⭐ Аздараўленчы лагер "Сонейка". ДЗЕНЬ ДРУГІ ⭐

✨У другі дзень працы аздараўленчага лагера "Сонейка" у гімназіі 14 г.Мінска прайшлі цікавыя экскурсіі. У пакоі Воінскай славы пры ваенкамаце Заводскага раёна дзеці пазнаёміліся з багатай экспазіцыяй: дакументы, фотаздымкі, баявая зброя, разнастайнае абмундзіраванне савецкіх салдат і афіцэраў.✨У пакоі прадстаўлены тры перыяды мінулага стагоддзя - гэта матэрыялы ад даваеннага часу да адраджэння краіны з попелу Вялікай Айчыннай вайны. Цікавую экскурсію правяла кіраўнік музея Партызанскай славы гімназіі, настаўнік гісторыі Н.Ю. Літвіновіч. У канцы экскурсіі ўсе наведвальнікі адрымалі памятныя падарункі.✨

✨Выхаванцы лагера наведалі Музей гарадскога пасажырскага транспарту. Даведаліся аб гісторыі ўзнікнення пасажырскага транспарту ў Беларусі, яго адметных рысах і характарыстыках у XIX стагоддзі і ў сучаснасці, сваімі вачамі ўбачылі транспарт розных часоў. Экскурсія атрымалася вельмі пазнавальная!✨

✨ Лета - пара для прыгод! 😉✨

#Заводскі
#гімназія14
#лагер
#экскурсіі

✨Клуб дыпламатаў✨

✨Члены клуба ЮНЕСКА “Айрыс» гімназіі 14 на чале з кіраўніком Касаткінай Т.В. у чарговы раз сталі ўдзельнікамі паседжання клуба “Юны дыпламат”, прысвечаным беларуска-індыйскаму сяброўству і творчасці Рабіндраната Тагора з удзелам пасла Індыі спадара Алока Ранджана Джа. ✨

✨7 мая 2022 года споўніўся 161 год з дня нараджэння філосафа, пісьменніка, навукоўца, настаўніка, першага нееўрапейца, які атрымаў Нобелеўскую прэмію. Высокая духоўнасць яго асобы дазволіла нарадзіцца асаблівай філасофіі, якая ўсё яшчэ гучыць сучасна.✨

✨ На сустрэчу былі запрошаны ўнукі нашага беларускага пісьменніка Якуба Коласа, які пераклаў не адзін верш Рабіндраната Тагора на беларускую мову. Сустрэча прайшла ў Беларускім таварыстве дружбы і культурнай сувязі з замежнымі краінамі. Вучні 7А (будучыя члены нашага клуба) з задавальненнем прынялі ўдзел у мерапрыемстве, арганізаваным членам праўлення БелАЮ Кашперка А.А.. ✨

✨Цудоўная магчымасць пазнаваць культуру і традыцыі замежных краін! ✨

#Заводскі
#гімназія14
#ЮНЕСКА

📝 Летняя студыя па беларускай мове 📝

✨У гімназіі 14 г.Мінска распачала работу летняя студыя па беларускай мове.
Студыя сабрала адораных дзяцей сталіцы Заводскага, Партызанскага і Цэнтральнага раёнаў. ✨

✨У першы дзень заняткаў студыі высокаматываваныя вучні школ горада знаёміліся з настаўнікамі, з планам работы студыі і прынялі ўдзел у занятках, якія падрыхтавалі настаўнікі гімназіі 14 Калода К.В. і Хмяльніцкая Н.В..✨

✨Матывацыяй дня сталі словы Я. Янішчыц "Пачынаецца ўсё з любві, а іначай і жыць немагчыма..." Рыхтуем будучых пераможцаў алімпіяд і конкурсаў! Пажадаем студыі плённай працы! ✨

#Заводскі
#гімназія14
#студыя
#адораныя_дзеці

☘️ Дзень экалогіі ў аздараўленчым лагеры ☘️

✨Актыўна праходзіць першая змена ў аздараўленчым лагеры "Сонейка" гімназіі 14 г.Мінска. Дзень, прысвечаны экалогіі быў насычаны вандроўкамі і экалагічнымі даследаваннямі:
☘️ у парку вывучалі расліны і дрэвы, слухалі птушак;
💫 у планетарыі - глядзелі пазнавальныя ролікі і вывучалі зорнае неба.

✨Юныя даследчыкі з атрадаў "Падарожнікі" і "Вандроўнікі" разам з выхавальнікамі цэлы дзень абмяркоўвалі экалагічныя праблемы навакольнага асяроддзя. 😉✨

✨☝️😃 Наогул, дзень пачаты з зарадкі на вуліцы - падымае настрой і павялічвае пазнавальную актыўнасць! ✨

#Заводскі
#гімназія14
#лагер
#экалогія