#фотабсср
Адчыненне Акадэмічнай канферэнцыі па рэформе беларускага правапісу, якая праходзіла ў Менску 14-20 лістапада 1926 года. Фота з часопіса "Беларуская школа ў Латвіі" №3 1927 года (знайшоў М.Ляшко).

#савецкаябеларусь
У Менску ў 1925 годзе існавала служба дастаўкі піва на дом (а цяпер дастаўка алкаголя фізасобам заканадаўча забаронена).
Рэклама з газеты "Савецкая Беларусь" №155 1925 года.

#фотабсср
Вуліца Савецкая і квартал на тым месцы, дзе зараз Кастрычніцкая плошча ў Мінску, фота 1930-х гадоў.

#архітэктурабсср
Новапабудаваны жылы дом Белдзяржпраекта на вуліцы Маскоўскай у Менску, на фота 1930-х гадоў.

#звязда #архітэктура
Зацемка пра праект Вялікага Дзяржаўнага тэатра Іосіфа Лангбарда, які перамог у конкурсе 1934 года. "Звязда" №2005 1934.

#паляўнічыбеларусі
Вокладка часопіса "Паляўнічы Беларусі" №1 1930 года.

#архітэктурабсср
Мабыць, гэта першая згадка пра беларускі стыль у савецкай архітэктуры БССР (газета "Рабочий" №49 1927 года), але тэма, здаецца, далейшага развіцця не атрымала і ў Беларусі працягвалі будаваць спачатку абезаблічаны канструктывізм, а затым пасля 1932 года засвойвалі архітэктурнную спадчыну ў агульнасавецкім стылі без мясцовых асаблівасцяў.
Дарэчы, узгаданы архітэктар Валадзько, з'яўляецца аўтарам мадэрністскага будынка геафізічнай абсерваторыі ў Менску, пабудаванага ў 1930-35 гадах. А тых яго праектаў прыгарадных дамоў у беларускім стылі, я яшчэ не знаходзіў (дарэчы, можа гэта яго работа была натхнёна ідэяй горада-сада і сацыялістычных прадмесцяў, якія былі папулярныя ў маскоўскіх архітэктараў-урбаністаў у 1920-я гады).

#вольнаяпраца
Зацемка пра перайменаванне вуліц у Беластоку з газеты “Вольная праца” №10 1940 года.
Крыніца: https://www.facebook.com/groups/belastocki.belaruski.muzei/

#рэчыбсср
Зараз у Беларусі праходзіць перапіс насельніцтва, у снежні 1926 года ў БССР таксама адбывалася такая ж працэдура. На фота (крыніца: https://kamienski-rola.livejournal.com/17487.html) спіс хатніх гаспадарак хутара Івашчыха Талачынскага раёна Аршанскай акругі (звярніце увагу на варыянт "кантон" у гэтым пункту). Две траціны хутаран запісаліся палякамі, рэшта - беларусамі.

#піонэрархнагляд
Гарадскія СМІ пішуць, што ў Мінску выстаўлены на продаж будынак Дома друка 1930-35 гадоў пабудовы. Каму-небудзь трэба помнік канструктывізма па рыначным кошце?

#фотабсср
Заняткі ў Беларускай гімназіі ў Наваградку 14 лістапада 1939 года пасля далучэння Наваградчыны да БССР.

Вокладка часопіса "Соцыялістычнае будаўніцтва" №3 1935 года.

#фотабсср
Футбольная каманда Магілёўскага педінстытута, 1936 год.

#рабочий
Да гісторыі радыёвяшчання на Беларусі: навіна пра пабудову 100-метровай радыёвышкі ў Менску, газета "Рабочий" №56 7 кастрычніка 1927 года.

#архітэктурабсср
Новапабудаваны ўніверсітэцкі гарадок БДУ у Менску, 1930 год. На заднім плане злева бачныя купалы Казанскай царквы, якая стаяла на плошчы Мяснікова - яе ўзарвуць у 1936 годзе.

#фотабсср #архітэктурабсср
На гэтым фотаздымку 1930 года, на якім паказана будоўля новага дома на вуліцы Камсамольскай у Менску, можна таксама пабачыць тую 100-метровую радыёвышку (паласа на заднім плане), яна знаходзілася на вуліцы Кірава (тады Універсітэцкай) у раёне стадыёна "Дынама".

#рэчыбсср
Ваза "Беларуская ССР", 1938 год, захоўваецца ў расійскім Эрмітажы.