🌼🌺☀️🌸🌿Үтүө өрөбүл күн Чаппандаҕа иллээх-эйэлээх Николаевтар дьиэ кэргэттэрин мааны тэлгэһэлэригэр ыалдьыттаатым.

Биир нэһилиэккэ да олордоргун, тэйиччи олорор ыалга санаатыҥ да сыбыытаабаккын, ол сиэринэн бүгүн кинилэргэ аан бастакыбын сырыттым. Дьүөгэм оҕотун төрөөбүт күнүгэр торт сакаастаабытын ыла барарыгар саппай уопсан анаан-минээн тиийдим.

Николаевтар орто уоллара Семен быйыл бырайыак көмүскээн соцконтракт баттаһан, субсидия ылан мас оҥоһуктарынан олохтоохтук ылсан үлэлээн саҕалаата.

Семен уһаммыта ыраатта, убайдарынаан биригээдэ тэринэн дьиэ тутуутугар үлэлэһэллэр, маһы ыллатар удьуор уус дьон. Уһанарын билэр дьон эрдэ кыра оҥоһуктары - олоппостору, куукула дьиэлэрин, полкалары сакаастаан оҥорторбуттарын сэргии, биһирии көрөөччүбүн. Олус тупсаҕай, уурбут-туппут курдук уран оҥоһуктар.

🌿Тэлгэһэбитигэр төннүөххэ🌿Видеоҕа көстөр хачыаллар, сибэкки иһиттэрэ барыта Семен оҥоһуктара. Самозанятай быһыытынан бэйэ дьыалатын тэринэн нэһилиэнньэттэн сакаас ылан үлэлиир, көрүллүбүт субсидиянан уһанар матырыйаалын, туттар тэриллэрин ылбыт. Төрүөҕүттэн доруобуйатынан хааччахтаах буолан, сүрүн көмөлөһөөччүтэ, тылбаасчыта эдьиийэ Марина. Быраата оҥорбут мас оҥоһуктарын өҥнөрү дьүөрэлээн кырааскалаан тупсарар.

Ону таһынан Марина олус минньигэс эгэлгэ тортары оҥорон нэһилиэнньэни хааччыйар. Ыал күн-күбэй ийэтэ Антонина Николаевна сайын ахсын тэлгэһэтин дьэрэкээн сибэкки арааһынан симиир, розаҕа тиийэ үүннэрэр.

Киһи эрэ сүргэтэ көтөҕүллэр ураты эйгэлээх, хараҕы манньытар дьэрэкээн тиэргэҥҥэ ыалдьытымсах дьиэ кэргэн сайаҕас сыһыаныттан санаам көнньүөрэн, бэйэм тэлгэһэбин кыратык да киэркэйдин диэн, икки петуния рассаадалаахпын олортум😅🌸🌸

#Сэмиэнэбэсайына ☀️🌈

@gazetanyurba @ulusmedia

https://yangx.top/oktyabrskiy_nas/4448

📽️ Республика биир бастыҥ түһүлгэтэ "Дыгын оонньуулара" аҕыйах хонугунан Туймаада ыһыаҕар ыытыллыа. Отбор ааһан быйыл 12 боотур киирсэр. Буолаары турар сахалыы многоборье күрэҕин уруйдаан чаҕылхай ыччат Борислав Степанов 6 интервью бэлэмнээбит.

Иккис төгүлүн кыттар биһиги биир дойдулаахпыт Николай Обоев интервьюта бу киэһэ таҕыста. Кини кэпсиирин көрүҥ, истиҥ, сэргээҥ. Туймаада хочотугар ситиһиини баҕарабыт!

Интервью: https://youtu.be/0tcpqOlNLVI

Чурапчы улууһун ыһыаҕар "Тоҕус томтор оонньууларын" муҥутуур кыайыылааҕынан, Ньурбабыт Ньургуна - Владимир Федоров🏆 таҕыста!

Иккис миэстэ - Давыд Колесов (Мэҥэ-Хаҥалас), үһүс миэстэҕэ - Павел Друзьянов (Чурапчы).
Бастыҥ буолбут кыттааччылар бары "Дыгын оонньуутун" кыттыылаахтара, ааттаах-суоллаах республикабыт бастыҥ мадьынылара, бөҕөстөрө буолаллар. Бу курдук биир улахан күрэххэ улахан ситиһиитинэн Владимирга итии-истиҥ эҕэрдэбитин тириэрдэбит!
Өссө да өрүү кыайыы көтөллөнөн, үрдүк чыпчааллары баҕарабыт!

Улуустааҕы физическэй култуура уонна спорт управлениета

Бүгүҥҥү программа