📸 ФОТАФАКТ. Дэлегацыя Пружанскага раёна прыбыла ў Палац Рэспублікі на гала-канцэрт Брэсцкай вобласці ў рамках фестывалю «Беларусь – мая песня»

📍 Узначальвае дэлегацыю старшыня Пружанскага раённага Савета дэпутатаў Мікалай Кудравец. У складзе дэлегацыі работнікі розных арганізацый, а таксама член Савета Рэспублікі Нацыянальнага сходу Рэспублікі Беларусь, дырэктар ААТ «Жураўлінае» Аляксандр Пішч.

💃🕺 Гала-канцэрт у сталічным Палацы Рэспублікі сёння збярэ каля 1,2 тыс. артыстаў. Сярод іх – народны ансамбль танца «Спадчына» Пружанскага гарадскога Палаца культуры.

🎉🎉 Брэсцкая вобласць прадэманструе багацце і шматграннасць сваёй культуры. На фестывалі прэзентуюць выставу «1 рэгіён – 85…», падрыхтаваную музеямі Брэстчыны. У сваю чаргу, гала-канцэрт атрымаў назву «Мы створаны гэтай зямлёй».

🎤 Сваім майстэрствам парадуюць сольныя артысты, а таксама больш за 50 калектываў вакальнага, інструментальнага, харэаграфічнага жанраў, цыркавыя студыі.

❤️🇧🇾❤️ Стадыён «Мухавец» у Пружанах стаў яшчэ больш прыгожым напярэдадні «Вытокаў»

⚽️ Непадалёк ад трыбун ужо ўстаноўлены вялікі футбольны мяч і спартыўная буца, зробленыя рукамі ліноўскага майстра Аляксандра Кійко. Нагадаем, што яму ж належыць аўтарства скульптуры чырвонага металічнага зубра, якая размяшчаецца каля ААТ «Пружанскі льнозавод».

🏟 Што да стадыёна, то тут сталі больш яркімі трыбуны. На сцяне, якая выходзіць на парк, з’явіліся тэматычныя і яркія малюнкі.

🙌 Несумненна, стадыён гатовы прымаць спартыўна-культурны фестываль «Вытокі» з 6 па 8 чэрвеня, а пасля, з 28 па 30 чэрвеня, яшчэ і маштабны рок-фестываль «Сонцастаянне»!

📸 ВІДЭА- і ФОТАФАКТ. Народны ансамбль танца «Спадчына» Пружанскага гарадскога Палаца культуры выступіў на гала-канцэрце #1рэгіёна ў рамках фестывалю «Беларусь – мая песня»

💃🕺 У Палацы Рэспублікі ансамбль пад кіраўніцтвам Валянціны Іскаліевай паўдзельнічаў у агульным нумары пад назвай «Галасы продкаў».

📍 Народны ансамбль танца «Спадчына» – сапраўдны брэнд Пружанскага раёна, пра які ведаюць як у #1рэгіёне, так і ва ўсёй краіне.