьокуускай куорат кэккэ дьиэлэригэр быстыбыт уот ситимин балаҕан ыйын 13 күнүгэр барытын чөлүгэр түһэрдилэр диэн иһитиннэрдэ СӨ баһылыгын уонна бырабыыталыстыбатын пресс-сулууспата.
Олохтоохтортон барыта 510 сайаапка киирбит. Балаҕан ыйын 8 күнүгэр күүстээх тыалтан элбэх дьиэ уота суох хаалбытыгар Киин электрическэй ситимнэр биригээдэлэрэ суһаллык үлэни саҕалаабыттара. Чөлүгэр түһэрии үлэтигэр 52 киһилээх 13 биригээдэ, 16 тиэхиньикэ үлэлээтэ, 253 саахал бэлиэтэннэ.
«Силлиэ алдьатыытын туоратыы кэмигэр суһал диспетчерскэй бөлөххө 510 сайаапка киирдэ. Бүгүҥҥү күҥҥэ чөлүгэр түһэрии үлэтэ түмүктэннэ», - диэтэ ОДьКХ уонна энергетика миниистирин солбуйааччыта Дмитрий Шувалов.
☝🏻Уот ситимэ быстыбытын көрдөххүтүнэ чугаһаамаҥ, тыытымаҥ диэн энергетиктэр сэрэтэллэр.
☎️Киин электрическэй ситимнэр суһал диспетчерскэй бөлөхтөрүгэр 005,
8 (4112) 21-55-68 төлөпүөннэринэн биллэриҥ.
https://yangx.top/kiin_kyorat_gazeta
#КК_Кэпсээн
Хантайан туран силлээбитиҥ хараххар түһүө
Ааптар: Долгунча
Чараҥнаах дэриэбинэтин сис ыаллара Сиидэрэптэр ыал аҕалара хонтуораҕа кэбиниэттээх тос курдук тойон, ийэлэрэ Екатерина Ивановна чааһынай улахан маҕаһыыннаах, кыра дэриэбинэҕэ муҥур ыраахтааҕы. Барытын кини билбитэ, кини дьаһайбыта аатырар, сэниир дьоннордоох, онтуларын күн аайы ыас гынан ыстыыр, «кини эмиэ киһи үһү дуо, сүөһү дии» диэн тыллаах.
Үгүстүк Бочоохтор диэн элбэх оҕолоох кыаммат ыаллар кини ыстыыр ыаһа буолаллар. "Ити оҕолоро ыстаана тэстибит, бу оҕолоро саппыкыта ханньайбыт,"- дьэ, таба көрөрө элбэх.
Бэйэлэрэ күҥҥэ көрбүт соҕотох кыыстаахтар, Инна диэн. Онтуларыгар ас амтаннааҕа, таҥас муодунайа, суотабайа айфон эрэ. Кыыс кыратыттан атааҕын билэн көрдөөбүтүн ыла, сөбүлээбитин буллара үөрэммит оҕо, куттаатаҕына үс хонук аһаабат, кэпсэппэт, ийэлээх аҕатын биир муостанан хаамтарар. Хата этэҥҥэ улаатан билигин омук тылыгар үөрэнэ сылдьар.
Катя дьүөгэтэ Таня бара-кэлэ маҕаһыыҥҥа таарыйар, атыылаһааччы суох буоллаҕына хобугураһыы бөҕө. Ол сиэринэн бүгүн эмиэ дьону бары сиилээтилэр. Бэл, Бочоохтор улаханнара юридическайга үөрэнэр үһү, кини баҕас суоппар да буолуох хаалбыт дэстилэр.
Бу туран Екатерина Ивановна уоһун-тииһин оҥостон: «Эйиэхэ эрэ этэбин, кыыһым Сережка диэн уоллаах, ватсаабын кистээн көрбүтүм, таптал бөҕө, ыал буолабыт, үйэбит тухары бииргэ буолабыт диэннээхтэр, онон куораттан күтүөт күүтэбин», – диэн көмүс ытарҕата эйэҥэлээтэ...
– Тыый, чахчы куорат дуо? Манна Бочоохтор Сережаларыгар кэргэн тахсар үһү диэн дэриэбинэ туолбут дии...
Дьэ онно көрүөххүт этэ, мааны хотун сирэйин – бастаан хараҕа кэҥээтэр-кэҥээн быччайан таҕыста, сыҥааҕа уһаан протез тииһэ түһэ сыста, онтон сирэйэ улам кытаран киирэн эрэр күнү санатта, тыынар салгына итийдэ, дьүөгэтэ сапсыйарыттан соло булбата...
