#рэчыбсср
Эскізы абгортак для цукерак, якія планаваліся да вытворчасці на менскай кандытарскай фабрыцы "Камунарка", 1930-я гады.
Крыніца: Электронекрасовка.

Была ў даваенным Менску, у 1930 годзе, вялізная сельскагаспадарчая выстава з дзясяткамі павільёнаў, доследнымі палямі, вальерамі жывёлаў.
З часу выставы да сёння амаль нічога не збераглося. Але усё ж ёсць адзін незвычайны і цікавы будынак.
Будынак павільёна "Мэханізацыі і электрыфікацыі сельскай гаспадаркі". Перад Вамі даваенная выява і тое, як будынак выглядае цяпер. Сучасны адрас: Кнорына, 1а.
Адметна, што і цяпер у будынку знаходзіцца эксперыментальны завод па механізацыі сельскай гаспадаркі.
Прыгадваюць, што ў даваенны час будынак уночы свяціўся, як навагодняя елка, што нават у цэнтры горада было бачна.
Вялікі рубільнік на першай выяве бачыце?

Вось такія незвычайныя помнікі беларускай сталіцы.

#іскрыільліча
Першавераснёўскія вокладкі піянерскага часопіса "Іскры Ільіча" за 1937-1940 гады.

#дакументы
Удостоверение члена Центрального исполнительного комитета БССР Х созыва. 1931 г.
Прислал подписчик.

#кнігібсср
Вокладка і першыя старонкі перакладу на беларускую мову верша А.Барто "Брацікі", Менск, 1935 год (фота М.Нікалаеў).

#архітэктурабсср
Нядаўна заўважыў, што дом калектыву, пабудаваны ў Бабруйску напачатку 1930-х (ілюстрацыі 1,3,5) нагадвае, асабліва ў плане, дом-камуну на Шабалаўцы у Маскве 1926-1927 гадоў пабудовы (ілюстрацыі 2,4,6).
Бабруйскі праект шырэйшы, але паверхаў менш і візуальна ён больш сціплы чым маскоўскі аналаг.
Тут цікава адно, аўтар пабудаванага храналагічна пазней бабруйскага дома (у даведніках пазначаны інжынер Кацнэльсон) проста ўзяў за ўзор модныя маскоўскія тэндэнцыі ў архітэктуры, ці можа аўтарства бабруйскага будынка вызначана памылкова, а насамрэч яго праектавалі заезджыя маскоўскія архітэктары (як бывала з многімі даваеннымі праектамі ў БССР).