👫Вучні педагагічнага атрада “Праметэі” гімназіі прынялі ўдзел у адкрыцці VI фестывалю педагагічных класаў “Вектар поспеху”.

✨Гімназісты творча, з запалам і гумарам прадставілі свой педагагічны клас, сваё ўяўленне пра прафесію сучаснага педагога.


#Заводскі
#гімназія14
#фестываль

Бацькоўскі сход👩‍🦰👨

✨У гімназіі 9 красавіка прайшлі бацькоўскія сходы для вучняў 1-4 класаў.

🔸Дырэктар гімназіі Гарохава М.І. расказала аб арганізацыі адукацыйнай дзейнасці ў 4 чвэрці.

🔸Педагог-псіхолаг акрэсліла пытанні небяспекі ўздзеяння сацыяльных сетак на дзяцей.

❓☀️Былі разгледжаны пытанні арганізацыі летняга аздараўлення малодшых школьнікаў.


#Заводскі
#гімназія14
#бацькоўскісход

🔥У рамках праекта “Генацыд.Азарычы.Голас сведкі падзей” напярэдадні Міжнароднага дня памяці вязняў фашысцкіх канцлагераў лектары музея Партызанскай Славы з настаўнікам гісторыі Блешчавай Т.В. прынялі ўдзел у мерапрыемстве “Памяць і час” на базе Дома-інтэрната для пенсіянераў і інвалідаў, дзе распавялі аб нямецкіх злачынствах у канцлагерах Беларусі, а таксама прынялі ўдзел у дыялогавай пляцоўцы з вязнем Азарыцкага лагера Уладзіславам Платонавічам Біранам сумесна з навучэнцамі Мінскага дзяржаўнага каледжа сферы абслугоўвання.

#Заводскі
#гімназія14
#генацыд

✨10 красавіка на базе факультэта пачатковай адукацыі БДПУ імя М.Танка адбылася выніковая сустрэча ўдзельнікаў прафарыентацыйнага праекта «Рэаліці-канструктар "Педагагічныя прыгоды". Трэці сезон».

🔸У мерапрыемстве прыняла ўдзел вучаніца педагагічнага класа Більдзюк Паліна, якая прадставіла вынікі выкананых заданняў у выглядзе арыгінальнага календара, які дазволіць захаваць у памяці падзеі і эмоцыі сумеснай дзейнасці гімназіі і педагагічнага ўніверсітэта.

🙏Наперадзе ў Паліны новы этап, і сертыфікат, які яна атрымала, дапаможа ёй ва ўступнай кампаніі.

🔸Падвядзенне вынікаў сустрэчы адбылося пры ўдзеле дэкана факультэта пачатковай адукацыі Наталлі Уладзіміраўны Ждановіч, якая падзякавала за цікавасць да прафесіі настаўніка і пажадала ўдзельнікам поспехаў.

#Заводскі
#гімназія14

🙏ГІМНАЗІЯ ПОМНІЦЬ!🙏
🔥Вучні гімназіі наведалі памятны мітынг у мемарыяльным комплексе "Трасцянец", прысвечаны Міжнароднаму дню вызвалення вязняў фашысцкіх канцлагераў.

🔸Памяць загінуўшых вязняў у фашысцкіх канцлагерах удзельнікі мерапрыемства ўшанавалі хвілінай маўчання, усклалі кветкі ля падножжа помніка.

🔥Вучні 9 "А" класа гімназіі выступалі з літаратурнай кампазіцыяй "Цені Трасцянца". Гледачы былі ўзрушаныя пачутым і ўбачаным, бо вельмі пранікнёнымі былі галасы артыстаў.

🔸Кожнае слова, што гучала са сцэны, быццам прапушчана скрозь сэрца, нібы гэта быў голас жывых сведкаў трагедыі, генацыду.

#Заводскі
#гімназія14
#трасцянец