🩺 Бүгүҥҥү Доруобуйа национальнай күнүн өрөспүүбүлүкэбит бастакы Бэрэсидьиэнэ Михаил Николаев олохтообута.

🧪 Доруобуйа национальнай күнүгэр, Майа сэлиэнньэтигэр Чөл олох күннэрин бырагырааматынан «Манчаары» чэбдигирдэр-успуорт саалатыгар олохтоохтор доруобуйаларын көрдөрүнэллэригэр анаан диспансеризация тэрээһинэ ыытыллар. Бу күн кинилэр сүрүн анаалыстары туттаран, быраастарга көрдөрөн доруобуйаларын туругун бэрэбиэркэлэниэхтэрин сөп.

🏆 Итиэннэ бүгүн Чөл олох сылыгар анаммыт Майа сэлиэнньэтин тэрилтэлэрин икки ардыгар култуура уонна успуорт эстэпиэтэтин успуорка күрэхтэһиитигэр эрийсиилээх киирсиилэр буола тураллар.

@gazetaerkeii
@ulusmedia

«Кырдьаҕаһы хааһахха сүгэ сылдьан сүбэлэт» диэн өс хоһооно хантан кэлбитэй?

🗣 Бу өс хоһоонун туһунан оҕо эрдэххэ от үлэтигэр сылдьан киэһээ кутаа уот тула олорон кэпсэнэр үһүйээннэртэн истэн хааллаҕым. Ону тугу өйдүүрбүнэн...

Дьэ, былыргы дьыл быдан мындаатыгар, урукку сыллар улаҕааларыгар Чыҥыс Хаан сэриитигэр, араас омуктартан биир уһулуччу сэрииһит омук баара үһү.
Бу омук улахан сэриилэргэ олох инники күөнҥэ сылдьар эбит. Өлөллөрүн утуйарга холоон, олох куттанар-чугуйар диэни билбэттэр . Онон Чыҥыс Хаанҥа тиийэ иһиллэр боотур буолбуттар.
Ол гынан баран, биир куһаҕан адьынаттаахтар эбит. Өстөөхтөрүн өһөрөн, кыайыы көтөллөнөн, эйэлээх олох саҕаланнаҕына бу дьон аны, бэйэлэрин икки ардыларыгар охсуһан, сэриилэһэн киэн айдааны тардаллар эбит.
Чыҥыс Хаан олох үчүгэй сэрииһиттэрин иһин тулуйа сатаан баран, Сүбэһиттэрин ыҥыран баран: "Кэбис, бу дьонҥо олох этэ сатаатым, буойан көрдүм да ньоҕойдоһон, бэйэлэрин икки ардыларыгар кытта киэҥ айдааны тардан, Ил олоҕу ыһаары гыннылар. Онон ҮТЭҺЭЛЭРЭ ТУОЛЛА, оҕолору-уруулары барыларын кырган кэбиһиҥ"- диэн эппит. Икки да киһи кэпсэппитэ кистэлэҥ буолбат дииллэринии, бу дьаһал ол дьоммутугар иһиллибит.
Ыксал буолан Аҕа баһылыктара дьонун хомуйа охсон: "Чыҥыс Хаан ыйааҕынан кыргыллан, күн сириттэн сүтэр буоллубут. Онон боҕоойу буолар кырдьаҕастары, кыамматтары хаалларан, бу түүн күрүүбүт"- диэн сөҥүдүйбүт.

Биир сытыы-хотуу боотур уол аҕатыгар кэлэн, ол дьулаан дьаһалы иһитиннэрэр. Аҕата оҕонньор, сээркээн сэһэнньит, ытык кырдьаҕас атаҕынан хаампат эбит. Ол иһин хааларга сананан: "Миигин хааллар, УОЛ ОҔО СААДАҔЫН ҮСТЭ КУРДАНАР, дьоҥҥун кытта барсан АҔА УУҺА БУОЛАН ТЭНИЙ", - диэн алҕыыр.
Боотур саҥата суох тирии хааһах тигэ охсон, аҕатын онно уган сүгэн кэбиһэр да дьонун кытта барса турар.
Төһө өр, хас сыл айаннаабыттара биллибэт, аны күн уотуттан кубарыйа хаппыт истиэп устун бараллар. Уу суох. Дьон үксэ суоһаан сууллан түһэн, өлөн хаалаллар эбит. Боотур олох буорайар, биир киэһээ аҕата уолугар тирбэҕэ быа биэрэр уонна этэр: "Тукаам, бу сүктэрэн иһэн хааһахпыттан быа тэллим, маны баанан баран соспутунан аны түүн хаам", - диир. Уол аҕатын сүбэтин ылынан, быаны курданарынан баанан баран, ордугун соспутунан түүннэри хаамар. Күн тахсан истэҕинэ аҕата тохтотон, били быаларын илиилэринэн ыган, кыракый уу сүүрдэн утахтарын ханнараллар. Түүнүн сиик түһэн тирбэҕэ быалара, сииги оборбутун итинник ньыманан утахтарын ханнаран, этэҥҥэ өрүскэ кэтиллэ түһэллэр.
Онтон ыла үөскээбит өс хоһооно - КЫРДЬАҔАҺЫ ХААҺАХХА СҮГЭ СЫЛДЬАН СҮБЭЛЭТ диэн.

Чыҥыс Хаан дьоно илбиһирэн кырга тиийбиттэрэ, аҕыйах бодоҥ оҕонньор, эмээхсин эрэ хаалбыттар эбит. Атыттара халлааннаан көппүттэрэ, сиргэ симэлийбиттэрэ биллибэт эбит. Бүтүн биир омук сүтэн хаалбыт...

Түсчүт Зиновий.

Погода
26 февраля, понедельник

🌨️ На юге, местами на юго-западе, северо-востоке республики пройдет небольшой снег, на остальной территории преимущественно без осадков. Ветер умеренный, передает Улус.Медиа со ссылкой на ЯУГМС.

Температура воздуха ночью -35-40°, в Оймяконье -46-51°, на юго-западе -29-34°, при снеге -23-28°. Днем -23-28°, в Оймяконье -29-34°, на юге, юго-западе -16-21°.

🌥 В Якутске без осадков, ветер западный 1-4 м/с, температура воздуха ночью -36-38°, днем -25-27°.

Фото Надежды Андросовой,
Мегино-Кангаласский улус.

@gazetaerkeii