❗️Ператрусы сёння прайшлі таксама ў кватэрах пінскага журналіста Андрэя Якімуша і ягонай маці.

БАЖ паведамляе, што Андрэй не ў Беларусі

Крыніца: @bajby

Тэлеграм-канал Антона Матолькі: у офісе «Радыё Свабода» выламалі дзверы. Сілавікі вырвалі камеры відэаназірання на паверсе і выламалі 3 дзверы ў офісе выдання. Пачалі канфіскоўваць тэхніку.

⚡️ Затрымалі журналіста Алега Грузьдзіловіча

Крыніца: @radiosvaboda

Да маці Сяргея Усцінава, праваабаронцы і сябра праўлення «Правовой инициативы», прыйшлі з ператрусам.

Сяргей у дадзены момант знаходзіцца не ў краіне

Крыніца: Sergey Ustinov (Twitter)

Вобшук таксама прайшоў ў журналісткі Міланы Харытонавай

Паведамляюць, што сілавікі выламалі дзверы, забралі стары ноўт, камеру, некалькі старых тэлефонаў і банкаўскі карты.

Крыніца: @belsat

‼️ Ператрус таксама ў журналісткі Любові Лунёвай

Крыніца: @belsat

Тэлеграм-канал Антона Матолькі паведамляе, што ў офісе «Радыё Свабода» скончаны ператрус. Сілавікі апячаталі дзверы, вырвалі правады сігналізацыі і вынеслі тэхніку.

‼️ У «справе студэнтаў» прысуды – 2,5 года калоніі агульнага рэжыму

Два гады роўна атрымаў Глеб Фіцнер, які адзіны прызнаў віну. Два з паловай гады прысудзілі Ксеніі Сырамалот, Ягору Канецкаму, Іллю Трахтэнбергу, Таццяне Якельчык, Касі Будзько, Яне Арабейцы, Вікторыі Гранкоўскай, Анастасіі Булыбенцы, Марыі Каленік, выпускніцы БДМУ Алане Гебрэмарыям і выкладчыцы БДУІР Вользе Філатчанкавай. Столькі і прасіў пракурор.

❕Што важна ведаць пра фігурантаў і працэс
❕Што падсудныя казалі ў апошнім слове
❕Што казалі адвакаты

‼️ Ігар Ільяш цяпер у Следчым камітэце

Сілавікі груба абыходзяцца з журналістам, спрабавалі прынізіць, мацюкаюцца.

Крыніца: @belsat

👮🏻 На абвяшчэнне прысуду ў «справе студэнтаў» не пусцілі амбасадараў

Амаль нікога са слухачоў не пусцілі на абвяшчэнне прысуду – толькі блізкіх сваякоў. Спасылаліся на недахоп месцаў. Таксама на абвяшчэнне прысуду прыехалі паслы Чэхіі, Швецыі, ЗША і Вялікай Брытаніі, але іх не пусцілі. У калідоры суда была чарга больш за 50 чалавек.

Звонку суда стаяць тры мікрааўтобусы з АМАПам, тэрыторыю вакол будынку суда патрулюе міліцыя.

Крыніца: @belsat

‼️ Яшчэ ператрусы ў «Прававой ініцыятывы»

Правялі ператрус у сябра праўлення Яўгена Пугача, канфіскавалі тэхніку, не затрымлівалі. Праводзяць ператрус на лецішчы ў праваабаронцы Галіны Усцінавай, забралі тэхніку і дакументы.

Крыніца: @legal_initiative

✂️ Ніна Багінская пастрыглася амаль пад нуль

Вядомую актывістку звычайна стрыжэ ўнук. Але гэтым разам яна пайшла ў менскую цырульню. Яе адгаворвалі, спачатку пастрыглі нажніцамі, але яна настаяла: «Пад насадку №2».

Крыніца: «Фабрика Грёз» / Facebook

😳 КДБ затрымала і адпусціла актывістку Алену Наўмовіч

Яе забралі з працы ў Светлагорску, павезлі дамоў на ператрус. Шукалі выбухоўку, зброю і экстрэмісцкія матэрыялы, але нічога не знайшлі – і адпусцілі.

Крыніца: @viasna96

❕ Валанцёра Іллю Міронава выпусцілі пад падпіску пасля 8 дзён у ізалятары

Ілля вядомы тым, што напісаў палітвязням больш як дзве тысячы лістоў палітвязням.

Яго затрымалі 8 ліпеня, змясцілі ў Гомельскі ІЧУ. Не давалі бялізны і матраца, не ўзялі ад маці ваду.

Цяпер ён вызвалены пад падпіску аб нявыездзе, адвакатка дала падпіску аб неразгалошванні.

Крыніца: «Радыё Свабода»

⚡️Стрым! У Беларусі – рэпрэсіі супраць журналістаў і праваабаронцаў.

Глядзіце наш экстранны эфір у сувязі з жорсткім ціскам на незалежныя медыі: https://www.youtube.com/watch?v=Xng7SZH_MaU

‼️ Затрымалі журналіста з Івацэвічаў Сяргея Скулаўца

Ранкам да яго дамоў прыехаў мікрааўтобус – і Сяргея забралі імаверна супрацоўнікі міліцыі. Апошнія 5 гадзінаў сувязі з ім няма.

Крыніца: @belsat

❕Трагічная сітуацыя ў Нямеччыне. У выніку паводак загінула як мінімум 81 асоба. У Бельгіі - 12. Няма сувязі з 1300 асобамі ў раёне Арвайлер.

Паводка надышла хутчэй, чым службы паспелі адрэагаваць і запэўніць людзям бяспеку.

Прагназуюць, што матэрыяльныя страты складуць мільярды еўра.

Крыніца: PAP
📹 XR Youth Cambridge

🇺🇳 Вярхоўная камісарка ААН па правах чалавека асудзіла новыя рэпрэсіі ў Беларусі

Мішэль Бачэлет згадала, што Аляксандр Лукашэнка 13 ліпеня сустракаўся з Уладзімірам Пуціным, а ўжо 14-га беларускія спецслужбы пачалі налёт на праваабарончыя і апазіцыйныя арганізацыі.

Яна назвала гэткія рэпрэсіі абсалютна непрымальнымі, выказала глыбокую занепакоенасць і дадала: гэтыя падзеі яшчэ раз падкрэсліваюць ігнараванне беларускімі ўладамі сваіх абавязкаў у міжнародным праве.

Усе затрыманыя павінны быць вызваленыя, заявіла Бачэлет. Яна заклікала ўрад спыніць палітыку застрашвання і пераследу грамадзянскай супольнасці і СМІ.

Крыніца: La Presse

❗️У старшыні «Правовой инициативы» Вікторыі Фёдаравай прайшоў ператрус па месцы рэгістрацыі. Сілавікі прыйшлі ў сувязі з крымінальнай справай аб нібыта «масавых беспарадках».

Вікторыя за межамі Беларусі з сакавіка 2021.

Крыніца: @legal_initiative