✌️Менскія школьнікі з народам!

Здымак даслалі чытачы.

❗️У рэдакцыю дабрачыннага праекту «ИМЕНА» прыйшлі людзі ў масках. Гэта пацвердзілі @euroradio супрацоўнікі выдання і работнікі з аднаго з офісаў у тым жа будынку.

Пакуль што незразумела, што гэта за сілавікі і якія ў іх мэты – у рэдакцыі няма супрацоўнікаў, якія маглі б гэта распавесці.

Крыніца: @euroradio

🇨🇿Кіраўнік МЗС Чэхіі павіншаваў Ціханоўскую з днём народзінаў

Чэшскі міністр замежных справаў Томаш Петрычак пажадаў Святлане Ціханоўскай і ўсім беларусам «вольных і справядлівых выбараў, вызвалення палітвязняў, належнага расследавання фальсіфікацыяў і гвалту супраць мірных пратэстоўцаў».

⚡️«Вясна» назвала імёны затрыманых, каля суду ў Менску:

Каля будынку абласнога суда затрымалі тых, хто прыйшоў падтрымаць стачкам «Беларуськалія» ў судзе. Сярод затрыманых Інга і Вераніка Ліндарэнкі, Дзмітрый Галубовіч, Андрэй Шымкоў, Ірына Свірэйка.

Таксама ў Менску затрыманы адзін з з лідараў страйкаму МТЗ Вадзім Пайвін. Яго павезлі ў Партызанскі РУУС.

Каля Гомельскага дзяржаўнага тэхнічнага ўніверсітэту імя Паўла Сухога затрымалі выкладчыка інфарматыкі Вадзіма Бельскага.

Крыніца: @viasna

Пасля перапынку працягнулася паседжанне. Чаркасаў зноў просіць перанесці суд, бо не мае юрыдычнай дапамогі. Суд адмовіў.

Крыніца: @belsat

Салігорскі шахцёр Юрый Корзун, які ўчора на знак пратэсту прыкаваў сябе ў шахце, сёння далучыўся да страйку. Пра гэта паведаміла ягоная жонка Кацярына.

Валанцёры: Беларусы адмаўляюцца ад дапамогі, бо яна патрэбная іншым

«Мы – высакародная і згуртаваная нацыя. Пры сустрэчах і раздачы дапамогі нашыя валанцёры сутыкнуліся з незвычайнай рэакцыяй. Пацярпелыя беларусы адмаўляюцца ад дапамогі. Нават тыя, якія пакалечаныя, нават тыя, каму далі вялікі штраф, нават сем’і, якія страцілі кармільца. І самае высакароднае, што адмаўляюцца са словамі: »Я стрываю, я моцны/моцная/ мы моцныя. Вашая дапамога камусьці патрэбная болей!« Гэта кажа пра тое, што мы з хутарскога народа, прасякнутага эгаізмам, індывідуалізмам і аднаасобніцтвам, пераўтварыліся ў сапраўдную нацыю – кансалідаваную сілу, якая ўсведамляе сваю еднасць, важнасць агульнай справы і веру ў Перамогу! Такая нацыя нязломная, мы пераможам усё! Гонар і годнасць! Жыве Беларусь!» – заявіў Сяргей Бульба, адзін са стваральнікаў фандрайзінгу «Шлях да перамогі».

На судзе «Беларуськалій» супраць стачкаму «Беларуськалія» прысутнічае мастачка, якая малюе наўпрост падчас паседжання.

Здымак: @belsat

Навошта сілавікі прыязджалі ў «ИМЕНА» – невядома

«У нас на офісе нікога няма. Зараз спрабуем высветліць, хто прыходзіў, для чаго – нічога пакуль не ведаем», – паведаміла заснавальніца праекту «ИМЕНА» Кацярына Сінюк.

Крыніца: @belsat

13 верасня, а 19:30 «Белсат» пакажа прэм’еру фільму «Чыстае мастацтва» – гэта сапраўды прарочы фільм пра падзеі ў Беларусі.

Калі рэжысёр Максім Швед здымаў, то ён і падумаць не мог, што галоўны герой – мастак Захар Кудзін – неўзабаве скончыць жыццё самагубствам. І гэта не адзінае прароцтва, якое можна ўбачыць у стужцы.

https://telegra.ph/Prehmera-na-Belsace-CHystae-mastactva--prarochy-f%D1%96lm-pra-padze%D1%96-%D1%9E-Belarus%D1%96-09-10

На РУП «Белэнергасеткапраект» пачаўся ціск на супрацоўнікаў, але калегі іх адстаялі

Кіраўніцтва прадпрыемства «Белэнергасеткапраект» на гэтым тыдні пачало праз пратэсты выклікаць работнікаў і прапаноўваць напісаць заявы на звальненне, пагражаючы інакш звольніць «паводле артыкулу».

У адказ 90 працаўнікоў прадпрыемства напісалі ліст да кіраўніцтва РУП і да кіраўніцтва канцэрна аб тым, што ў выпадку іх звальнення, яны гатовыя самі звольніцца. Адпаведны ліст ад імя прафсаюзнай ячэйкі быў дасланы на імя прафсаюзнага кіраўніцтва галіны.

У выніку кіраўніцтва прадпрыемства паведаміла, што ўсе, хто быў вымушаны напісаць заявы на звальненне, могуць адклікаць іх. Пры гэтым кіраўніцтва пакідае за сабой права наказаць за парушэнне дысцыпліны тых, хто хадзіў на акцыі ў працоўны час 17-18 жніўня.

Крыніца: @belsat

🇻🇦Прадстаўнік Ватыкану ляціць у Беларусь

Рабочы візіт у Беларусь сакратара па адносінах з дзяржавамі Дзяржаўнага сакратарыята Святога Прастола, арцыбіскупа Пола Рычарда Галахера адбудзецца 11-14 верасня, піша БелТА.

Сёння ў яго запланавана сустрэча з міністрам замежных справаў Беларусі Уладзімірам Макеем.

Нагадаем, што кіраўніку Каталіцкага касцёлу ў Беларусі Тадэвушу Кандрусевічу забаронены ўезд у краіну.

❗️Лукашэнка сустрэнецца з Пуціным у Маскве 14 верасня, пацвердзіў Крэмль. Падпісання дакументаў і прэс-канферэнцыі не будзе.

Крыніца: @rian_ru

Пракурор лічыць цалкам незаконнай забастоўку на «Беларуськаліі»:

Пракурор:
«Перад забастоўкай павінна быць прымірэнне, у адпаведнасці з арт. 379 Працоўнага кодэксу. Павінна быць сабрана прымірыцельная камісія. І толькі пасля прымірэння, не пазней за 3 месяцы, дазволеная забастоўка.
Акрамя таго, парушаны закон аб апавяшчэнні наймальніка. Пра забастоўку павінны былі паведаміць за 2 тыдні. А «Беларуськалій» атрымаў апавяшчэнне 18 жніўня, а страйк адбыўся 17 жніўня. У «Беларуськалія» ёсць 2 прафсаюзныя арганізацыі, якія маглі б прадстаўляць страйкоўцаў. Але ні адна з іх не атрымала апавяшчэнняў пра страйк».
Адвакат: «Якой прававой нормай вы кіруецеся, калі ставіце адказчыкам менавіта стачачны камітэт?»
Пракурор: «Толькі пра стачачны камітэт вядома, усе дакументы толькі ад стачачнага камітэту, іншых звестак няма».
Адвакат: «Вы лічыце забастоўку незаконнай цалкам ці ў нейкай асобнай частцы?»
Пракурор: «Цалкам».

Крыніца: @belsat