Быуаттар төпкөлөнән батыр
йәш кешегә баҡты.
Уның уйсан ҡарашын тойоп,
ҡулын һыртҡа һалған бала
ташһындай ҡатты.
Уйландылар, күҙгә күҙ ҡарашып,
тын торҙолар
үткән һәм киләсәк.
Һүҙһеҙ аңлаштылар:
башҡорт йәшәйәсәк.

Фото: Башҡортса асылмалар.

🔥РИФЕЙ ДИҢГЕҘЕ БУЛҒАН ЕРҘӘ

📍Русса “Розовые скалы”, башҡортса “Шәреташ”, йәки “Ҡыҙылташ” тип йөрөтөлгән ҡаялар теҙмәһе Белорет районының Асы һәм Бриштамаҡ ауылдары араһында, Инйәр йылғаһы буйында урынлашҡан.

🏔Был тәбиғәт мөғжизәһен ҡыш көнө лә барып күрергә була.

⛰Ҡаяларға бындай үҙенсәлекле төҫ бынан 2,5 млрд. йыл элек ошо урында йәйрәп ятҡан Рифей диңгеҙе төбөндәге ҙур ылымыҡтарҙан ҡалған, тип фаразлайҙар.

📌Бөгөн дә ҡая таштарында ул ылымыҡтарҙың эҙҙәре һаҡлана – йылға буйлап ағып төшкәндә ҡарауы уңайлы.

Быйылғы хит "Матушка Земля" ҡурайҙа.❤️

Видео: Айнур Ҡыямов.

Ялдарҙа Ғабдулла бабай кеүек эштән бушаманығыҙмы? 😁

Видео: "Күршеләр"ҙән.

Йәйғорҙо аша атлап сыҡһаң, ҡыҙ - малайға, малай - ҡыҙға әйләнә икәненә ышана торғайнығыҙмы?🤭

Әллә был турала тәүгә ишетәһегеҙме? 🙉🙊

🌠РУДЕНКО: Башҡорттар сабыйҙы нисек һаҡлаған

✅Башҡорттарҙа шайтан кеше балаһы урынына үҙенең балаһын һалып ҡалдырған, тигән әңгәмәләр ҙә йыш осрай.

📍Шуға ла яңы тыуған сабыйҙы башҡорттар ныҡ һаҡлай, баланың алынған тәүге сәсен йөнгә ҡушып, айыу теше, айыу тырнағы һалып, сепрәк йәки Ҡөрьән доғалары яҙылған тирегә урап тегәләр. Уны бишеккә, баланың баш осона беркетеп ҡуялар.

📸Фотоһүрәт интеренттан алынды.

#башҡорттар

📍 Арағыҙҙа комсомолдар бармы?

Бөгөн, 29 октябрь, ошо йәштәр ойошмаһының барлыҡҡа килгән көнө.

💥Әйҙәгеҙ, хәтерҙәрҙе яңыртып, ошо пост аҫтында үҙегеҙҙең йәшлек хәтирәләрен яҙып ҡалдырығыҙ әле!

ЭЛЕКТРОН СИГАРЕТ ТАРТАҺЫҢМЫ?

📌Башҡортостан Дәүләт Йыйылышы – Ҡоролтай депутаттары Дәүләт Думаһына мәктәптәрҙә тәмәке тартҡан өсөн штраф һалыу тураһында закон проектын тәҡдим иткән, уға алдан Рәсәй Федерацияһы Хөкүмәтендә ыңғай баһа бирелгәйне, тип хәбәр итәләр.

✅Яңы закон проектына ярашлы, тәртип боҙоусыларға 2000 һумдан 3000 һумға тиклем штраф һалынасаҡ.

📍Һуңғы йылдарҙа балиғ булмағандар араһында никотин ҡулланыу артҡан, Рәсәйҙәге өлкән класс уҡыусыларының 60 проценты тәмәке тарта.

