#Фуқаро_мурожаати_эътиборда

⚡️ҲУРМАТЛИ ОТА-ОНАЛАР ВА АБИТУРИЕНТЛАР ДИҚҚАТИГА!

📢 Олий ва ўрта махсус таълим вазири Абдуқодир Тошқулов ҳамда вазир ўринбосарларининг мурожаатлар платформаси ишга тушганлиги тўғрисида хабар берган эдик.

✔️ Эндиликда ушбу мурожаатлар платформаси орқали келиб тушган саволлар юзасидан жавоблар Eduuz расмий телеграм канали орқали мунтазам бериб борилиши йўлга қўйилди.

📨 Вазирликка ўз фикрларингизни билдириш орқали соҳада учраётган муаммо ва камчиликларни бартараф этиш, олий, ўрта махсус ҳамда профессионал таълим тизимини янада ривожлантиришга ўз ҳиссангизни қўшинг.

📩 Мурожаатлар платформаси:

➡️ Олий ва ўрта махсус таълим вазири - @toshkulovga,

➡️ Вазирнинг биринчи ўринбосари - @karimovga,

➡️ Вазирнинг фан ва инновациялар бўйича ўринбосари - @xakimovga,

➡️ Вазирнинг иқтисодий масалалар бўйича ўринбосари - @buzrukxonovga мурожаат қилинг.

📱Сиз билан боғланишимиз учун мурожаатингиз тагидан телефон рақамингизни қолдиришингиз тавсия этилади.

@eduuz

​​📢 Олий ва ўрта махсус таълим вазири ҳамда вазир ўринбосарларининг мурожаатлар платформаси орқали келиб тушган саволларга жавоблар

❓1-САВОЛ:
Хорижий олий таълим муассасасидан ўқишимни Ўзбекистонга кўчирмоқчиман. Ўқишимни кўчиришим учун имтиҳонни суҳбат шаклида топширсам бўладими?

✅ ЖАВОБ:
Хориждан талабалар ўқишини кўчириш бўйича имтиҳонлар асосан тест синовлари шаклида, айрим таълим йўналишларига касбий (ижодий) имтиҳон шаклида ўтказилади.
Тест синовлари Давлат тест маркази томонидан, касбий (ижодий) имтиҳонлар тегишли олий таълим муассасалари томонидан ўтказилади.

❓2-САВОЛ:
Мен Ўзбекистондаги нодавлат олий таълим муассасасида 1-курсни тамомладим. Мен ўқишимни Тошкент давлат иқтисодиёт университетига кўчирмоқчиман. Бу қандай тартибда бўлади ва мен ўқиётган олий таълим муассасасидан қандай ҳужжатлар талаб этилади?

✅ ЖАВОБ:
Ўзбекистондаги нодавлат олий таълим муассасаларидан талабалар ўқишини кўчириш ҳам хориждан ўқишни кўчириш учун белгиланган тартибларга мувофиқ амалга оширилади.
Шунга кўра, Ўзбекистон Республикасидаги нодавлат олий таълим муассасаларидан давлат олий таълим муассасаларига ўқишни кўчириш учун танланган бакалавриат таълим йўналишига кириш фанларидан имтиҳонлар ўтказилади.
Хорижий ва нодавлат олий таълим муассасаларидан ўқишни кўчириш учун рўйхатдан ўтишда қуйидаги ҳужжатлар талаб этилади:
- рейтинг дафтарчаси ёки академик маълумотнома ёхуд транскрипт нусхаси (биттаси бўлса кифоя);
- паспорт нусхаси.

❓3-САВОЛ:
Хориждан ўқишни кўчиришда оилали бўлганлар учун имтиёзлар борми?

✅ ЖАВОБ:
Хорижий олий таълим муассасаларидан ўқишни кўчиришда оилали талабаларга имтиёзлар кўзда тутилмаган.
Агар талаба хорижий олий таълим муассасасига ўқишга киргандан сўнг турмушга чиққан бўлса, ушбу талаба баҳорги семестр бошланишидан олдин ҳам ўқишини турмуш ўртоғи доимий яшайдиган ҳудуддаги олий таълим муассасасига кўчириш бўйича рўйхатдан ўтиши ва имтиҳонларда иштирок этиши мумкин.

