23 верасня ў філіяле “Казлоўшчынская гарпасялковая бібліятэка-цэнтр агульнадаступнай інфармацыі” адбылося першае пасяджэнне новага склада аматарскага аб’яднання “Сцяжынка”. Бiблiятэкар Антончык Людміла Міхайлаўна расказала пра гісторыю аб’яднання, экалагічную сітуацыю ў нашай краіне. Правялі конкурс малюнкаў “Край чудес і красоты”. Пры тайным галасаванні  перамогу атрымаў малюнак Мамаковай Соні. Затым рабяты паўдзельнічалі ў віктарыне “Родная прырода”, пазнаёміліся з падзелкамі выставы “У гасцях у “Сцяжынкі”.

З 20 па 30 верасня 2022 года стартавала рэспубліканская інфармацыйная акцыя “Наркотики. Ответственность. Последствияˮ, накіраваная на тлумачэнне непаўналетнім і іх бацькам наступстваў ўжывання і адказнасць за незаконны абарот наркатычных сродкаў, псіхатропных рэчываў і іх аналагаў. Дзятлаўская раённая бібліятэка ў межах акцыі ладзіла урок-рэкамендацыю “Как не попасть под чужое влияниеˮ з вучнямі 7 класа ДУА “Сярэдняя школа №3 г. Дзятлаваˮ. На мерапрыемстве прысутнічала валеолаг-метадыст ДУ “Дзятлаўскі раённы цэнтр гігіены і эпідэміялогііˮ Юрэня Наталля Іванаўна, якая распавяла дзецям інфармацыю па тэме “Фарміраванне здаровага ладу жыцця і прафілактыка шкодных звычакˮ. Загадчык Дзятлаўскай юрыдычнай кансультацыяй Перажок Эдзіта Аляксандраўна расказала  аб адказнасці за распаўсюджванне і ўжыванне наркатычных, псіхатропных рэчываў і іх аналагаў, адбыўся прагляд прэзентацыі на прававую тэматыку. Для замацавання атрыманай інфармацыі ладзілася гульня-віктарына “Жыццё без наркотыкаўˮ .

Свята БАГАЧ, прымеркаванае да заканчэння збору ўраджаю і першага запальвання хатняга агню, адзначылі ў філіяле “Дварэцкі Дом культуры” разам з аматарамі дзіцячага клуба народных традыцый “Крыніца”.  
Багач — свята традыцыйнае. Як правіла, адзначалі Багач у дзень восеньскага раўнадзенства 21 верасня.
Сама назва свята адсылае нас да багацця, дастатку і дабрабыту. У гэты дзень было прынята пячы вялікі каравай з зерня новага ўраджаю, а таксама запаўняць усёй вёскай лубок свежанамалочаным жытам. У яго ўстаўлялі свячу і ўрачыста абыходзілі з гэтым «багачом» усю вёску, пасля чаго пакідалі яго на год у аднаго з гаспадароў. Абрад быў скіраваны на захаванне дабрабыту, ураджайнасці, плоднасці жывёлы і сямейнага ладу.

Для  ўдзельнікаў аматарскага аб’яднання “Прыгажосць” і актыўных чытачоў работнікі Казлоўшчынскай бібліятэкі сумесна з работнікамі Дома культуры правялі  рэтра-вечарыну “Назад ў СССР”. Усе прысутныя акунуліся ў атмасферу СССР. Былі праведзены аўкцыёны “Крылатые фразы”, “Любімыя песні”, “Любімыя тэлеперадачы”, віктарына “Цэны”. Здзейснілі падарожжа ў краіну дзяцінства і вядома ж спявалі і танцавалі пад любімую музыку 80-х. Дзейнічала рэтра-выстава “Сделано в СССР”.