#КК_сонун

✅Дьокуускайга бөҕү араарар ыстаансыйа тутуллуоҕа.

Уһук Илини уонна Арктиканы сайыннарыы корпорацията уонна «Айылҕа» хампаанньа ВЭФ-2022 дьыалабыай бырагырааматын чэрчитинэн Дьокуускайга бөҕү мунньар, араарар ыстаансыйаны тутар инвестиционнай бырайыакка илии баттастылар.

Докумуоҥҥа Уһук Илини уонна Арктиканы сайыннарыы корпорациятын дириэктэрэ Сергей Скалий уонна «Айылҕа» хампаанньа дириэктэрэ Владимир Сыромятников илии баттаатылар.

Ыстаансыйа сылга 150 тыһыынча тонна кытаанах бөҕү араарар кыахтаах. Тэрилтэ Дьокуускай куорат кытаанах бөҕүн 100% суордунан арааран, туһаҕа тахсарын талан ылыаҕа.

Бырайыакка кытаанах бөхтөн уматыгы оҥорон таһаарар кыах баара этиллэр. Бөҕү араарар ыстаансыйа өрөспүүбүлүкэҕэ аан бастаан «Экология» национальнай бырайыак «Комплексная система обращения с твердыми коммунальными отходами» регионнааҕы бырайыагын чэрчитинэн, Бүлүүлүүр суол 8-с килэмиэтиригэр тутуллуоҕа.

https://yangx.top/kiin_kyorat_gazeta

#КК_Кэпсээн


Кыыс алҕаһа

4-с чааһа

Ааптар: Родион Данилов-Ородьумаан

 
Ибрагим Саха сиригэр фрукта илдьэн атыылыыр. Сыыйа онтун улаатыннаран, маҕаһыын аһыан баҕарар. Дьыала-куолу бөҕө. Пропискатын дьыалата сатаммакка, Айта илии баттыыра наада эбит. Ибрагим төһө да баҕарбатаҕын иһин, Айтаны Саха сиригэр илдьэ барар буолла. Айта ону истэн үөрүүтүттэн ытыһын таһынан эккирээмэхтээн ылла. "Уонна манна эһиэхэ кэлэн бэрт!" - диэн иһигэр санаата.
Айта манна сөбүлээбит киниэхэ убаммыт киһитэ диэн, кинини мэлдьи сордуур Джулфия кыыһа кырачаан Гульнара. Кыысчаан Айтаҕа көтөхтөрөөрү, ыраахтан уунаҥныыр. Айта бараары туран кыысчааны сыллаата-уураата. Биирдэһэ сайыһан ытыы хаалла.

Салҕыыта:
https://vk.com/wall-211246818_442


https://yangx.top/kiin_kyorat_gazeta

#КК_Поэзия

АТЫН КҮҺҮН

Бу күһүн –
Уруккулардааҕар ураты. Атын.
Тыаллар да кууһан аасталлар,
Тымныынан хаарыйбаттар,
Төттөрүтүн, сылааһынан илгийэллэр.
Өйгөр, умнубаттыы хатаа дуу,
Эн, бу кыһыл көмүс дуйдаах
Хатыламмат кэрэ кэми –
Баай-талым үүнүүлээх
Алыптаах дьикти түгэни.

Тыалтан дьэрэкээн сэбирдэхтэр
Тэлибирииллэр,
Арай дохсун хайалар хаһан даҕаны
Кэм - кэрдии дьаһалыгар бэриммэттэр,
Мин эмиэ талабын, чаҕыйбакка,
Эриирдээх-мускуурдаах, бутуурдаах
Түһүүлээх-тахсыылаах суоллары - иистэри,
Олох миэхэ эрэ анаабыт
Сүгэһэрдэрин дьоһуннук
Уйарбын билээри.

Бу күһүн – олох атын.
Кэхтии таарыйдын даҕаны барытын –
Кэрэхсии, умсугуйа, таптыы
Сибэккилэри син –биир көрөбүн,
Туох барыта бу сиргэ
Былыттар тэҥэ устан ааһар, уларыйар,
Мин эмиэ хаһан эрэ, кэмэ кэллэҕинэ,
Көтүөм добун куйаарга.
Кэм - кэрдии сап саҕа синньигэс утаҕа
Тиэтэйэ - саарайа
Эргичийэр – урбачыйар,
Мин кутум –сүрүм эмиэ
Туоххаһыйар. Ол эрэн
Кэхтии көмүс дуйун саҥаттан,
Ис хоһоонун таайа сатыыбын –
Оччотугар оннооҕор чыычаах миэхэ туойар
Күһүн кэхтибэт кэрэтин туһунан.