❓4-САВОЛ:
Биз ёшлар олий таълим муассасаларининг бакалавриат таълим йўналишларини тамомлаб магистратурага ўқишга кириш учун тайёрланмоқдамиз. Лекин магистратурага киришда турдошлар рўйхати тасдиқланганда абитуриентларга магистратура мутахассисликларини танлашдаги имкониятлар жуда чекланди. Турдошлар рўйхатини қайта кўриб чиқишингизни сўраймиз.

✅ ЖАВОБ:
Ҳозирги кунда фуқароларнинг таклифлари асосида “Республика давлат олий таълим муассасалари магистратурасига қабул бўйича турдош олий таълим йўналишларининг рўйхати”га қўшимча ва ўзгартиришлар киритилиши нуқтаи назаридан қайта кўриб чиқилмоқда. Мурожаатингизда кўрсатилган масала вазирликда таянч олий таълим муассасалари мутахассислари билан биргаликда кўриб чиқилмоқда. Киритилган ўзгартиришлар тўғрисида вазирлик веб-сайти ва ижтимоий тармоқлардаги саҳифаларида хабар берилади.

👉 @eduuz

​​📢 Олий ва ўрта махсус таълим вазири ҳамда вазир ўринбосарларининг мурожаатлар платформаси орқали келиб тушган саволларга жавоблар

❓5-САВОЛ:
Давлат олий таълим муассасаларига фанлардан қарзи бор талаба ўқишини кўчира оладими?

✅ ЖАВОБ:
Фақатгина биринчи курснинг биринчи семестридан қарздор бўлган талабаларнинг ўқишини кўчиришга рухсат этилмайди. Бошқа семестрдаги фандан қарздор бўлган талаба ўқишини кўчириш бўйича рўйхатдан ўтиши мумкин.
Ўқиши кўчирилиши рухсат этилган талабани курсини белгилашда мутахассислик фанлари фарқи солиштирилади ва бунда, талаба қарздор бўлган фан ҳам инобатга олинади. Фанлар фарқи 4 тадан ортиқ бўлган ҳолатда талабанинг ўқиши муайян курсга тавсия этилмайди.

❓6-САВОЛ:
Мен Термиз давлат университетининг Мактабгача таълим йўналишини биринчи курсини тамомладим. Доимий яшаш манзилим Фарғона вилоятида бўлганлиги сабабли ўқишимни Фарғона давлат университетининг Бошланғич таълим йўналишига кўчира оламанми?

✅ ЖАВОБ:
Мактабгача таълим йўналиши ва Бошланғич таълим йўналиши турдош эканлиги ҳамда Сизнинг доимий яшаш манзилингиз Фарғона вилояти эканлигини инобатга олган ҳолда Сиз ўқишингизни Фарғона давлат университетининг Бошланғич таълим йўналишига кўчиришингиз мумкин.

❓7-САВОЛ:
Хориждан ўқишни кўчириш бўйича ўтказиладиган имтиҳонларнинг ўтиш баллари қандай бўлади?

✅ ЖАВОБ:
Хорижий ва нодавлат олий таълим муассасаларидан ўқишни кўчириш бўйича имтиҳонларнинг ўтиш баллари тизимида олий таълим муассасалари бўлган вазирлик ва идоралар томонидан жорий йилнинг 25 июль кунига қадар ўзларининг расмий сайтларида эълон қилинади.

Бизни кузатишда
давом этинг!
👉 @eduuz

#Сўраган_эдингиз

📢 Олий ва ўрта махсус таълим вазири ҳамда вазир ўринбосарларининг мурожаатлар платформаси орқали келиб тушган саволларга жавоблар

❓8-САВОЛ:
Мен 2019 йилда Беруний номидаги давлат стипендияси совриндори бўлганман. 2021 йил Самарқанд ветеринария медицинаси институтини битирдим. Мен Ўзбекистон Миллий университетига магистратурага кирмоқчиман. Бунда Беруний давлат стипендияси совриндори бўлганлигим учун менга имтиёз қўлланиладими?

