Үбүлүөйдээх тэрээһин
Хара нэһилиэгэр Туутук ааҕыылара үгүс кыттааччыны түмтэ

🔸🔹🔸 Кулун тутар 24 күнүгэр И.Г.Игнатьев аатынан Хара спортивнай орто оскуолатыгар оҕо суруйааччыта, суруналыыс, тылбаасчыт, биллиилээх фольклорист, ССРС Наукатын Академиятын Сибиирдээҕи салаатын үтүөлээх бэтэрээнэ, СӨ култууратын үтүөлээх үлэһитэ, Хара нэһилиэгин, Мэҥэ Хаҥалас, Нам улуустарын Бочуоттаах гражданина Петр Никифорович Дмитриев‒Туутук төрөөбүтэ 85 сылын көрсө өрөспүүбүлүкэтээҕи "Туутук ааҕыылара" буолан ааста.

🔹🔸🔹 Ааҕыыларга Кэбээйиттэн, Дьокуускайтан, Маттаттан, Мооруктан, Майаттан, Хараттан 50 киһи кыттыыны ылла.

Сиһилии: https://эркээйи.рф/article/93471

@gazetaerkeii
@ulusmedia

#ЯкутияВперед

🏗🏘🏬 Дьон олорор, үлэлиир усулуобуйатын тупсарыыга былааннаах үлэ киин сиргэ эрэ буолбакка, тыа сиригэр эмиэ тэтимнээхтик ыытыллар.
Мэҥэ Хаҥалас улууһун I Наахара нэһилиэгэр 2019 сылга куйаар ситимэ тардыллан, култуура саҥа киинэ тутуллан, дьон-сэргэ олоҕо биллэ сэргэхсийдэ.

🏭 Саҥа хочуолунай үлэлиэҕиттэн дьиэлэр, социальнай эбийиэктэр киинтэн ититиигэ холбононнор, дьон сылаас дьиэҕэ-уокка олорон, үлэлээн-хамсаан абыранныбыт диэн үөрүүлэрин үллэстэллэр.

@gazetaerkeii
@ulusmedia

Чөл олох
Хорообукка Прокопий Плотников кэриэһигэр куйуурга күрэхтэстилэр

🐟🏆 Кулун тутар 19 күнүгэр Муохтаах Куоһаҕаска Прокопий Романович Плотников аатынан куйуур иккис төгүлүн ыытылынна. Хорообут биэс, Мэлдьэхси, Бэдьимэ, Төхтүр биирдии хамаанданы туруордулар. Күрэхтэһиини олохтоох дьаһалта (баһылык Гаврил Бродников), Прокопий Романович дьиэ кэргэнэ тэрийдилэр. Кылаабынай судьуйанан Василий Прибылых үлэлэстэ.

Сиһилии: https://эркээйи.рф/article/93490

@gazetaerkeii
@ulusmedia

#ЯкутияВперед
Тыа сиригэр култуура сайдыытыгар сүҥкэн оруоллаах

🏛🎭 Мэҥэ Хаҥалас улууһун саамай элбэх нэһилиэнньэлээх пуунугар - Майа сэлиэнньэтигэр олохтоохтор өр көһүппүт биир улахан ыра санаалара 2020 сыл ахсынньытыгар олоххо киллэриллибитэ. Ол - Култуура дыбарыаһын тутуута этэ.

🏛🎼 Билигин сэлиэнньэ килбийэр киинигэр тупсаҕай оҥоһуулаах икки этээстээх таас Култуура киинигэр Д.Ф.Ходулов аатынан норуодунай тыйаатыр, Арассыыйа үтүөлээх кэлэктиибэ "Кыталык" үҥкүү ансаамбыла, Н.Н.Васильева аатынан Майатааҕы норуодунай хуор, "Көөчөөн көрө" мини тыйаатыр, Эдэр көрөөччү тыйаатыра, "Манчаары" киинэ көрөр саала олохсуйаннар, эдэр-эмэн дьону ускуустуба кэрэ абылаҥар уһуйаллар.

🏛💃🏻 Майаҕа саҥа Култуура киинэ тутуллуоҕуттан улууспут олохтоохторун култуурунай олоҕо үрдүк таһымҥа таҕыста, биллэ тубуста.

@gazetaerkeii
@ulusmedia