✅Был Өфө урамдарына сыҡһаң да күренә – һәр икенсе йәш кешенең ҡулында электрон сигарет, ҡыҙҙарҙың да иҫе китмәй. Эргәлә генә мәктәп, колледж һәм республика вуздарының ятаҡтары урынлашҡас, йәштәр күп йөрөй. Элегерәк йорт ихаталарында мөйөштәрҙә өймәкләшеп тороп, тәмәке көйрәтһәләр, хәҙер юлда китеп барышлай ғына төтәтәләр.

📍Тәүҙәрәк электрон сигареттар һәм шундай ҡулайламалар һаулыҡҡа зарарһыҙ, тип рекламаланғайны бит. Ләкин тикшеренеүҙәр үткәреп, ароматизаторҙар менән бергә организмға насар йоғонто яһаған матдәләр инеүе иҫбатланды.

🤯Әммә ҡайһы бер ата-әсәләр үҙҙәре үк балаларына электрон тәмәке һатып алып бирә икән, йәнәһе лә, йәшереп тартҡансы, күҙ алдыбыҙҙа булһын. Шулай уйлағандарҙы штраф ҡына ҡурҡыта алырмы икән, тип тә уйланаһың...

📌Һәм тағы. Аҙыҡ-түлек магазиндарында тәмәке теҙелгән кәштәләрҙе йәшереп бөтһәләр ҙә, Өфөләге ҙур туҡталыштарҙа башҡа төрлө көйрәткестәр һатылған тотош киоскылар бар һәм тәүлек әйләнәһенә сағыу алтаҡталары ялтлап янып тора ла баһа!

Үзбәкстандан Ғабдулла Байназаров туған башҡорт телен үҙаллы өйрәнгән.
Егеттең ата-әсәһе тамырҙары менән Башҡортостандан, тип хәбәр ителә "Башҡорттар-БСТ" төркөмөндә.

Теләк булһа, туған телдә бына шулай һөйләшергә мөмкин инде ул...

БАШҠОРТСА АТАМАҺЫН ЙЫШЫРАҠ ҠУЛЛАНАЙЫҠ!

📌Шүләгәнташ мәмерйәһен русса “Капова пещера” тип атайҙар: эсендә гел һыу тамып торғанға, йәки “капище” – мәжүсиҙәрҙең ғибәҙәтханаһынан алынған.

📌Башҡортса атамаһы уның эргәһенән аҡҡан Шүлгән йылғаһына ауаздаш һәм боронғо башҡорттарҙың “һыу үлгән” тигән һүҙбәйләнешенә барып тоташа, тип фаразлайҙар. Бынан тыш, Шүлгәнташ мәмерйәһе башҡорт халҡының “Урал батыр” эпосына тығыҙ бәйләнгән.

✅Шүлгәнташ - Башҡортостандың Бөрйән районында урынлашҡан мәмерйә. 2014 йылда уның эсендәге юлдар 2640 м оҙонлоҡта, ә иҙәненең майҙаны – 20 200 м.кв., күләме 105 мең м.кв., тәрәнлеге 30 м. тәшкил иткән.

✅Шүлгәнташта палеолит осорондағы тәүтормош кешеһе төшөргән һүрәттәр һаҡланып ҡалған.

✅Быны 1959 йылда ҡурсаулыҡтың зоолыгы А.В. Рюмин асыҡлай.

✅Әлегә 170-тән ашыу һүрәт һәм буяу эҙе тураһында мәғлүмәт бар, иң боронғо һүрәткә 36 400 йыл.

✅2019 йылда ғалимдар уның 4-се ҡаты барлығын асыҡлай, ундағы сталактиттар 100 мең йыллыҡ. Иң ҙур минераль ҡатламдың оҙонлоғо 3 м, киңлеге 8 м.

📍Бөгөн мәмерйә эргәһендә “Шүлгәнташ” тарихи-мәҙәни музей-ҡурсаулыҡ эшләй.

Координаттары: 53.041089, 57.062587

ЙӘЙӘҮ ЙӨРӨҮҘЕҢ ФАЙҘАҺЫН БЕЛӘҺЕГЕҘМЕ?

Билдәле шағирә, "Башҡортостан ҡыҙы" журналының баш мөхәррире Гөлназ Ҡотоева бүлешкән видеояҙманы ҡарағыҙ.

Көнөнә нисә километр үтәһегеҙ?