🇧🇾🇷🇺Трэці дзень візіту гімназіі 80 г.Ніжняга Ноўгарада ў гімназіі 14 зноў напоўнены яркімі фарбамі і падзеямі і тэматычна звязаны з гістарычнымі і спартыўнымі падзеямі Рэспублікі Беларусь.
💫На пачатку дня госці знаёміліся з Мінскім метрапалітэнам, яго гісторыяй і траекторыяй развіцця, былі ўражаны ўтульнымі невялічкімі станцыямі першай галіны і многімі сучаснымі станцыямі.
Цягнік метро даставіў гімназістаў да наступнага пункта прызначэння: Дзяржаўнага музея гісторыі Вялікай Айчыннай вайны. Экскурсія вельмі спадабалася і запомніцца вучням надоўга, бо дзейнасць музея скіравана ў першую чаргу на захаванне гістарычнай памяці беларусаў.
💫Пасля смачнага абеду і адпачынку госці былі запрошаны на свята “Новы год на вадзе”, дзе ўсіх чакала не толькі зімовая казка са Снягуркай, Дзедам Марозам і Вадзянікам, але і сапраўднае спартыўнае спаборніцтва з каманднымі эстафетамі.
💪Гімназіі 80 і 14 за здаровы лад жыцця, таму перамагла дружба!


#Заводскі
#гімназія14

💫У гімназіі прайшлі ўрачыстыя лінейкі, прысвечаныя заканчэнню другой чвэрці 2023/2024 навучальнага года. Традыцыйна, яны пачаліся з вынасу Дзяржаўнага сцяга Рэспублікі Беларусь і выканання Дзяржаўнага гімна Рэспублікі Беларусь.
💫На лінейках намеснікамі дырэктара па вучэбнай рабоце былі ўручаны граматы вучням, якія паказалі высокія вынікі ў раённых і гарадскіх конкурсах.
✨На лінейку завіталі Дзед Мароз, Снягурачка і маленькі Цмок, якія правялі з вучнямі гульні па правілах бяспечных паводзін у час зімовых канікул.


#Заводскі
#гімназія14
#лінейка

💫У актавай зале гімназіі 14 прайшло святочнае мерапрыемства “Свет Каляднай зоркі”.
👫Дзеці з бацькамі гулялі ў беларускія народныя гульні, спявалі разам і танчылі, стварылі святочны настрой.


#Заводскі
#гімназія14
#Дударыкі
#Дударочкі

💫Гімназія 14 і гімназія 80 г.Ніжняга Ноўгарада працягваюць выконваць праграму запланаваных мерапрыемстваў. Сёння ў бібліятэцы гімназіі сумесна з нашымі гасцямі адбылося пасяджэнне гімназічнай літаратурнай супольнасці “Натхненне”. Яно прайшло ў межах літаратурнай гасцеўні “Чытаем вершы пра Радзіму”, на сустрэчы прысутнічаў член Саюза пісьменнікаў Беларусі Міхась Пазнякоў.
✨Далей гімназісты наведалі мемарыяльны комплекс “Хатынь”. Экскурсія па Хатыні нават праз 80 гадоў пасля трагедыі выклікае вельмі моцныя пачуцці ў душы кожнага чалавека. Менавіта мемарыяльны комплекс “Хатынь” служыць маўклівым напамінам, перасцярогай жывым і будучым пакаленням, што падобнае не павінна паўтарыцца. Госці з Ніжняга Ноўгарада былі ўражаны комплексам і далучыліся да спачування беларускаму народу хатынскай трагедыі.


#Заводскі
#гімназія14

🎄Самая сапраўдная чароўная падзея адбылася ў гімназіі 14: у госці да выхаванцаў дзіцячага аздараўленчага лагера “Сонейка” на зімовых канікулах завіталі Дзядуля Мароз і Снягурачка са сваімі дарадцамі.
💫Вельмі карысна, весела і цікава бавілі час выхаванцы. Шмат добрых песень прагучала.
Шчыры дзіцячы смех так і вітаў па зале. Шыкоўныя інтэлектуальныя конкурсы былі праведзены, у якіх выхаванцы былі зорачкамі бездакорных адказаў. Карагоды, песні, танцы, чытанні вершаў, дабрыня і святочны настрой панавалі на сённяшнім ранішніку-свяце.


#Заводскі
#гімназія14
#лагер