Паян тӑван яла, тӑван киле ҫитрӗмӗр.

Пӳртре хӑмла шӑрши - атте сӑра вӗретнӗ. Асанне ӑна тутлӑ сӑра вӗретмелли вӑрттӑнлӑхӗсене вӗрентсе хӑварнӑ.

Ыран Мӑнкун. Ирхине пирӗн ял ачисем ҫӑмарта пуҫтарма тухаҫҫӗ. Ҫав саманта эпир те ҫулталӑкӗпех кӗтеттӗмӗр. Йӑла-йӗрке пӗтмен. Ывӑлсем пусма сумка хатӗрлесе хунӑ.

Паянхи каҫ шашлык пӗҫеретпӗр, мунча пулса ҫитет.
Лайӑххипе!

Атте акана хатӗрленет

Ял-йыш ҫӑмартасене хӗретсе хатӗрленӗ хыҫҫӑн автан кӗллине кайма хатӗрленет. Автан кӗллине пирӗн каҫпах каяҫҫӗ.

Кукамай патне чи пӗрремӗш ҫитрӗмӗр)

Урамра ачасен йышӗ ӳссех пырать🥰

Мӑнкуна ҫӑмарта пуҫтарма тухни - тахҫанхи йӑлах. Эпир те тухнӑ, пирӗн атте-аннесем те, тата аслисем те. Ӗмӗртен ӗмӗре пыракан йӑла.

Шел, кашни ялта тухмаҫҫӗ халӗ. Йӑла-йӗркене пӗлменнисем хӑйсен ачисене "ыйткаласа ҫӳрекен пек ан ҫӳре", - тесе кӑлармаҫҫӗ.

Мӑнкунра ачасем ирех ял тӑрӑх ырӑ хыпар сараҫҫӗ. Уншӑн вӗсене хӗретнӗ ҫӑмарта, пӗремӗк, канихвет параҫҫӗ.

Ыйткаласа ҫӳрени мар, йӑла-йӗркене пӑхӑнса пурӑннине пӗлтерет ку.
Тен ман статьяна вуланӑ хыҫҫӑн чӑваш ялӗсенче тата ытларах ача тухма пуҫлӗ. Пирӗн ялта вара ку енчен проблема ҫук🥰

3 сехет ҫӳренӗ хыҫҫӑн киле килчӗҫ, халь суйлаҫҫӗ, шутлаҫҫӗ🥰

Хутаҫҫисене виҫсе пӑхрӑмӑр.
Егор - 8 кг яхӑн пуҫтарнӑ.
Богдан - 7 кг ытла.

- Кӑҫал 38 ача килнӗ, - тесе пӗлтерчӗ Катюша.

Егор кӑҫал 50 ҫӑмарта пуҫтарнӑ🚀

Егорпа Богдан пӗрле 100 ҫӑмарта пуҫтарнӑ🚀

Халлӗхе вӗсен рекорд)

Егор паттӑр!☺️

Хулана ҫитрӗмӗр. Егор асламӑшӗпе паттӑрлашать❤️

Чӑваш чӗлхи кунӗ ячӗпе!

Иван Яковлевич Яковлев палӑкӗ умӗнче пухӑнтӑмӑр.

Мӑнкун - 2022 ҫ.
Чӑваш ен, Елчӗк районӗ, Патреккел ялӗ.