Муус устар 27 күнүгэр өрөгөйдөөх үбүлүөйү өрөспүүбүлүкэ бүттүүн оһуохайынан көрсөбүт. Саха сирин норуоттарын сомоҕолоһуутун көрдөрөр оһуохайбыт флэш-моб быһыытынан биир кэмҥэ өрөспүүбүлүкэбит араас муннуктарыгар ыытыллыаҕа. 

Киин куоракка оһуохай Комсомольскай болуоссакка, билиҥҥи былаанынан, Саха АССР төрүттэммитэ  100 сылыгар анаммыт Киров уулуссатынан (Ярославскай уулуссатын кытта быһа охсуһууттан Лермонтов уулуссатыгар диэри) бырааһынньыктааҕы хаамсыы кэнниттэн буолуоҕа.

Сиhилии: https://kiinkuorat.ru/articles/r-sp-b-l-ke-100-sylyn-o-uohayynan-uruyduubut

📲 @kiin_kyorat_gazeta

#КК_ТускарТуһан


🚀Предпринимателлэргэ босхо семинар ыытыллар.

🗓Муус устар 15 күнүгэр 11:00 чаастан 13:00 ч. диэри дьоҕус бизнестээхтэргэ Үлэ сыһыаннаһыыларын сокуонугар уларыйыылары билиһиннэрэр семинар ыытылларын туһунан СӨ Үлэ уонна социальнай сайдыы министиэристибэтэ иһитиннэрэр.


Тэрээһин онлайн ньыманан «Jitsi Meet» платформаҕа ыытыллар.

Кыттааччы ахсаана хааччахтаах.

🔗Эрдэттэн регистрацияны ааһыахха сөп: https://forms.gle/iCzrQUSXx2QDHWrN8

Семинарга холбонор сигэ буолар күнүгэр ыытыллар.

https://yangx.top/kiin_kyorat_gazeta

#КК_ТускарТуһан

Киин куоракка кулун тутар 1 күнүттэн муус устар 4 күнүгэр диэри 3287 киһи араас эчэйиини ылан, Суһал медицинскэй көмө киинигэр тиийбит.

Өрөспүүбүлүкэтээҕи 2#-дээх балыыһа пресс-сулууспата иһитиннэрэринэн, эчэйии сүрүн төрүөтэ - сааскы халтараан.

Ол курдук, 1696 киһи таһырдьа сылдьан оһолломмут.

❇️Күндү ааҕааччыларбыт! Этэҥҥэ буолуҥ!
❇️Халтараантан хайдах харыстанабыт? Бу сүбэлэри туһаныҥ ▶️▶️| КИИН КУОРАТ https://kiinkuorat.ru/articles/haltaraantan-haydah-harystanabyt

https://yangx.top/kiin_kyorat_gazeta

#КК_Тускартуһан

👋ХОРТУОППУЙУ от ыйын 10-15 күннэригэр хостуубут, сиибит.
🌱 Омуһахтан таһааран, кулун тутар 8-15 күннэриттэн муостаҕа тэлгиибит.
🌱 Араскыламмытын кэннэ ыам ыйын 1-9 күннэригэр буордаах опилкаҕа үүт, напиток пластмассовай иһиттэригэр уо.д.а. олордобут.
🌱 Кыралаан уу кутабыт.
🌱 Ыам ыйын 25 - бэс ыйын 1 күнүгэр таһырдьа олордобут.
🌱 От ыйын 10-15 күннэригэр хостуубут.
🌱 Бу ньыма хайа баҕар ыалга кыаллар дьыала.
(Хаҥалас, Нөмүгү, Анастасия Гуляева, "Тиэргэн" биэрии)

📌 Маҕаһыыҥҥа атыыланар химиялаах хортуоппуйу сиэн хроническай ыарыыланабыт, үйэбит кылгыыр.
📌 Бэйэ хортуоппуйун үүннэрэн, доруобай буолуоҕуҥ!

"КИИН КУОРАТ" сарсыҥҥы нүөмэригэр сиэмэ хортуоппуйу хайдах талар, ханнык суорду олордор ордугун туһунан "Россельхозцентр" ФГБУ Саха сиринээҕи филиалын Хаҥалас оройуоннааҕы отделын начаалынньыга Альбина Козлова сүбэлэрин ааҕыҥ.

