Руслан Абрамчык,
начальнік упраўлення адукацыі Гродзенскага аблвыканкама,
старшыня Карэліцкай РА РГА «Белая Русь» з 2013 па 2020 гады:
—  Белая Русь — гэта ўнікальнае ў сваім родзе грамадскае аб’яднанне. Бо яно стваралася аднадумцамі, аб’яднанымі не па полу, як саюз жанчын, не па ўзросту, як саюз моладзі або ветэранская арганізацыя, не па прафесіі, як прафесійныя саюзы і іншыя аб’яднанні. Белая Русь узнікла як аб’яднанне творчай, навуковай, інжынернай, педагагічнай інтэлігенцыі, аб’яднанай галоўнай ідэяй — падтрыманне і ўмацаванне суверэнітэту Рэспублікі Беларусь, падтрымка Кіраўніка дзяржавы ў яго пачынаннях на карысць нашага народа. Фактычна ўжо тады яна стала правобразам будучай партыі. Ужо ў тыя гады актыўна абмяркоўвалася, што “Белая Русь” будзе выходзіць на палітычнае поле. У сакавіку 2023 года гэтая задумка была ўвасоблена ў жыццё. Патэнцыял арганізацыі раскрываўся паступова: у пачатку колькасна, калі па прыкладзе Гродзенскай абласной арганізацыі былі створаны Рэспубліканская арганізацыя і аб’яднанні ва ўсіх рэгіёнах. А пазней адбыліся і якасныя змены ў выглядзе беларускай палітычнай партыі «Белая Русь».
Вельмі важна, што ў грамадскага аб’яднання “Белая Русь” заўсёды ёсць некалькі ўзроўняў вырашэння задач, і гэтыя ўзроўні прадугледжаны статутам. Мы іх бачым і ў жыцці. Ідэі, якія рэалізуюцца на ўзроўні пярвічнай арганізацыі, справы, якія аб’ядноўваюць актыў арганізацыі на ўзроўні раёна, вырастаюць у глабальныя краінавыя праекты. Для кожнага фармату мерапрыемстваў знаходзіцца і час, і месца, і ўласнае фінансаванне. «Белая Русь» заўсёды была апорнай арганізацыяй для органаў дзяржаўнай улады ў частцы пошукаў дадатковых пазабюджэтных крыніц фінансавання ў добрых пачынаннях. Гэта падтрымка канкрэтнай сям’і, дапамога пэўнаму чалавеку, правядзенне вялікага раённага мерапрыемства, асвета па тэмах гістарычнай памяці, падтрымка ў плане фінансавай граматнасці. На ўсё ў «Белай Русі» знаходзяцца свае актывісты, сваё месца ў каляндарным графіку. Усё больш становіцца розных тэматычных накірункаў, у якіх актывісты нашага грамадскага аб’яднання могуць знайсці сябе. Гэта захаванне гістарычнай памяці, палітычная асвета, канкрэтныя справы па захаванні прыроды, помнікаў на тэрыторыі Гродзенскай вобласці і Рэспублікі Беларусь. І вядома, растлумачальная работа ў працоўных калектывах аб працэсах, якія праходзяць у грамадстве. Гэта не толькі палітыка і выбарчыя кампаніі. Мы неаднаразова станавіліся ўдзельнікамі грамадскіх абмеркаванняў, вялікіх нарматыўна-прававых актаў, якія сталі рэзананснымі ў грамадстве. Таму абмеркаванне праходзіла спачатку ў экспертных колах «Белай Русі» і сярод членаў пярвічных арганізацый для таго, каб выявіць тонкія месцы ў нарматыўна-прававых актах. Так, мы абмяркоўвалі і пенсійную сістэму, і ўнясенне змяненняў у заканадаўства аб сямейным гвалце, і новую рэдакцыю Канстытуцыі і многія іншыя дакументы. Упэўнены, што “Белая Русь” менавіта ў фармаце грамадскага аб’яднання мае вельмі сур’ёзны патэнцыял ва ўмацаванні беларускага грамадства, з’яўляецца адной з апор беларускай дзяржавы і Прэзідэнта Рэспублікі Беларусь Аляксандра Лукашэнкі разам з іншымі грамадскімі аб’яднаннямі.
Сёння мы бачым бурнае развіццё ўсяго патрыятычнага сегмента грамадскіх аб’яднанняў, якія з’яўляюцца суб’ектамі грамадзянскай супольнасці, рухаючай сілай працэсаў, якія праходзяць ва Усебеларускім народным сходзе, дэлегуючы туды вялікае прадстаўніцтва.
У «Белай Русі» ёсць сваё значнае месца на карце грамадска-палітычнага жыцця нашай краіны. Упэўнены, што нават пасля стварэння беларускай палітычнай партыі «Белая Русь» наша грамадскае аб’яднанне запатрабаванае, цікавае, яго чакае сур’ёзная, насычаная будучыня ў наступнае дзесяцігоддзе.

🇧🇾Министерство образования определило тему первого урока в новом 2024/2025 учебном году: «Нам есть чем гордиться, нам есть что беречь!»

В Год качества и 80-летия освобождения Беларуси от немецко-фашистских захватчиков разговор пойдёт о достижениях белорусского народа, которыми мы по праву гордимся, о тех ценностях, которые важно сохранить во имя будущего.

Методические рекомендации по проведению первого урока на I, II, III ступенях общего среднего образования будут размещены на Национальном образовательном портале.

Завтра...

Владимир Батурля, участник учредительного собрания (2004 г.): «Вместе мы - серьезная сила, и это чувствуется»

28 июля 2004 года в Гродненском областном драматическом театре состоялось учредительное собрание, положившее начало общественному объединению «Белая Русь». За это решение проголосовали все 550 участников собрания.
Подробнее