Яғымлы һүҙҙәрҙе саҡ ҡына онотоп киткәндә... 🤣

Видео: Ләйсән Йәнекәйева.

🔥 «Дәрүиш рухы+» концертында Башҡортостан Башлығы Радий Хәбиров указы менән Дим «Мәннән» Ҡолахмәтов («Дәрүишхан»), Ирек Атанов һәм Ғәзинур Биктимеровтарға («Рух») үлгәндән һуң Башҡортостандың халыҡ артисы исеме бирелде.

Наградалар уларҙың яҡын туғандарына тапшырылды. 🤘

🔥Шулай уҡ  “Дәрүишхан” башҡорт рок-төркөмөн ойоштороусы Ғәббәсов Альберт Марат улы ла БР-ҙың халыҡ артисы тигән маҡтаулы исемгә лайыҡ
булды.

🔥Ринат Зарипов - Башҡортостандың атҡаҙанған
артисы, ә «Рух» төркөмө етәксеһе Юлай Аскаров һәм Сергей Захаров Башҡортостандың атҡаҙанған мәҙәниәт хеҙмәткәрҙәре тип танылды.

Был тарихи минуттарҙы видеояҙмала ҡарағыҙ😎

📌САЛАУАТ ҺӘЙКӘЛЕ ҠАҒЫҘ АҠСАЛА БУЛҺЫН, ТИҺӘҢ
тауыш бир!

📍Рәсәй Банкы сайтында яңы 1000 һумлыҡ банкноталарға төшөрөләсәк символдарға халыҡ онлайн тауыш бирә башланы.

✅Кисәге яңы ҡағыҙ аҡсаға төшөрөләсәк Волга буйының иҫтәлекле урындары исемлеге баҫылып сыҡҡайны. Был исемлектә беҙҙең Салауат Юлаев һәйкәле лә бар.

✅Ҡағыҙ аҡсаның уң яғындағы Түбәнге Новгород һүрәте үҙгәрмәйәсәк, тик һуң яғындағы һүрәт буйынса ғына халыҡтан тауыш йыялар.

📍Тауыш биреү Рәсәй Банкы сайтында бара.

Әйҙәгеҙ, әүҙем генә Салауат Юлаев һәйкәле өсөн тауыш биреп алайыҡ, дуҫтар!💚

📌Башҡорт теленә арналған байрамға барығыҙ!

✴️14 декабрҙә көндөҙгө сәғәт 12-лә “Мега” сауҙа һәм күңел асыу үҙәгендә (Өфө ҡалаһы, Рубеж урамы, 174) Башҡорт теле көнөнә арналған сара башлана.

✴️Уны Башҡорт телен һаҡлау һәм үҫтереү ойошмаһы үткәрә.

✅Бында төрлө оҫталыҡ дәрестәре, викториналар һәм башҡа төр әүҙемлектәр көтә.
✅Мәҫәлән, “Һомай” беренсе башҡорт аҡыллы колонкаһы, өҫтәл уйындары, бәләкәстәр өсөн башҡортса уйынсыҡтар һәм башҡалар менән танышып буласаҡ.
✅Бәләкәй йәштәге балалар өсөн "Мөхит" күсмә тирмәһе эшләйәсәк, ә өлкәнерәктәр “Әлләсе”, “Бесәй, сәй, айыу, бал, май”, “Игра в башкира” өҫтәл уйындарында ҡатнаша аласаҡ.

✴️Шулай уҡ башҡорт теленә арналған “Тел ағасы”, “Сәләм, дуҫ!” акцияларын үткәрергә уйлайҙар.

🔥Сара Baby Ti (Арыҫлан Тимеров), Тимур Ямалов, Зилиә Бәхтиева, Юнир Һағынбаев һәм башҡа йондоҙҙар ҡатнашлығындағы байрам концерты менән тамамланасаҡ.

🕛Ваҡыты: 14 декабрь, 12:00 сәғәттә
📍Урыны: “Мега” сауҙа һәм күңел асыу үҙәге, Өфө ҡалаһы

📌Өфөлә ҡуйыласаҡ боҙ ҡаласығы, Яңы йыл шыршылары адрестары билдәле булды.

Кәрәклеләрен һаҡлап ҡуйығыҙ!😉

🎄В. Ленин исемендәге майҙансыҡта;
🎄«Торатау» конгресс-холы алдындағы майҙансыҡта;
🎄«Дим» мәҙәниәт һәм ял итеү паркында (Островский урамы);
🎄«Моторҙар эшләүсе " мәҙәниәт һарайы алдындағы майҙансыҡта (Машиналар эшләүселәр урамы, 10);
🎄«ОДК-УМПО» асыҡ акционерҙар йәмғиәте майҙансығында (Мушников урамы, 11);
🎄Князево ауылында (Советтар урамы, 19);
🎄Олимпия урамы, 1а;
🎄Мәләүез урамы, 31
🎄Базилевка ауылы (Беговая урамы);
🎄Юнармейцтар скверы (Мөбәрәков урамы, 12-20);
🎄Искин ауылы (Искин урамы, 59/2);
🎄Булат Имашев урамы (Кузнецов Затоны);
🎄«Тулҡын" паркы (Затон, Әхмәтов урамы);
🎄«Йәдкәр" мәҙәниәт һарайы (Нижегородка, Лесозаводская урамы, 1а);
🎄«Ҡашҡаҙан" мәҙәниәт һәм ял паркы (маршал Жуков урамы, 31);
🎄Спорт һарайы алдындағы майҙанда (Рихард Зорге урамы, 41);
🎄Серго Орджоникидзе исемендәге майҙанда;
🎄Өфө балалар филармонияһы алдындағы майҙанда (Октябрь проспекты, 33);
🎄«Орион» ижад йорто эргәһендәге скверҙа (Таллин урамы, 17);
🎄«Сағыу» биҫтәһендәге паркта.