#КК_АНОНС
https://yangx.top/kiin_kyorat_gazeta

#КК_сонун

Мэрия үлэлиир чааһа уларыйар

📌 Аны күһүн алтынньы ыйга диэри Олохтоох дьаһалта сарсыарда 08:30 чаастан киэһэ 17:30 чааска диэри үлэлиир буолуоҕа.

📌
«Куорат киинигэр биһиэхэ икки улахан дьаһалта дьиэтэ баар – Ленин проспегар уонна Октябрьскай уулуссаҕа, итини таһынан Орджоникидзе, Дзержинскэй, Лермонтов уулуссаларыгар салаалардаахпыт. Муус устар 18 күнүттэн саҥа график киириэ диэн эрэнэбин», - диэтэ Евгений Григорьев.

📌 Үлэ чааһын уларытыы сайыҥҥы кэмҥэ суол өрөмүөнүнэн күүтүллэр уопсастыбаннай тырааныспар ноҕоруускатын сымнатар туһуттан ылыллыбыт миэрэ.

https://yangx.top/kiin_kyorat_gazeta

#КК_сонун

❗️ Бу күннэргэ, муус устар 4-14 күннэригэр, киин куорат уонна өрөспүүбүлүкэ бары суолларыгар ГИБДД бэрэбиэркэтэ ыытылла турар.

❗️Эриэйдэлэр сүрүн сыаллара – пассажирдары уонна сэрэхтээх таһаҕаһы таһар итирик уонна массыынаны ыытар бырааба суох суоппардары тутуу.

❗️ГИБДД сулууспата иһитиннэрбитинэн, ааспыт өрөбүллэргэ өрөспүүбүлүкэ суолларыгар 5 массыына саахала тахсыбыт, онтон түөрдэ киһи өлүүлээх, аҕыс киһи араас кээмэйдээх эчэйиини ылбыт.

❗️Итирик туруктаах суоппардары көрдөххүтүнэ маннык төлөпүөннэринэн биллэриҥ: 127, 35-22-22, 102.
Суолга сэрэхтээх буолуҥ!

https://yangx.top/kiin_kyorat_gazeta

#КК_сонун

Эбии 20 саҥа оптуобус кэллэ

Киин куоракка Саха АССР төрүттэммитэ 100 сылын көрсөр тэрээһиннэр чэрчилэринэн 20 саҥа КАВЗ оптуобус кэллэ.

🚌 «КАВЗ» оптуобустар 84 пассажирскай миэстэлээхтэр (28 олорор уонна биир инбэлиит кэлээскэтин миэстэтэ), куорат кытыытыгар сылдьар оптуобустар 35-тэн 39-ка диэри миэстэлээхтэр. «Вектор» типтээх оптуобус миэстэтэ – 30.
🚌 Саҥа оптуобустар биһиги тыйыс усулуобуйабытыгар үлэлииргэ сөптөөх иккилии хос түннүктээхтэр, салон иһигэр эбии ититиилээхтэр, кондиционердаахтар. Ону таһынан туманнаах кыһыннарбытыгар анаан ыраахтан көстөр кыһыл өҥнөөхтөр.


https://yangx.top/kiin_kyorat_gazeta

https://kiinkuorat.ru/articles/ebii-20-sa-a-optuobus-kelle

🏥Санкт-Петербург куоракка баар Роспотребнадзор эпидемиологияҕа уонна микробиологияҕа научнай чинчийэр института саҥа тест оҥорон регистрациялаата.

🦠Бу тест коронавируһу ыарыы сибикитэ суох аһарыммыт дьон иммунитеттарын, антитела таһымын быһаарар кыахтаах.

🧪Саҥа айыллыбыт реагеннары Арассыыйаҕа номнуо туһанан эрэллэр. Билиҥҥитэ киһи бэйэтэ атыылаһан туттубат, анал лабораторияларга эрэ туһаныллар.

https://yangx.top/kiin_kyorat_gazeta

#КК_сонун

П.А.Ойуунускай аатынан Саха академическай театра МУУС УСТАР 8, 9, 10 күннэригэр испэктээкиллэргэ ыҥырар 😍👏🏼

✅ «ДЫГЫН ДАРХАН» Иван Гоголев – Кындыл. МУУС УСТАР 8 КҮНҮГЭР, 18:00 Ч.

