Сегодня состоялось чествование ветеранов ДОУ Нюрбинского района, посвященное 100-летию Якутской АССР и ко Дню Победы.

Былырыын Ньурба улууһугар ветеринарнай сулууспа тэриллибитэ 100 сылын бэлиэтээбиппит. Бу түгэнинэн улуус үбүлээн сулууспа үйэ устата үлэлээбит үлэтин, дьонун туһунан бэртээхэй кинигэ оҥоһуллан таҕыста. Бүгүн сүрэхтэниитигэр сырыттым. Кинигэҕэ ветеринарнай сулууспаҕа үлэлии сылдьыбыт бэтэрээннэр, кинилэр чугас дьоннорун, үлэлии сылдьар специалистар ахтыылара киирбит.
Кинигэни Татьяна Алларитовна Обулахова хомуйан таһаарбыт.
Барыта 462 сирэйинэн улахан, бэртээхэй үлэ оҥоһуллубут.
Ньурбатааҕы ветеринарнай сулууспа бэтэрээннэрин, үлэһиттэрин өссө төгүл бу бэлиэ түгэнинэн эҕэрдэлиибин!

Бүгүн Күндээдэҕэ үлэлээтибит. Нэһилиэнньэ активын кытары көрүстүбүт. Саха АССР 100 сылыгар "Күндээдэ" агрофирма дириэктэрдэрин Сүбэтин кытары сүбэлэһэн баран 100 ньирэйи нэһилиэнньэҕэ түҥэттибит.
Тыыл бэтэрээнэ Осипова Евдокия Григорьевнаҕа уонна сэрии кэмин оҕото Софронова Акулина Федотовнаҕа дьиэлэригэр сылдьан Саха АССР 100 сыллаах Үбүлүөйдээх бэлиэтин туттардым.
Маны тэҥэ, оскуола үлэһиттэрин кытары көрсөн кэпсэттибит, тутулла турар оскуоланы көрдүбүт. Бэдэрээтчик "Региональнай сайдыы" ХЭТ үлэлии сылдьар, тутуу матырыйааллара барыта баар. Педколлектив учууталларга саҥа уопсай дьиэ тутулларын туруоруста. Эһиил саҥа оскуола үлэҕэ киирдэҕинэ элбэх учуутал үлэлии кэлэрэ күүтүллэр диэн бэлиэтииллэр.

Улуус дьаһалтатын дьиэтин үрдүгэр бүгүн Улуу Кыайыы былааҕа күөрэйдэ.