🔸ICRICH vakillari Buxoroda (2-kun: 2-qism)

✅O‘zbekiston Respublikasi Madaniyat vazirligi huzuridagi Madaniyatshunoslik va nomoddiy madaniy meros ilmiy-tadqiqot instituti Buxoro viloyati Madaniyat boshqarmasi bilan hamkorlikda mahalliy etnofolklor ekspeditsiyasini boshlagani haqida xabar bergan edik. Ekspeditsiya davomida Buxoro viloyati hududidagi nomoddiy madaniy meros namunalari oʻrganilmoqda.

📹 Ekspeditsiyaning 2-kunida Buxoro viloyati G‘ijduvon shahri o‘rganildi. Batafsil videolavhada tomosha qiling!

#nomoddiymadaniymeros #etnofolklorekspeditsiyasi #Buxoro

🎩 ICRICHning ijtimoiy tarmoqlardagi sahifalari:
🌐 Telegram | 🌐 Facebook | 🌐 Instagram | 🌐 YouTube

🔸"Kelin salom" marosimi

🎶 O‘zbek nikoh to‘ylari juda ko‘p an’ana va udumlardan iborat bo‘lib, ularning orasida "kelin salom" alohida o‘rin egallaydi. Asrlar osha bizning kunimizgacha yetib kelgan "kelin salom" marosimi va unda kuylanadigan qo‘shiqlar xalqimizning ma’naviy merosining eng qadimiy qadriyatlaridan biridir.

👩 Kelin salom — nikoh toʻyi marosimlaridan bo‘lib, u turkiy va boshqa xalqlarda turli shakllarda uchraydi. Kelin tushgan kunning ertasiga ertalab kuyovning ota-onasi va yaqinlariga hurmat yuzasidan oʻtkaziladi. Mahallaning dasturxonchisi yoki kelin salomni boshqaruvchi kelinni yasantirib, yuziga parda yopgan holda hovliga olib chiqadi. Qiziq gaplar, hikmatli soʻzlar, turli baytlar bilan kelin yoniga keluvchilarga murojaat qiladi. Kelin jim turgancha gap kimga qaratilgan boʻlsa, oʻshanga qarab taʼzim qiladi. Baland ovoz bilan birinchi boʻlib, qaynota, soʻng qaynona nomini aytib kelin salom deydi. Kelin salom kuyov ota-onasidan boshlanib, oiladagi eng kichik bolalargacha, qoʻni-qoʻshnilarga ham bagʻishlab aytiladi.

Kelin taʼzim bilan egilib qaynota va qaynonasiga salom qiladi, ular salom javobini berib, kelinning boshiga koʻrmana qoʻyadilar. Soʻng kuyovning aka-ukalari qarindosh va yaqinlari navbat bilan kelib, dasturxonchi qoʻliga koʻrmana (odatda pul, mato, roʻmol va boshqa narsalar) beradilar. Dasturxonchi ularga kelin nomidan turli sovgʻalar (kiyimlik, roʻmol, belbogʻ va hokazo) topshiradi.

#nomoddiymadaniymeros #kelinsalom #marosim

🎩 ICRICHning ijtimoiy tarmoqlardagi sahifalari:
🌐 Telegram | 🌐 Facebook | 🌐 Instagram | 🌐 YouTube

✅✅✅✅✅✅

📣 O‘zbekiston Respublikasi Madaniyat vazirligi huzuridagi Madaniyatshunoslik va nomoddiy madaniy meros ilmiy-tadqiqot institutida 2025-yil 1-chorak uchun oliy ta’limdan keyingi ta’lim uchun mustaqil izlanuvchilik (PhD)ga tanlov asosida qabul e'lon qilinadi!

⚡️ Institutdagi ixtisosliklar shifri va nomi:

⚡️17.00.07 — “Madaniyat nazariyasi va tarixi. Madaniyatshunoslik”;
⚡️07.00.07 — “Etnografiya, etnologiya va antropologiya”;
⚡️10.00.08 — “Folklorshunoslik”.

🟠 Talabgorlar quyidagi hujjatlarni taqdim etishlari lozim:

1. Direktor nomiga ariza;
2. Qisqacha biografik maʼlumot (obyektivka — namuna 3.5 shakl boʻyicha oʻzbek va rus tillarida);
3. Mehnat daftarchasining belgilangan tartibda tasdiqlangan nusxasi (ishlayotgan talabgorlar uchun);
4. Oliy taʼlim muassasasi magistraturasi diplomi, oliy maʼlumot (mutaxasislik dasturlari boʻyicha) toʻgʻrisida diplom nusxasi;
4. Nashr etilgan ilmiy ishlar roʻyxati, shuningdek ularning nusxalari (kamida 1 ta maqola va 2 ta tezis);
5. Ish joyidan tavsifnoma;
6. Pasport nusxasi;
7. Oʻzbekiston Respublikasi Prezidenti Davlat stipendiyasi hujjat nusxasi (mavjud boʻlsa).

🖥 Noyabr oyining 10-sanasiga qadar ushbu taʼlim bosqichiga kirish istagida boʻlgan nomzodlar tomonidan barcha hujjatlarning pdf nusxalari Oliy taʼlimdan keyingi taʼlimni muvofiqlashtiruvchi Yagona elektron tizim — http://phd.mininnovation.uz orqali roʻyxatdan oʻtgan holda onlayn taqdim etiladi.

#nomoddiymadaniymeros #qabulPhD #shoshiling

🎩 ICRICHning ijtimoiy tarmoqlardagi sahifalari:
🌐 Telegram | 🌐 Facebook | 🌐 Instagram | 🌐 YouTube

#saylov2024

✅ Befarq bo‘lmang! O‘z kelajagingizni o‘zingiz tanlang! Ovoz bering!

🎩 ICRICHning ijtimoiy tarmoqlardagi sahifalari:
🌐 Telegram | 🌐 Facebook | 🌐 Instagram | 🌐 YouTube