12-мӗш ҫул туйсем ӳкеретӗп. Ытларах чӑваш туйӗсене ӳкерме юрататӑп. Кӑҫал та ҫуллахи вӑхӑта туйсемпе ирттерӗп. Видео ӳкерекен кирлӗ пулсан ман пата ҫырма пултаратӑр - @dobrohotov1.
Ҫуллахи туйсен графикне кӑларатӑп.

Сисӗнмесӗрех юлашки курса та ҫитрӗм. Практика тухма тӑван ялти шкула килтӗм. 2 эрне хушши ачасене тӑван чӗлхепе литература вӗрентӗп.

Салам туссем!
Паян манӑн сире тӗп ӗҫ ҫинчен каласа парас килет.

2013-мӗш ҫултанпа эпӗ видео ӳкерес ӗҫпе ӗҫлетӗп. Ҫак ӗҫпе ӗҫлеме пуҫланӑранпа кӑҫал 12 ҫул ҫитет ӗнтӗ.

Шкул вӑхӑтӗнчех ӳкерессипе кӑсӑкланма пуҫларӑм, каярахпа вара, чылай ҫул хобби шайӗнче ӳкерекенскер, ҫак ӗҫе специалист шайӗнче ӳкерме кӑмӑл ҫуралчӗ. Интернет урлӑ чылай вӗрентӗм, Мускава семинара та кайса килтӗм, ҫапла, ҫулран ҫул ӳкерсе ӗҫ пахалӑхне лайӑхлатса, ҫирӗплетсе пыма тӑрӑшрӑм.

Паянхи кун та вӗренме чарӑнмастӑп. Ку ӗҫре ҫӗнӗлӗхсене асӑрхаса вӗренсех тӑма тивет. Вӗренмесессӗн вара тӳрех кая тӑрса юлма пултаратӑн.

Туй, юбилей, ҫуралнӑ кун, венчете тӑни, ачана тӗне кӗртни тата ытти уявсене те ӳкеретӗп. Кил-йыш ҫинчен асӑнмалӑх фильмсем те ӳкеретӗп.

Манпа ҫыхӑнма ҫакӑнта ҫырса яма ыйтатӑп - @dobrohotov1
Сире видео ӳкерсе пама хавас пулӑп🎬