📌Һөйөнсө, яңы китап!

3 декабрҙә Динис Бүләковтың хикәйәләренән торған яңы китаптың исем туйы була. Сара Өфөләге "Китап" магазинында иртәнге сәғәт 11-ҙә үтә.

❓Ғөмүмән, китап уҡыйһығыҙмы? Әллә гаджеттар арҡаһында быға ваҡытығыҙ ҡалмаймы?

🐻Тайыштабандан тыш тағы кем бал ярата, беләһегеҙме? 🍯🍯🍯

"Мега село" тапшырыуының алып барыусыһы Настя Белорет районында булып, түмәр умарталар һәм солоҡтар ҡуйған Азамат Заһитуллиндан белешкән.

Проект "Экспертно-диагностическая лаборатория" автономиялы коммерция булмаған ойошма тарафынан Башҡортостан Башлығы гранты һәм Башҡортостан Башлығы гранттар фонды ярҙамында тормошҡа ашырыла.

⚡ӨФӨ – ВАҠИҒАЛЫ ТУРИЗМ ҠАЛАҺЫ⚡

📌Russian Event Awards – 2024 ваҡиғалы туризм өлкәһендә халыҡ-ара премия йомғаҡтары яһалған һәм Өфө бер нисә призға лайыҡ булған.

💯“100 меңдән күберәк кеше йәшәгән ҡалаларҙа мәҙәниәт һәм сәнғәт өлкәһендә иң яҡшы туристик ваҡиға” номинацияһында махсус призға “Китап байрамы” халыҡ-ара китап йәрминкәһе өсөн бирелгән.

🥈 урын “Спорт өлкәһендә иң яҡшы туристик ваҡиға” номинацияһында – “1000 велосипедсы көнө”

🥈 урын “Иң яҡшы халыҡ-ара ваҡиға” номинацияһында – Халыҡ-ара бизнес аҙналығы

🥇 урын “Иң яҡшы йәштәр туристик ваҡиғаһы” номинацияһында – “Йәштәр көнө”

🥇 урын “Гибрид форматтағы иң яҡшы туристик ваҡиға” номинацияһында – “Алтын һыуһар” гүзәллек индустрияһындағы асыҡ конкурс менән бергә үткәрелгән “Өфөлә гүзәлле көндәре”

🥇 урын “Иң яҡшы MICE ваҡиға” номинацияһында – халыҡ-ара ҡатнашыусылар менән үткәрелгән IX Бөтә Рәсәй GMP конференция

🏆Гран-при “100 меңдән күберәк кеше йәшәгән тораҡ пункттарҙа гастрономия туризмы өлкәһендә иң яҡшы ваҡиға” номинацияһында – “Виноград” эногастрономия фестивале

🏆Гран-при “Милли туристик ваҡиға” номинацияһында – “Юбилейлы Өфө” фестивале менән “Евразия йөрәге” мәҙәниәт һәм сәнғәт фестивале

🏆Гран-при “Туризм өлкәһендә иң яҡшы MICE ваҡиға” – Этнотуризм буйынса форум

💥Премияның Попечителлек советының төп призы - “Ваҡиғалы туризм ҡалаһы” исеме лә Өфөбөҙгә бирелгән!

🍓Көн болоҡһотоп торғанда йәмле йәйҙе иҫкә төшөрөп, хуш еҫле һәм телде йоторлоҡ еләк бәлеше бешереп ашап алығыҙ, дуҫтар!🍓

🍓Элек өләсәйҙәр йәйгеһен еләкте гәзит битенә һалып киптереп, аҙаҡ сепрәк тоҡсайға йыйып алып, соландағы берәй сөйгә элеп ҡуя торғайны. Хәҙер туңдырғысҡа һалып ҡалдырабыҙ ҙа ҡуябыҙ.

🍓Ә шул кипкән еләкте ебетер өсөн ҡойолған сиҡ ҡына һыуҙы һөҙөп эсергә бирә лә торғайнылар бит әле, тәмлелеге!

❓Әйткәндәй, һеҙгә төпрәһенән таҙартылған еләктән бешерелгән бәлештәр оҡшаймы, әллә таҙартылмағанданмы?

Миңә ҡалһа, таҙартылмағаны тәмлерәк😍

📚Башҡортостанда китапты күп уҡыйҙар!

📖Быны тулҡындарҙа сайҡалған бронза кәмә-китап - "Иң күп уҡыған төбәк" конкурсының төп призы һәм символы менән билдәләнеләр.

Хәҙер был статуэтка Башҡортостанда, уны республиканың мәҙәниәт министраы вазифаһын башҡарыусы Әминә Шафиҡоваға тапшырҙылар.

📖Республикабыҙ "Рәсәйҙең әҙәби флагманы" исеменә лайыҡ булды. Тимәк, киләһе йыл Башҡортостан ошо уҡ атамалы ҙур фестиваль-форумды үҙендә үткәрәсәк. Был сара 2025 йылда "Китап байрамы" йәрминкәһе сиктәрендә ойошторолор, тип көтөлә.