🔻Сябры, падзяліцеся з намі інфармацыяй пра каронавірус у Беларусі

📌 Калі вы маеце фота/відэа рэальнага становішча справаў у паліклініках ды шпіталях - дасылайце ананімна нам у бот @belsatbot

Новая хваля каронавірусу выкошвае беларусаў, пра гэта неабходна ведаць кожнаму!

З падарункавай кніжкі школьнікам ад Лукашэнкі прыбралі «нячэсных спартоўцаў»

Штогод 1 верасня беларускія першакласнікі атрымліваюць кнігу «Беларусь – наша Радзіма». Сёлета кнігу дзецям раздалі толькі ў кастрычніку. Там ёсць старонка, прысвечаная спартоўцам. Калі параўнаць выданні 2018 і 2021 гадоў, у кнізе засталіся толькі тэнісістка Арына Сабаленка і біятланістка Дар'я Домрачава.

А прыбралі, напрыклад, фрыстайлістку Ганну Гуськову, якая ўзяла золата на зімовай Алімпіядзе-2018, а ў 2020-м падтрымала беларускі народ і стала ворагам уладаў. Як і алімпійская чэмпіёнка ў біятлоне Надзея Скардзіна. Таксама прыбралі з кнігі Ванэсу Каладзінскую, адзіную з топавых прадстаўніц вольнай барацьбы, хто не падпісала праўладны ліст, але паехала на Алімпіяду ў Токіа і ўзяла там бронзу.

Затое ў кнізе з'явіліся падпісанты праўладнага ліста і прыхільнікі Лукашэнкі: Максім Недасекаў, Вольга Худзенка, Марына Літвінчук, Арына Сабаленка, Дар'я Домрачава, Уладзіслаў Ганчароў.

Крыніца: @belsat

«Беларускія памежнікі дапамагаюць мігрантам незаконна перасякаць мяжу. Замежнікаў прывозяць у памяшканне былога беларускага памежнага паста, дзе яны чакаюць далейшых указанняў», – піша памежная служба Польшчы ў сваім Твітары і дадае відэа знятае з дрона.

Як то кажуць, «факты на стол» 👆

Крыніца: Straż Graniczna

🇬🇪 Колькасць загінулых у выніку ўчорашняга абвалу жылога будынка ў грузінскім Батумі дасягнула 8 чалавек

Адзін мужчына, якога ратаўнікі дасталі з-пад завалаў, знаходзіцца ў цяжкім стане ў шпіталі. Ратавальная аперацыя працягваецца, імаверна, пад заваламі знаходзіцца яшчэ як мінімум адзін чалавек.

Крыніца: Грузия Online
Відэа: @belsat

☝️ Музыкам з гурта Irdorath працягнулі тэрміны ўтрымання пад вартай

Для Уладзіміра і Надзеі Калач тэрмін працягнутыя на месяц, а для Пятра Марчанкі, Юліі Марчанкі і Антона Шніпа – на тры месяцы.

Музыкаў абвінавачваюць у «арганізацыі дзеянняў, якія груба парушаюць грамадскі парадак». У жніўні яны ладзілі вулічныя выступы з музычнымі інструментамі проста падчас пратэстных шэсцяў.

Крыніца: @viasna96

Марзалюк прапанаваў уносіць у спіс экстрэмістаў настаўнікаў і выкладчыкаў, якія «скажаюць праўду пра вайну»

«Если профессор либо любой другой преподаватель истории в вузе или среднем специальном учреждении позволяет себе пичкать на уроке либо на лекции лживым суррогатным материалом студентов или учеников, он должен получать запрет на профессию и вноситься в список людей, склонных к экстремистским действиям», – сказаў ён.

Пры гэтым Марзалюк спаслаўся на краіны Еўразвязу (напрыклад, Нямеччыну ці Польшчу), дзе, маўляў, гісторыя выкладаецца паводле дакладна вызначаных алгарытмаў. Тое ж самае, паводле Марзалюка, існуе ў ЗША.

Крыніца: БелТА

▪️ Сяргей Гацкевіч – 11-класнік з Берасця, якога асудзілі за пратэсты на тры гады папраўчай калоніі

10 жніўня 2020 года хлопец ехаў на на чыгуначны вакзал, каб купіць квіток у Менск на здымкі, звязаныя з Максам Каржом і «трапіў у тую заваруху».

Сваякі распавялі нам пра Сяргея: кім ён хацеў стаць і кім, меркавана, будзе пасля таго, як выйдзе 👇

https://wolbel.eu/news/09-10-2021-yamu-davyalosya-velmi-hutka-pastalets-u-kalonii-babrujska-za-pratesty-syadzits-shkolnik-z-berastsya/

🔹Асноўны сайт belsat.eu чытайце праз VPN
🔹Навіны Белсату таксама дасяжныя ў прыкладанні BelsatNews на Android і IOS.
🔹Эфір, праграмы, фільмы можна глядзець праз прыкладанне BelsatSmart Android i IOS
☝️Заблакаваць прыкладанні немагчыма!

