101 год таму 31 ліпеня 1920 года ў Менску была другі раз абвешчана Савецкая Сацыялістычная Рэспубліка Беларусь.
У дэкларацыі аб незалежнасці ССРБ ёсць некалькі цікавостак.
Па-першае, гэта канстантаванне шматпартыйнаці рэспублікі, бо дэкларацыю падпісалі не толькі кампартыя Літвы і Беларусі, але і Беларуская камуністычная арганізацыя на чале з Ігнатоўскім, а таксама яўрэйскі рабочы саюз "Бунд".
Па-другое, у тэксце дэкларацыі ўзгадваецца роўнасць 4 моў - беларускай, рускай, польскай і яўрэйскай (ідыш) - што будзе у наступным закрэплена ў канстытуцыі БССР 1927 года і скасавана ў новай рэдакцыі канстытуцыі 1938 года.

#фалерыстыка
В декабре 1940 г. в честь 100-летия Белорусского ордена Трудового Красного Знамени сельскохозяйственного института был учрежден нагрудный знак "100 лет БСХИ".
https://kalekcyja.by/viewtopic.php?f=84&t=260

#фотабсср
Насельнікі беларускага сяла Суражоўка ў Прыморскім краі РСФСР (згодна з перапісам 1926 года, большасць жыхароў сяла запісалася беларусамі), 1930 год.
Савецкая нацыянальная палітыка канца 1920-х, пачатку 1930-х практыкавала вылучэнне ў складзе рэспублік асобных нацыянальных паселішчаў і цэлых раёнаў з кампактым пражываннем прадстаўнікоў нацыянальнай меншасці (прыкладам, польскі нацыянальны Дзяржынскі раён у БССР). У такіх раёнах стараліся арганізаваць навучанне на мове нацыянальнай меншасці (бывала, нават прысылалі беларускіх настаўнікаў з БССР у тое ж Прымор’е), а таксама весці справаводства на ёй у органах мясцовай улады.

#рэчыбсср
Вучотная картка члена Саюза ваяўнічых бязбожнікаў, 1929 год (фота Ю.Тамковіча).

Сёння спаўняецца 95 гадоў ахове архітэртурнай спадчыны ў Беларусі - 3 жніўня 1926 года СНК БССР зацвердзіў спіс помнікаў архітэктуры і прыроды, якія з'яўляюцца каштоўнасцю і бяруцца пад ахову дзяржавы.
Спіс помнікаў прыведзены ў архіўнай копіі арыгінальнага дакумента.