Бу күһүн олох атын...
Хабархай амтаннаах харах уулаах да буоллар,
Дьол сырдык тырыма суолбун
Сырдатар.
Айар кутум бэлэхтээтэ миэхэ Тыл илбиһин,
Уруккуну, ааспыты умуннарар уоттаах төлөнү.

Казах тылыттан Саят Камшыгер хоьоонун Кристина Андрианова-Книга тылбаастаабытыттан Яна Байгожаева сахалыы көҥүл тылбааһа

https://yangx.top/kiin_kyorat_gazeta

#КК_сонун

✅Балаҕан ыйын 14 күнүгэр диэри "Куоркуннуу олоруохха, Куоркуннуу айыахха" быыстапка үлэлиир.

🤼‍♂️ХХ үйэ чулуу киһитэ, Саха АССР үтүөлээх учуутала, ССРС, РСФСР, Саха АССР үтүөлээх тренерэ, “Бочуот Знага” уонна “Октябрьскай өрөбөлүүссүйэ” уордьаннар кавалердара  Дмитрий Петрович КОРКИН олоҕун сырдатар быыстапкаҕа спортивнай музейдар сэдэх экспозициялара, коллекционердар көрдөрүүлэрэ, тустуу тула төгүрүк остуоллар буолуохтара

✅Жорницкай уул., 35, Быыстапка саалата (Строительнай ырыынак, кыһыл дьиэтэ)

⏱10.00 - 18.00ч.
Киириитэ босхо.

https://yangx.top/kiin_kyorat_gazeta

#КК_сонун

✅Балаҕан ыйын 7 күнүгэр Дьокуускайга дуобакка аан дойду билиҥҥи чемпиона Матрена Ноговицына уонна аан дойду сэттэ төгүллээх чемпиона Тамара Тансыккужина киирсэллэр.   

♟"Саха" НКИХ уонна "Башкортостан" Медиа-холдинг бастыҥнар партияларын быһа эпииргэ көрдөрүөхтэрэ (nvk-online.ru, программа https://nvk-online.ru/new/teleprogramma).

💰 Бириис пуондата - 200 тыһ.солк.

⏱19.00 ч. саҕаланар.


https://yangx.top/kiin_kyorat_gazeta

#КК_ТускарТуһан

🍹 Итиини киллэрэр пунш

🔴клюква – 300 г
🍐 1 груша
🍎 1 дьаабылыка
саахар – 70 г
кыратык имбирь силиһэ
500 мл хара чэй
4 бутон гвоздика
🍯 1 ост.нь мүөт
1 палочка корица
🍋 1 лимон цедрата цонна уута
🧃 200 мл дьаабылыка утаҕа.

🔸Клюкваны сууйан баран куурдабыт. Дьаабылыканы, грушаны сууйан, куурдан баран аҥаардыыбыт, ортотун быһан быраҕабыт. Өлүүлэргэ арааран кырбыыбыт.

🔸Көстүрүүлэҕэ клюкваны кытта кутан саахарбытын эбэбит.
Имбирь силиһин сууйан, куурдан баран бытархай гына кырбыыбыт. Көстүрүүлэҕэ эбии кутан баран 500 мл хара итии чэйи кутабыт.

🔸Тумалаан, мүөттээн баран оргутабыт. Онтон дьаабылыка утаҕын уонна лимон уутун эбэн эмиэ сылыта түһэбит.

🍹 Халыҥ бакаалларга кутабыт. Лимон цедратынан киэргэтэбит.

https://yangx.top/kiin_kyorat_gazeta

#КК_сонун

Балаҕан ыйын 11 күнүгэр диэри Дьокуускайга «Третьяковскай галерея» быыстапката үлэлиирин санатабыт.

✅Музей аадырыһа:
Киров уул., 9
Үлэлиир бириэмэтэ:
чэппиэр-баскыһыанньа - 11.00-19.00,
сэрэдэ — 12.00-20.00.
✅Билиэт сыаната 600 солк, чэпчэтиилээхтэргэ – 300 солк,
сэттэ саастарыгар диэри оҕолор, Аҕа дойду сэриитин кыттыылаахтара, I, II бөлөх инбэлииттэр, тулаайах, инбэлиит оҕолор босхо сылдьаллар.