✅ ЖАВОБ:
Номли давлат стипендиялари совриндори бўлган талабалар бакалавриатни битирган йили ўқиган таълим йўналишига мос ва турдош бўлган магистратура мутахассисликларига кириш имтиҳонларисиз давлат гранти асосида талабаликка қабул қилинади.
Шунга кўра, исталган олий таълим муассасасининг Сиз тамомлаган бакалавриат таълим йўналишига мос ва турдош бўлган магистратура мутахассислигига имтиёз асосида ўқишга киришингиз мумкин.

❓9-САВОЛ:
Ногиронлиги бўлган талаба ёзги сессиядан 3 та фанни ўзлаштира олмаса курсдан курсга қолдирилиши мумкинми?

✅ ЖАВОБ:
Рейтинг баҳолаш тизими асосида таҳсил олаётган талаба семестр якунига кўра академик қарздор бўлса ва белгиланган муддатларда қарздорликни топшира олмаса курсдан-курсга қолдирилади. Ушбу ҳолатларда ногиронлиги бўлган шахсларга имтиёз кўзда тутилмаган.

❓10-САВОЛ:
Хориждаги олий таълим муассасаси магистратурасига ўқишга кирсам ва 1-курсдан кейин ўқишимни Ўзбекистондаги олий таълим муассасаси магистратурасига кўчира оламанми?

✅ ЖАВОБ:
Хорижий олий таълим муассасаларининг магистратурасида таҳсил олаётган талабалар ўқишини Ўзбекистон Республикасидаги олий таълим муассасаларининг магистратурасига ўқишни кўчиришга рухсат этилмайди.

❓11-САВОЛ:
Олдинги ўқув йиллари Бухоро давлат тиббиёт институтига иккинчи мутахассисликка қабул бўлар эди. Биз олий маълумотлимиз, ҳужжат топширмоқчи эдик. Бу йил ҳам иккинчи мутахассисликка қабул бўладими?

✅ ЖАВОБ:

Иккинчи олий маълумот олиш бўйича кадрлар тайёрлаш ҳуқуқига эга олий таълим муассасалари рўйхати Давлат комиссияси томонидан белгиланади. Бунда, кадрларга бўлган талаб-эҳтиёж, олий таълим муассасасининг илмий-педагогик салоҳияти ва моддий-техник базаси ҳисобга олинади.
Ҳозирги кунда тегишли вазирлик ва идоралар томонидан кадрларга бўлган талаб-эҳтиёж ўрганилмоқда. Жумладан, Бухоро давлат тиббиёт институтида иккинчи олий маълумот олиш учун қабул бўйича таклифлар Соғлиқни сақлаш вазирлиги томонидан шакллантирилади.

👀 Eduuzни кузатишда давом этинг!

👉 @eduuz

#Қабул_2021|#Прием_2021

🇺🇿Тошкентдаги Герцен университети филиалига қуйидаги йўналишлар бўйича қабул бошланди:

- мактабгача таълим
- болалар психологияси
- болаларнинг қўшимча бадиий-эстетик тарбияси
- сурдопедагогикаси
- тифлопедагогикаси
- олигофренопедагогикаси
- инсон психологияси ва ижтимоий муносабатлар
- рус тилини чет тили сифатида ўқитиш назарияси ва методикаси
———
🇷🇺Объявляется прием в филиал Герценовского университета в Ташкенте по следующим направлениям!

- Дошкольное образование
- Детская психология
- Дополнительное художественно-эстетическое образование детей
- Сурдопедагогика
- Тифлопедагогика
- Олигофренопедагогика
- Психология человека и социального взаимодействия
- Теория и методика преподавания русского языка как иностранного

Батафсил|Подробно 👇
https://www.herzen.uz/
https://yangx.top/herzenuz
https://yangx.top/joinchat/Zkhk4__Olv40NDRi
📲 +998 99 115 28 77

👉 @eduuz

🇺🇿 Ўзбекистоннинг барча ҳудудларидаги университет ректорлари Тошкент шаҳридаги Инҳа университетида бўлишди

📎 Республикамизнинг барча ҳудудларидан келган олий таълим муассасалари вакиллари Тошкент шаҳридаги Инҳа университетида жам бўлишди.