☝️У Берасці сёння затрымалі Антона Пушко

24-гадовага хлопца выклікалі ў апорны пункт міліцыі, адкуль ён ужо не вярнуўся.

«Затрыманы за тату на шыі, якое нібыта абражае міліцыю. Набіў яго яшчэ ў маладосці, а цяпер выводзіць. Быццам бы абвінавацілі ў экстрэмізме, але пакуль больш нічога не вядома, ніякай інфармацыі не даюць», – паведаміла «Белсату» знаёмая Антона.

У жніўні мінулага году Пушко ўжо затрымлівалі. Тады ён быў збіты.

Крыніца: @belsat

🇱🇧💡У Ліване цалкам знікла электрычнасць. Татальны блэкаут можа працягнуцца да панядзелка

Справа ў тым, што праз недахоп паліва спынілі сваю працу дзве найвялікшыя электрастанцыі ў краіне.

Улады ў найбліжэйшы час плануюць выкарыстоўваць для электрастанцый паліва, вынятае ў вайсковых частках, але калі яно з'явіцца, пакуль невядома. Найбольш аптымістычная дата аднаўлення электразабеспячэння краіны – панядзелак.

Крыніца: Reuters

❄️ Белгідрамет папярэджвае пра начныя замаразкі на большай частцы тэрыторыі Беларусі

У ноч на нядзелю тэмпература ў асобных рэгіёнах можа апускацца ажно да -6 градусаў. У Менску дойдзе да -2 градусаў.

Крыніца: belgidromet.by

🤔 Праўладныя Telegram-каналы паведамляюць, што Лукашэнка паехаў «правяраць даклады міністраў у полі»

Мы пафантазіравалі, а што б было, калі б зарплату міністрам таксама выдавалі з палёў 😄👆

🔻Затрыманы сёння ў Берасці Антон Пушко змешчаны ў ІЧУ, на яго склалі адміністратыўны пратакол.

Крыніца: @belsat

Аляксандр Апейкін: «Cамая вялікая праблема – спортам кіруюць непрафесіяналы»

Беларускі футбол праваліўся ва ўсіх напрамках: усе айчынныя клубы вылецелі з еўракубкаў на ранніх стадыях яшчэ летам. Моладзевая зборная, якая раней была гонарам краіны, гуляла ў фінальных турнірах чэмпіянату Еўропы, брала там медалі і нават прабівалася на Алімпійскія гульні, пачала адбор на чэмпіянат свету з трох паразаў. А нацыянальная зборная Беларусі ўчора саступіла зборнай Эстоніі і апусцілася на апошняя месца ў сваёй адборачнай групе.

Што ж не так з беларускім футболам? Мы запыталі ў выканаўчага дырэктара Беларускага фонду спартовай салідарнасці Аляксандра Апейкіна ⬇️

https://wolbel.eu/news/09-10-2021-alyaksandr-apejkin-samaya-vyalikaya-prablema-sportam-kiruyuts-neprafesiyanaly/

🔹Асноўны сайт belsat.eu чытайце праз VPN
🔹Навіны Белсату таксама дасяжныя ў прыкладанні BelsatNews на Android і IOS.
🔹Эфір, праграмы, фільмы можна глядзець праз прыкладанне BelsatSmart Android i IOS
☝️Заблакаваць прыкладанні немагчыма!

🇵🇱 Польская памежная служба зноў заяўляе пра стрэлы з боку беларускай мяжы

У Twitter-акаўнце ведамства зазначана, што мінулай ноччу стрэлы чулі патрулі памежнікаў і вайскоўцаў. Да сваёй публікацыі памежнікі дадалі здымак невядомага са зброяй.

Нагадаем: учора з'явілася інфармацыя, што ў бок польскіх вайскоўцаў з боку Беларусі стралялі халастымі патронамі. Ніхто не пацярпеў.

Крыніца: Twitter (Straż Graniczna)

🔥Невядомы актывіст скокнуў з парашутам і бел-чырвона-белым сцягам з хмарачоса вышынёй 220 метраў у цэнтры Вены

«Я здзейсніў гэты скок у знак пратэсту супраць беззаконня і тыраніі ў Беларусі, еўрапейскай краіне, дзе грамадзяне падвергліся рэпрэсіям з боку ўласнага ўрада», – кажа сам актывіст пра свой учынак.

Крыніца: чытачы @belsat

🔻Кіраўнік BYSOL Андрэй Стрыжак: «Удаву Андрэя Зельцара катуюць холадам у турме»

Стрыжак на сваёй старонцы ў Facebook паведаміў, што ў Марыі Успенскай (так завуць жанчыну) забралі верхняе адзенне, у камеры на Акрэсціна, дзе яна знаходзілася, адключылі ацяпленне. Рэчы, якія ёй перадалі сваякі, да Марыі не дайшлі.

Цяпер удаву Зельцара перавялі ў СІЗА на Валадарскага. Там перадачу для яе не прынялі.

Крыніца: Facebook (Андрэй Стрыжак)