😉Олоххо сэдэхтик бэриллэр түгэни мүччү тутумаҥ, улуу айымньылары баран илэ хараххытынан көрүҥ!


https://yangx.top/kiin_kyorat_gazeta

#КК_Анонс

🎇Дьокуускай куорат 390 сааһын көрсө буолар бырааһынньыктааҕы тэрээһиннэр:

✅Балаҕан ыйын 6 күнэ (оптуорунньук)

⏱11:00 «Имена на улицах Якутска» биобиблиографическай справочник сүрэхтэниитэ (4-с таһаарыы).
🔸Буолар сирэ: Smart – библиотека, Ларионов уул., 12а


⏱14:00 «Техносфера» наука уонна технология аһаҕас бэстибээлэ.
🔸Буолар сирэ: «IT-куб» Цифровой  үөрэхтээһин киинэ, Горькай уул., 98/1


https://yangx.top/kiin_kyorat_gazeta

#КК_ТускарТуһан

✅Олоҕу чэпчэтэр сүбэлэр:
🔸Күн аайы үөр. Ыксаллаах түмүктэри оҥорума. “Син биир оннук буолуо” диэн санаанан салайтаран, “атынҥа”, сырдыкка болҕомтобутун уурбаппыт.

🔸Куһаҕаны баҕарыма. Тугу саҥарарыҥ бэйэҕэр утары туруон сөп. Оннук буолбатаҕын билэ-билэ, соруйан, кими, тугу эрэ куһаҕаннык саныыр, саҥарар буоллаххына, бэйэҥ туругуҥ эмиэ оннук буолар.

🔸Барытын түмүмэ. Бүгүн табыллыбатаҕына – сарсын икки төгүл үчүгэй буолуо. Кыһалын, баҕар, толкуйдаа.

🔸Сүрэххэр чугастык ылыныма. Үчүгэйи да, куһаҕаны да. Олоххо араас барыта буолар: түһүү-тахсыы, үөрүү-хомойуу. Хас буолар быһыыга тэнҥэ санаарҕаан истэххинэ, доруобуйаҕын мөлтөтүөххүн сөп.

🔸Интэриэскин сүтэримэ. Оптимист буоларга дьулус. Наар кыһалҕаны күүттэххинэ, сотору кэминэн көрсүөҥ.

🔸Уруккунан олорума. Бу барыгытыгар сыһыаннаах саамай сыаналаах сүбэ, умнуҥ уонна салгыы олоруҥ! Урукку хомолтолорун тута сылдьар, барыларыгар өстүйэр дьон үксүгэр киҥнээх, дьоло суох, элбэх кыһалҕалаах буолаллар.

https://yangx.top/kiin_kyorat_gazeta

#КК_ТускарТуһан

💉Балаҕан ыйын 6 күнүгэр Дьокуускай куоракка вакцинацияланар пууннар: https://kiinkuorat.ru/articles/bala-an-yyyn-6-k-n-ger-dokuuskay-kuorakka-vakcinaciyalanar-puunnar

https://yangx.top/kiin_kyorat_gazeta

#КК_МинньигэстикАһааң

😋Майонезтаах икра

🟡Кабачок  - 3 кг;
🟢Чочунаах 10 өлүүтэ;
⚪️Саахар – 100 г;
🧂Туус – 1 ост. ньуоска;
⚪️Майонез – 250 г;
🍅 Томат паастата – 250 г;
🍋 Лимон сүмэһинэ – остолобуой ньуоска аҥаара;
🥃 Мас арыыта – быһа холоон 150 мл;
2 ост. ньуоска 70%-наах уксус;
🍃 Күөх тума (ким тугу, төһөнү баҕарарынан).

🔸Помидору үчүгэйдик сууйуллар уонна итии уунан саба кутуллар. Оччоҕуна сиппит-хоппут помидор чэпчэкитик хахтанар. Помидору тута блендергэ мэһийэбит.

🔸Састааппытыгар баар аһы барытын улахан иһиккэ ким хайдах сөбүлүүрүнэн кырбаан 20 мүнүүтэ орто уокка оргутан ылабыт.

🔸Оргуйбутун кэннэ кыратык сойута түһэн бараммыт блендергэ мэһийтэрэбит.

https://yangx.top/kiin_kyorat_gazeta

#КК_ТускарТуһан

🔸Куртах, оһоҕос, ис ыарыытыгар кыа отун, биэс тымырдаах сэбирдэҕи, ньээм-ньээми, кучуну, иэдьэгэй отун үүккэ оргутан иһэ сылдьыҥ.

🔸Хатыыс куутун, сыалыһар саҥырыатын, тириитин буһаран, куртах, оһоҕос ыарыытын, гастриты эмтэниҥ.

🔸Бүөр ыарыыта, тааһа тымныйыыттан, ангинаттан, ыгылыйыыттан, кутталтан үөскүүллэр. Кутталы оҥорумаҥ, куттплша кииримэҥ.

🔸Ньургуһун көөнньөһүгүнэн (водката суох) баанньыкка, саунаҕа, тиритиннэрэн сото-сото, паралиһы эмтиэххэ сөп.