📌 Учрашувнинг асосий мақсади ТИУнинг жамоатчилик билан алоқалар ўрнатиш (PR), рақамлаштириш йўналишидаги ҳамда кредит-модул тизими бўйича ижобий тажрибасини ўрганиш эди.
➖➖➖
🇬🇧 Rectors of universities from all over Uzbekistan visited Inha University in Tashkent

📎 Representatives of various higher educational institutions from all over the republic visited Inha University in Tashkent.

📌 The main purpose of the visit was to study the positive experience of IUT in the direction of public relations (PR), digitalization, as well as the experience of the credit-modular system.
➖➖➖
🇷🇺 Ректоры со всего Узбекистана посетили Университет Инха в Ташкенте

📎 Руководство различных высших учебных заведений со всей республики, посетили Университет Инха в Ташкенте.

📌 Основной целью визита стало изучение положительного опыта УИТ по направлению работы связей с общественностью (PR), цифровизации, а также опыт кредитно-модульной системы.

Ⓜ️ ТИУ Ахборот хизмати

👉 @eduuz

#Қабул_2021

📢 ЭЪЛОН!

Бугун, 12 июль соат 17:00 да АОКА залида «Спорт мусобақалари ғолибларининг олий таълим муассасаларига ўқишга қабул қилиниши» мавзусида матбуот анжумани бўлиб ўтади.

Иштирокчилар:

🔹Олий ва ўрта махсус таълим вазирлиги,
🔹Туризм ва спорт вазирлиги,
🔹Миллий олимпия қўмитаси.

❗️Ушбу масалалар бўйича ўзингизни қизиқтирган саволларингизни телеграм тармоғи орқали @Rasmiy_aloqabot манзилига йўллашингиз мумкин.

📲 Матбуот анжумани «UzReport TV» телеканали, АОКА ва вазирликнинг Facebook саҳифаси орқали тўғридан-тўғри онлайн ёритилади.

Вазирлик расмий телеграм каналига уланиш👇👇👇
@eduuz
〰️〰️〰️

#Прием_2021

📢 Объявление

Сегодня 12 июля в 17:00 в зале АОКА состоится пресс-конференция на тему «Прием победителей спортивных соревнований в вузы Республики Узбекистан».

Участники:

🔹Министерство высшего и среднего специального образования,
🔹Министерство туризма и спорта,
🔹Национальный олимпийский комитет.

❗️Вы можете отправить интересующие вас вопросы по этой тематике через канал Телеграмм по адресу @Rasmiy_aloqabot.

📲 Пресс-конференция будет транслироваться в прямом эфире на канале UzReport TV, через Facebook страницу АОКА и министерства.


Подключение к официальному Телеграм-каналу Министерства👇👇👇
@eduuz

#Қабул_2021|#Прием_2021|#Аdmission_2021

⚡️АБИТУРИЕНТЛАР ДИҚҚАТИГА!

🎓“Ипак йўли” туризм халқаро университети 2021/2022 йиллар учун ҳужжатлар қабул қилишда давом этмоқда
Батафсил

🎓МУТ «Шёлковый путь» продолжает прием документов на 2021/2022 годы
Подробнее

🎓Silk Road International University of Tourism continues the admission of students for 2021/2022
More
———
👀 Eduuz ни кузатишда давом этинг!

👉 @eduuz

#Сўраган_эдингиз

📢 Олий ва ўрта махсус таълим вазири ҳамда вазир ўринбосарларининг мурожаатлар платформаси орқали келиб тушган саволларга жавоблар

❓12-САВОЛ:
Менинг қариндошим ўзи Қозоғистон фуқароси ва ҳозирда Қозоғистондаги институтда 1-курсни тамомлади. Шу қариндошим ўқишини Ўзбекистонга кўчириши мумкинми?

✅ ЖАВОБ:
Хорижий фуқароларнинг ўқишини хорижий олий таълим муассасаларидан Ўзбекистон Республикасидаги давлат олий таълим муассасаларига кўчириш суҳбат асосида амалга оширилади. Бунинг учун хорижий фуқаролар ўқишини кўчириш бўйича 15 июлдан 5 августга қадар белгиланган тартибда рўйхатдан ўтишлари лозим.

