Другое выданне "Казак жыцця" Якуба Коласа 1926 года. (Першае было ў 1921 годзе ў Коўна, дзе тады жыў і працаваў Вацлаў Ластоўскі, які і выдаў кнігу)

#рэчыбсср
Абанемент на абед у менскай сталоўцы №37, 1920-я гады.

Плакат часоў ваеннага камунізму. Мінск 1921 год. Аўтар - хутчэй за ўсё Генадзь Змудзінскі. #Art

#рэчыбсср
Напісаны ад рукі і завераный пячаткай дыплом аб заканчэнні Горацкай сельска-гаспадарчай акадэміі Аляксандра Новікава, 1924 год.

Не баян, а класіка)
У чарговы раз запошчу на канале скан, зроблены пяць гадоў таму ў Нацыянальнай бібліятэцы, і з якога, можна сказаць, пачалася мая цікавасць да міжваеннай перыёдыкі БССР.
Шапка газеты "Калгасны змагар" - органа Бягомльскага райкама партыі і РВК - за 18 сакавіка 1935 года.

#кнігібсср
Вокладка зборніка "Пісьменнік і мова", Менск, 1934 год (фота М.Нікалаеў).

#правда
Артыкул пра тураўскую электрастанцыю ва ўсесаюзнай газеце “Правда” ад 27 снежня 1929 года (знайшла Таццяна Агеенка).

#маладыараты
На вокладцы беларускага часопіса сялянскай моладзі "Малады араты" №6 1925 года - генеральны сакратар ЦК ўсесаюзнага камсамола Мікалай Чаплін (растраляны ў 1938-м).

#кінахронікабсср
Трохі кінахронікі з параўнаннем даваеннага Менска (трапіў адзін кадр з Віцебскам) з пасляваеннымі рабурэннямі.
Урывак з дакументальнага фільма "Разрушения, произведенные немцами на территории Советского Союза".

#кнігібсср
Вокладка зборніка "Записки Белорусского лесотехнического института им.Кирова", Менск, 1940 год.

#іскрыільліча
Вокладка піянерскага часопіса "Іскры Ільліча" №7 1936 года.

#звязда
Настаўнік харошы, але на заняткі не ходзіць)
Зацемка з газеты "Звезда" №17 1924 (знайшоў Віталь Аніська).

#шляхікалектывізацыі
Вокладка часопіса "Шляхі каляктывізацыі" №6 1929 года (фота М.Нікалаеў).

Сталін і прынцып "а ў Амерыцы неграў лінчуюць".
Шыфратэлеграма, накіраваная ў рэспубліканскія партыйныя органы па завяршэнні актыўнай фазы Вялікага тэрора, калі мясцовымі партыйнымі органамі і органамі пракуратуры пачаліся весціся расследванні "парушэнняў рэвалюцыйнай законнасці" з боку супрацоўнікаў НКУС.
Тады нават партыйцы афігелі ад распаўсюджанасці практыкі катаванняў і здзекаў, і Сталіну прыйшлося іх супакойваць, маўляў, хлопцы, спакуха, так было трэба, гэта я загадаў.

#фотабсср
Перакрыжаванне вуліц Энгельса і Інтэрнацыянальнай у Менску, 1925 год. Справа бачна частка былога дамініканскага касцёла Фамы Аквінскага (знесены пасля вайны).