Хантайан туран силлээбитиҥ хараххар түһүө диэн маны этэн эрдэхтэрэ.
https://yangx.top/kiin_kyorat_gazeta
Хантайан туран силлээбитиҥ хараххар түһүө
Ааптар: Долгунча
Чараҥнаах дэриэбинэтин сис ыаллара Сиидэрэптэр ыал аҕалара хонтуораҕа кэбиниэттээх тос курдук тойон, ийэлэрэ Екатерина Ивановна чааһынай улахан маҕаһыыннаах, кыра дэриэбинэҕэ муҥур ыраахтааҕы. Барытын кини билбитэ, кини дьаһайбыта аатырар, сэниир дьоннордоох, онтуларын күн аайы ыас гынан ыстыыр, «кини эмиэ киһи үһү дуо, сүөһү дии» диэн тыллаах.
Үгүстүк Бочоохтор диэн элбэх оҕолоох кыаммат ыаллар кини ыстыыр ыаһа буолаллар. "Ити оҕолоро ыстаана тэстибит, бу оҕолоро саппыкыта ханньайбыт,"- дьэ, таба көрөрө элбэх.
Бэйэлэрэ күҥҥэ көрбүт соҕотох кыыстаахтар, Инна диэн. Онтуларыгар ас амтаннааҕа, таҥас муодунайа, суотабайа айфон эрэ. Кыыс кыратыттан атааҕын билэн көрдөөбүтүн ыла, сөбүлээбитин буллара үөрэммит оҕо, куттаатаҕына үс хонук аһаабат, кэпсэппэт, ийэлээх аҕатын биир муостанан хаамтарар. Хата этэҥҥэ улаатан билигин омук тылыгар үөрэнэ сылдьар.
Катя дьүөгэтэ Таня бара-кэлэ маҕаһыыҥҥа таарыйар, атыылаһааччы суох буоллаҕына хобугураһыы бөҕө. Ол сиэринэн бүгүн эмиэ дьону бары сиилээтилэр. Бэл, Бочоохтор улаханнара юридическайга үөрэнэр үһү, кини баҕас суоппар да буолуох хаалбыт дэстилэр.
Бу туран Екатерина Ивановна уоһун-тииһин оҥостон: «Эйиэхэ эрэ этэбин, кыыһым Сережка диэн уоллаах, ватсаабын кистээн көрбүтүм, таптал бөҕө, ыал буолабыт, үйэбит тухары бииргэ буолабыт диэннээхтэр, онон куораттан күтүөт күүтэбин», – диэн көмүс ытарҕата эйэҥэлээтэ...
– Тыый, чахчы куорат дуо? Манна Бочоохтор Сережаларыгар кэргэн тахсар үһү диэн дэриэбинэ туолбут дии...
Дьэ онно көрүөххүт этэ, мааны хотун сирэйин – бастаан хараҕа кэҥээтэр-кэҥээн быччайан таҕыста, сыҥааҕа уһаан протез тииһэ түһэ сыста, онтон сирэйэ улам кытаран киирэн эрэр күнү санатта, тыынар салгына итийдэ, дьүөгэтэ сапсыйарыттан соло булбата...
Хантайан туран силлээбитиҥ хараххар түһүө диэн маны этэн эрдэхтэрэ.
https://yangx.top/kiin_kyorat_gazeta
#КК_дьон
👏🏻Гагаринскай уокурук олохтооҕо, Аҕа дойду Улуу сэриитин кыттыылааҕа Семен Иванович Колтовской 100 сааһын туолла.
Кузьмин уулуссатыгар бэтэрээн олорор дьиэтин тиэргэнигэр кэнсиэр тэрийдилэр. Ытык киһиэхэ Ил Дархан аатыттан "Үйэ саас" бэлиэни, 100 тыһ. солк. наҕарааданы туттардылар.
Дьокуускай дьаһалтата 50 тыһ. солк. туттарда.
https://yangx.top/kiin_kyorat_gazeta
👏🏻Гагаринскай уокурук олохтооҕо, Аҕа дойду Улуу сэриитин кыттыылааҕа Семен Иванович Колтовской 100 сааһын туолла.
Кузьмин уулуссатыгар бэтэрээн олорор дьиэтин тиэргэнигэр кэнсиэр тэрийдилэр. Ытык киһиэхэ Ил Дархан аатыттан "Үйэ саас" бэлиэни, 100 тыһ. солк. наҕарааданы туттардылар.
Дьокуускай дьаһалтата 50 тыһ. солк. туттарда.
https://yangx.top/kiin_kyorat_gazeta