❓13-САВОЛ:
Мен Бухоро давлат университетининг Жисмоний маданият таълим йўналишини биринчи курсини тамомладим. Ўқишимни шу университетнинг Иқтисодиёт йўналишига кўчира оламанми?

✅ ЖАВОБ:
Бир олий таълим муассасаси доирасида ўқишни кўчириш учун белгиланган узрли сабаблар мавжуд эмас. Шунга кўра, бир олий таълим муассасаси доирасида ўқишни бир таълим йўналишидан бошқа таълим йўналишига кўчириш тегишли бакалавриат таълим йўналиши учун белгиланган табақалаштирилган тўлов-контрактнинг минимал миқдорига тенг бўлган бир марталик тўлов асосида амалга оширилади.
Юқоридагиларни инобатга олган ҳолда Сиз ўқишингизни кўчириш учун рўйхатдан ўтишингиз ва белгиланган миқдордаги тўловни амалга оширишингиз лозим.

❓14-САВОЛ:
Мен ҳарбий қисм тавсияномасига эгаман. Мен ушбу тавсияномам билан 5 та йўналишни танлай оламанми? Агар мумкин бўлса имтиёзим қандай қўлланилади?

✅ ЖАВОБ:
Ҳарбий қисм қўмондонлигининг тавсияномасига эга бўлган абитуриентлар ҳам 5 тагача бакалавриат таълим йўналишини танлаши мумкин.
Фақатгина ушбу тавсиянома бўйича имтиёз биринчи танланган таълим йўналишига нисбатан татбиқ этилади.
Агар талаба тест синови натижаларига кўра имтиёзи бўйича биринчи таълим йўналишига талабаликка тавсия этилмаганда, тўплаган бали билан танланган барча таълим йўналишларига умумий танловда иштирок этади.

❓15-САВОЛ:
Олий таълим муассасаларида тўлов-контракт бўйича таълим олган битирувчилар мажбурий ишга жойлаштирилиши мумкинми?

✅ ЖАВОБ:
Олий таълим муассасаларида ўз ҳисобидан тўлов-контракт бўйича таълим олган битирувчилар ўз ихтиёри билан тақсимот комиссиясида иштирок этиши ва унинг розилиги асосида комиссия қарори билан таклиф этилаётган иш жойларига ишга юборилиши мумкин.
Бунда, битирувчиларнинг тақсимоти олий таълим муассасаси ректори томонидан тасдиқланган олий таълим муассасасининг тақсимот комиссияси томонидан ўтказилади.

👀 Eduuzни кузатишда давом этинг!

👉 @eduuz

#Матбуот_анжумани

⚡️Республика спорт мусобақалари ғолиблари учун имтиёзлар нега бекор қилинганига изоҳ берилди

▪️АОКАда спорт мусобақалари ғолибларининг олий таълим муассасаларига ўқишга қабул қилиш билан боғлиқ масалалар юзасидан ўтказилган матбуот анжуманида Олий ва ўрта махсус таълими вазири ўринбосари Рахимжон Хакимов батафсил маълумот берди.

🎥 Батафсил вазирлик YouTube каналида кўринг 👇
———
👉@eduuz

#Абитуриентлар_диққатига

⚡️Битирувчилар учун Магистратура турдош йўналишлари рўйхати кенгайтирилди

🔰 Битирувчи ёшлар, уларнинг ота–оналари, кенг жамоатчилик ҳамда олий таълим муассасаларининг қўшимча таклифлари асосида қайта кўриб чиқилиб, республика давлат олий таълим муассасалари магистратурасига қабул бўйича турдош олий таълим йўналишларининг рўйхатига тегишли қўшимчалар ва ўзгартиришлар киритилди.

⚠️ 🩺 Тиббий соҳа бўйича турдош таълим йўналишлари рўйхати ихтисослик хусусиятларидан келиб чиққан ҳолда Соғлиқни сақлаш вазирлиги томонидан ишлаб чиқилганлигини қайд этамиз.
———
👀 Eduuzни кузатишда давом этинг!

👉 @eduuz