#афішыбсср
Афіша фільма "В огне рожденная" вытворчасці Белдзяржкіно, 1929 год.

#афішыбсср
У музеі кіно ў Мінску адчынілася выстава кінаафіш 1920-х 1930-х гадоў да фільмаў вырабленых кінастудыяй “Белдзяржкіно”:
https://youtu.be/aHL8itp8a9I

#афішыбсср
“Кастусь Каліноўскі” (1928)
Стужка Уладзіміра Гардзіна “Кастусь Каліноўскі”, прэм’ера якой адбылася ў 1928 годе, прывабная найперш менавіта тым, што яна — артэфакт свайго часу. Вялікі гістарычны размах патрабаваў вялікую масоўку, і мы бачым на экране звычайных людзей і іх натуральныя паводзіны ды эмоцыі. Натура адметная тым, што частку сцэн здымалі ў яшчэ не перабудаваным і не зруйнаваным міжваенным Менску. Лозунгі, якія транслююць інтэртытры, цытуюць “Мужыцкую праўду” — але ў спалучэнні з адпаведнымі эпосе марксістска-ленінскімі асветніцкімі каментарыямі. Галоўны герой вельмі тэатральна патрасае шабляй, ведучы за сабою сялян, аднак, у той самы час, па-сапраўднаму б’ецца той жа зброяй са Станіславам Велькапольскім — у рэжысёра атрымалася сапраўдная экшн-сцэна.
Гістарычнае кіно ўскосна раскрывае нам непрыхаваную гісторыю свайго часу. І хоць гэтая стужка не стала, як планавалася, першым фільмам “Белдзяржкіно”, яна адна з першых вяртала ўласную гісторыю беларускаму гледачу.
Тэкст: Л.Мядзведева.

#афішыбсср
“Лясная быль” (1926)
Адразу па сваім з’яўленні беларускі кінематограф звярнуўся да батальна-гераічнага жанру, які бліскуча ўвасобіў у “Лясной былі” палачанін Юрый Тарыч. Набіўшы руку на здымках у Ленінградзе, мастак вярнуўся на Радзіму, каб у 1926 годзе экранізаваць прыгодніцкую аповесць Міхася Чарота “Свінапас”. Галоўнымі героямі першай беларускай стужкі сталі вяскоўцы Грышка і Гэлька, якія драматычна змагаліся з акупантамі-белапалякамі, дапамагаючы савецкім падпольшчыкам.
Рамантызацыя ў фільме партызанскага руху фактычна сфарміравала той напрамак ваенна-патрыятычнага кіно, які цяпер часам іранічна называюць “парты-занфільмам”. Больш за тое, нямы эпас “Лясной былі” для сучасных беларусаў стаў тым жа, чым быў для амерыканцаў фільм “Нараджэнне нацыі” (1915) Дэвіда Грыфіта, — кутнім камянём нацыянальнага кіно.
Тэкст: @holybelawood

#афішыбсср
10 сакавіка 1939 года прэм’ерай оперы “Міхась Падгорны” адчыніўся Беларускі дзяржаўны тэатр оперы і балета. Сёння тэатр святкуе 80-гадовы юбілей.

#афішыбсср
Афіша беларускага балета “Салавей” якая паказвалася на сцэне Вялікага дзяржаўнага тэатра оперы і балета БССР ў Менску ў маі 1939 года.

#афішыбсср
Афіша даклада прафесара Кірушына, Менск, 1933 год (фота І.Владыка).

#афішыбсср
Афіша перашага фільма на ідыш "Вяртанне Нэйтана Беккера", знятага на кінастудыі "Белдзяржкіно", 1932 год.

#афішыбсср
Беларускамоўная кінаафіша фільма "Кастусь Каліноўскі", знятага на Белдзяржкіно, 1927 год.

#афішыбсср
Рускамоўная кінаафіша фільма "Кастусь Каліноўскі", знятага на Белдзяржкіно, 1927 год.