🔸Үөһү тимэх от, ньээм-ньээм сибэккитин, силиһин уутун иһэри таһынан, сылгы бүөрүн миинин батыһыннара оргуйбут үүтү иһэн таһаарыллар.

https://yangx.top/kiin_kyorat_gazeta

#КК_Анонс

🎇Дьокуускай куорат 390 сааһын көрсө, бырааһынньыктааҕы тэрээһиннэр:

✅ Сарсын
Балаҕан ыйын 7 күнүгэр (сэрэдэ)

⏱14:00 «Библиополе» тыа сирин модельнай библиотекатыгар электроннай өҥө салаатын арыйыы.
🔸Буолар сирэ: тыа сирин модельнай библиотеката – «Библиополе» 13 №-дээх филиала, Маҥан бөһ., Алымов уул., 3/1

https://yangx.top/kiin_kyorat_gazeta

#КК_дьон

✅Аатын аан дойдуга биллэр бренд оҥостубут чаҕылхай ырыаһыт САИНА айар үлэтигэр сүҥкэн суолталаах "Здравствуй, Якутск" ырыа айыллыбыта 25 сылын туолбута.

https://youtu.be/b-tGKkmrNMA

🥰Дьокуускай официальнайа суох гимнэ буолбут ырыа историятыттан:
💬Дьокуускай Култуураҕа управлениета “Якутск-1997” ырыа куонкуруһун биллэрбитэ. Бу иннинэ хас да сыл ыытыллыбыт күрэх этэ. Онно “Дьокуускай туһунан бастыҥ ырыа” диэн номинацияны  биллэрбиттэрэ.
“Здравствуй, Якутск!” ырыам уонна эмиэ итинник ааттаах бастакы альбомум ааптардара, аранжировщиктар – ырыа тылларын ааптара Николай Гринько уонна матыыбын ааптара Александр Болознев кытыннарбыттара. Кинилэр билигин Москваҕа олороллор, көспүттэрэ ыраатта.
“Здравствуй, Якутск!” олус түргэнник айыллыбыт ырыа этэ. Бастаан истээт: “Бачча үчүгэй ырыаны сатаан ыллыам дуо?” – дии санаабытым. Онтон ыла интэриэһинэй олоҕум саҕаламмыта.
Мин суолбун “Здравствуй, Якутск!” ырыа арыйбыта диибин. Ырыа ырыаһыты бэйэтэ булар. 25 сыл ааста, оттон бу ырыа энергетиката билигин да күүстээх. Ырыаһыт бэйэтэ тахсыбат, тахсыахтааҕын өйдөөбөт да буоллаҕына, ырыа бэйэтэ тиийэн кэлэр эбит. Наһаа элбэхтик хат-хат устубуппут. Сатаан ыллаабатаҕым, куолаһым диапазона хааччахтыыр этэ. Ол үрдүнэн, ааптардар – нуучча уолаттара, “ыллаан ис” диэннэр дьаныһан туран устубуттара.

САИНА: “ОЛОХХО КИҺИ БЭЙЭТИН МИЭСТЭТИН БУЛЛАҔЫНА ЭРЭ ДЬОЛЛООХ БУОЛАР”

https://yangx.top/kiin_kyorat_gazeta

#КК_сонун

✅«Үлэ кыбаарталын» тутуу түмүктэнэн эрэр.

Дьокуускайга Уһук Илиҥҥэ аан бастакы «Үлэ кыбаартала» креативнай кластер тутуута түмүктэнэн эрэр.

Тутуу хаамыытын СӨ бырабыыталыстыбатын бэрэссэдээтэлэ Андрей Тарасенко бэрэбиэркэлээтэ.
Арассыыйа регионнарыттан аан бастакынан Саха сиригэр креативнай экономиканы сайыннарар регионнааҕы концепция оҥоһуллан ылыныллыбыта. «Үлэ кыбаартала» креативнай кластер тутуута өрөспүүбүлүкэ Ил Дархана Айсен Николаев көҕүлээһининэн былырыын саҕаламмыта. Этиини федеральнай таһымҥа өйөөннөр тутууга үбүлээһин көрүллүбүтэ.

Креативнай кластер үлэҕэ киирдэҕинэ 1250 үлэ миэстэтэ тахсыаҕа уонна 150 резидент үлэлиир кыахтаныаҕа. Бырайыак сүрүн сыала – креативнай айар үлэнэн дьарыктанар туонаны тэрийии, дизайнердары, худуоһунньуктары, анимационнай, мультипликационнай киинэлэри оҥорооччулары, киинэ устааччылары уо.д.а. хайысхалары өйөөһүн.

https://yangx.top/kiin_kyorat_gazeta