📌📌З 19.09.2024 па 23.09.2024 бібліятэка гімназіі запрашае наведаць кніжную выставу "Няма даражэйшай зямлі", прысвечаную 85-годдзю з дня нараджэння Васіля Жуковіча.
📝Васіль Жуковіч - беларускі паэт, празаік, перакладчык, аўтар твораў для дзяцей. Аўтар шматлікіх літаратурна-мастацкіх выданняў, сярод якіх зборнікі вершаў “Паклон”, “Мелодыя святла”, “Цана цішыні”, , “У храме хараства і смутку”, “Кахання радасці й пакуты”, “Не завіце радзіму малой” , “Няўжо?..”, зборнік сатыры і гумару “Цудадзейны вітамін”, кніга прозы “Арабінавая ноч”.
📚Выдаў шэраг кніг для дзяцей: аповесць “Як адна вясна…”, зборнікі вершаў “Гуканне вясны”, Цудоўная краіна”, “Свет – дзівосны”, “Пра што гаманілі рамонкі”, “Хто хацеў бы пакатацца?”, зборнік вершаў , казак, загадак "Тараскаў самакат" і іншыя.📚

📌20.09.2024г. ў бібліятэцы гімназіі для вучняў пачатковай школы прайшоў літаратурны агляд "Цудоўная краіна Жуковіча", прысвечаны 85-годдзю з дня нараджэння Васіля Жуковіча. Аўтар шмат пісаў разнастайных твораў для дзяцей: вершаў, казак, загадак.👫
🤔Вучні з натхненнем адгадвалі аўтарскія вершаваныя загадкі, паўтаралі лічылкі, спрабавалі вымавіць скарагаворкі на беларускай мове. Таксама спрабавалі вызначыць сэнс беларускіх устойлівых выразаў з вершаў Жуковіча. Дзеці пазнаёміліся з невялікім драматычным творам аўтара, спрабавалі вызначыць яго асноўную думку. Дзякуючы літаратурнаму агляду вучні атрымалі новыя веды па роднай мове і літаратуры.📚