СКУБЦІ (skubci)
(дзеяслоў, незакончанае трываньне)

1. Цягнуць рыўкамі; цягнучы, браць патроху.

🔸Каля самага прыгуменьня [Курловіч] пачуў, як нехта шастае саломаю, скубучы яе са стажка. (Дуброўскі)

2. Расскубваць што-н. пальцамі, разрываць на дробныя часткі.

🔸Пакрысе .. [маці] скуплівала воўну, прамывала і скубла. (Бядуля)

3. Вырываць, адрываць (пра траву і пад.).

🔸Поле травіцаю соннай адзелася,
Вышла скацінка і дружна скубе. (Купала)

4. Перабіраць пальцамі, патузваць.

🔸Хвалююся. Гімнасьцёрку скубу, абцягваю, пілотку папраўляю. (Ракітны)

5. Тузаць, трэсьці.

🔸— Дай мне слова! — скубе за рукаў старшыню Гарбач. (Мурашка)

6. Зашчэмліваючы пальцамі скуру, прычыняць боль.

🔸— Анэлька, баліць, дурная ты! — азвалася ціха Яніна. — Баліць... Я ж і хачу, каб балела... — праказвала яна, скубучы тую, дзе пападзе. (Мурашка)

7. Пераноснае значэньне: непакоіць, дакучаць; патрабаваць штосьці.

🔸Тут табе і яблычак сьвежы, і мядок пахучы, не якая-небудзь ферма, дзе цябе кожны скубе, а павагі ніякай. (Ермаловіч)

8. Крыўдзіць.

🔸— [Іру] ўсе тузаюць і скубуць у клясе. (Гарбук)

#беларусь #беларуский #belarus #беларускийязык #минск

Мы ні ў якім разе не схіляем вас да ўжываньня алькаголю а 12й дня. 🍷

ТРУ́НАК (trunak)
(назоўнік, мужчынскі род)

Абласное слова: алькагольны напой.

🔸Прыемна ў дом зайсьці з дарогі,
Дзе рады вам гаспадары,
Дзе вас частуюць, што ёсьць змогі,
Дзе трунак знойдзецца стары.
Такі, што чарачка-другая
Вам разагрэе ў сэрцы кроў. (Колас).

#беларусь #беларуский #belarus #беларускийязык #минск

ГÁЛІЦЦА (halicca)
(дзеяслоў, незакончанае трываньне)

Квапіцца на што-н., імкнуцца завалодаць чым-н.

🔸Галіцца на чужое дабро.

#беларусь #беларуский #belarus #беларускийязык #минск

З Сьвятам 8 сакавіка вас, нашыя даражэнькія паненкі! 🌸

УСЬЦÉШЫЦЬ (uściešyć)
(дзеяслоў, закончанае трываньне)

1. Выклікаць у кагосьці пачуцьцё задаволенасьці, радасьці.

🔸Як нямнога трэба, каб усьцешыць жанчыну. Пару зьбітых, банальных фраз і трошкі цеплыні ў голасе. (Навуменка)

2. Супакоіць.

🔸Чыгуначнік доўга стаяў у роздуме, а потым сказаў няўпэўнена, мо толькі для таго, каб усьцешыць няшчасную жанчыну, каб зараніць у яе душу хоць маленькую надзею. (Сабаленка)

#беларусь #беларуский #belarus #беларускийязык #минск

Кахайце і будзьце каханымі 💞

А як сказаць па-беларуску "С милым рай и в шалаше"?

❤️ Хоць у будане жыць, абы з каханым быць
❤️ Хоць пад лаўкаю сядзець, абы на харошага глядзець
❤️ Хоць без хлеба пасяджу, але ж на любага пагляджу
❤️ Хоць у адной лёлі (сарочцы), абы па любові

#беларусь #беларуский #belarus #беларускийязык #минск

КÓЎЗАЦЦА (koŭzacca)
(дзеяслоў, незакончанае трываньне)

1. Ссоўвацца са свайго месца, не ўтрымліваючыся на гладкай, сьлізкай паверхні; сьлізгацца.

🔸Чалавек шырока махае рукамі, коўзаецца ботамі па сьлізкай дарозе і паціху ідзе, пазіраючы сабе пад ногі. (Галавач).

2. Сьлізгаць, сьлізгацець

🔸Ногі грузнуць па самыя шчыкалаткі і коўзаюцца назад. (Дуброўскі).

3. Катацца па сьлізкай паверхні.

🔸Хлапчукамі большую частку нашага вольнага часу мы праводзілі на гэтай рацэ — зімою коўзаліся на каньках. (Глебка).

❗️КÓЎЗАНКА — рас. "каток".

#беларусь #беларуский #belarus #беларускийязык #минск

🇧🇾🇧🇾 Словарь белорусского :: Празднования и вечеринки 🇧🇾🇧🇾

День рождения - Дзень Нараджэння
Годовщина - Гадавіна
Праздник - Свята
Похороны - Пахаванне
Выпускной - Выпускны

Свадьба - Вяселле
С новым годом - З Новым годам
С днем рождения! - З днём нараджэння
Поздравляю! - Віншую
Удачи! - Удачы

Подарок - Падарунак
Вечеринка - Вечарынка
Открытка - Віншавальная паштоўка
Празднование - Святкаванне
Музыка - Музыка

Хотите потанцевать? - Ці хацелі б Вы танцаваць?
Да, я хочу танцевать - Так, я хачу танцаваць
Я не хочу танцевать - Я не хачу танцаваць
Ты выйдешь за меня? - Ты выйдзеш за мяне?

#беларусь #беларуский #belarus #беларускийязык #минск

ВÉРШНІК/ВÉРХНІК (vieršnik/vierchnik)
(назоўнік, мужчынскі род)

Той, хто едзе вярхом на кані; верхавы.

🔸Зазьвінелі балабончыкамі хамуты. Сядалі вершнікі, гаркалі сабакі. (Гарэцкі)

#беларусь #беларуский #belarus #беларускийязык #минск

ПАЛЯВÁЦЬ (palavać)
(дзеяслоў, незакончанае трываньне)

1. На каго, каго і без дапаўненьня Займацца паляваньнем.

 🔸— Той, хто хоча паляваць на вялікую зьверыну, павінен мець і вялікую цярплівасьць... (Пасьлядовіч)

2. За кім, на каго. Высочваючы, імкнуцца напасьці на чый-н. сьлед, злавіць каго-н.

🔸— Не, — адказаў Былінскі — Вы для гэтае справы не падыходзіце. За вамі гестапа даўно палюе. (Гурскі)

3. Пераноснае значэньне; на што. Размоўнае слова: імкнуцца здабыць, атрымаць, украсьці што-н.

🔸Асабліва ўдала Лукаш умеў паляваць на каўбасы або сыры. (Лобан)

#беларусь #беларуский #belarus #беларускийязык #минск

ЧУЛЬЛÍВЫ (čullivy)
(прыметнік, мужчынскі род)

1. Здольны ўспрымаць зьнешнія, фізычныя раздражненьні. 

🔸У гэтых дваццаці яблынь мы наўмысна затрымліваем цьвіценьне, яны вельмі чульлівыя да замаразкаў. (Стаховіч)

2. Кранальны, сардэчны, здольны выклікаць замілаваньне, добрае пачуцьцё.

3. Здольны тонка адчуваць, востра рэагаваць.

🔸Ад чульлівага дзіцячага сэрца не схаваеш фальшы. (Краўчанка)

#беларусь #беларуский #belarus #беларускийязык #минск