🎭 Өбүгэлэр үһүйээнэрэ эҥсилгэннээх.
Быралыйбыт кыргыс үйэтигэр саха бар дьонун биир чиҥ сутурук курдук сомоҕолуу сатаабыт сүдү өйдөөх суо хаан киһи олорон ааспыт диэн аатырарын аатырар ДЫГЫН ДАРХАН.
▪ Туруорааччы режиссер - СЕРГЕЙ ПОТАПОВ

✅ “МАНЧААРЫ” Күлүмнүүр. МУУС УСТАР 9 КҮНҮГЭР, 18:00 Ч.

🎭 1906 с. Саха сирин бөдөҥ судаарыстыбаннай политическай деятелэ, учуонай, публицист В.В. Никифоров – Күлүмнүүр «Манчаары түөкүн» диэн биэс оонньуулаах сахалыы драманы суруйан, Дьокуускайга кулуупка туруоруллубута. Кини бу драманан «аламай күн бары дьон үрдүгэр тахсара буолуо, аан дойду бары дьонун туһугар үөскээбитэ буолуо дии саныырым» диэн тус санаатын сахатын дьонугар-сэргэтигэр тиэрдэр баҕалааҕа. Билигин Күлүмнүүр ол баҕа санаата сахалыы тыыннаах Саха театрыгар саҥа тыын ылар.
▪ Туруорааччы режиссер – РУСЛАН ТАРАХОВСКАЙ


✅ «КӨМҮӨЛ» Баһылай Харысхал. МУУС УСТАР 10 КҮНҮГЭР, 18:00 Ч.

🎭 Бүтүн Аан дойдуну атыйахтаах уулуу аймаабыт ХХ-с үйэ холоруктуу ытыллар дьалхааннарыгар саха интеллигенциятын бас-көс дьоно буолбут Ксенофонтовтар сырдык тыыннара быстыбыта. Ол ыар сүтүктэн, аҕа аһыытыттан Өлүөнэ Очуостара ынчыктаан ылбыттара.
▪ Туруорааччы режиссер - АНДРЕЙ БОРИСОВ

Билиэттэри онлайн ылыахха сөп:
https://iframeab-pre5643.intickets.ru/seance/12328672/


🎫 «ПУШКИН КААРТАТЫН» туһанан босхо сылдьыҥ
📞 Билсэр төл: 34-13-31, +79681505602
🎫 Касса күн аайы өрөбүлэ, тохтобула суох 10:00-18:00 ч. үлэлиир


https://yangx.top/kiin_kyorat_gazeta

#КК_сонун

🏥🧪3-с нүөмэрдээх Өрөспүүбүлүкэтээҕи клиническэй балыыһа COVID-19 анаалыстарыгар чэпчэтиилээх ааксыйатын салҕыы ыытарын туһунан иһитиннэрэр☝🏻

Дьаакып биһиэхэ биир икки сыл буола-буола сайын бэс ыйыгар кэлэн барара. Кини мин эһэбиниин олох чугастык билсэллэр быһыылааҕа. Дьаакып кэллэҕин күнүттэн саҕалаан күн ахсын түүн хойукка диэри уруккуну-хойуккуну, үгүһү түөрэн кэпсэтэллэрэ. Эһэм миэхэ Дьаакып туһунан "сэриигэ кыттыбыт киһи" диирэ. Оччолорго 70-с сыллардаахха Бүтэйдээххэ сэрии кыттыылаахтара элбэх этилэрэ. Барыларыгар кэриэтэ мэтээл, уордьан баара. Онтукаларын кинилэр күн аайы да буолбатар, улахан мунньахтарга, ыһыахтарга куруутун иилинэр буолаллара. Дьаакып кинилэртэн уратыта диэн туоҕа да суоҕа. Кини олох үөрэҕэ суоҕа, нууччалыы биир да тылы билбэтэ. Эһэм Дьаакыбы олус көнө, судургу киһи диирэ. Кини биһиэхэ үс, уһаатаҕына биэс-алта хоноро.
Дьэ, бу Дьаакып биир маннык кэлиитигэр сэриигэ хайдах сылдьыбытын, билиэҥҥэ хайдах түбэспитин, онтон хайдах быыһаммытын туһунан кэпсээбитэ мин өйбөр-сүрэхпэр сүппэттии хатанан хаалбыттара.

https://kiinkuorat.ru/articles/aannal-yyppyt-sibekkite