АУЫЛДАРҘА НИҘӘР БАР?

Ә бына шундай матур осрашыуҙар һәм тормош мәшәҡәттәрен бер аҙға онотоп, ял итеүҙәр бар икән!

Көгөш йылғаһы буйында йәшәүсе Ватан ауылы ағинәйҙәре яңы ғына ойошҡан Заречный ауылы ағинәйҙәре менән берлектә күршеләре Красноусол һәм Табын ауылы ағинәйҙәрен әбейҙәр сыуағында, көҙҙөң алтынға тиң салт аяҙ көнөндә Көгөш йылғаһы буйына самауыр сәйе эсергә саҡырҙы.

Элек-электән беҙҙең халҡыбыҙ күршеләре менән аралашып йәшәгәндәр бит.

Әле һуғыш барған саҡта оло йыйындар йыйып булмаһа ла, ошондай бәләкәй күршелек осрашыуҙары ла бик яҡшы икән!

Беҙҙе тимер аттарында йөрөтөүсе тормош юлдаштарыбыҙға ҙур рәхмәттәребеҙҙе белдерәбеҙ!

- тип яҙған Фәүзиә Ҡотлогилдина.

Сибай ҡалаһында бөгөн көҙгө йәрминкә үткән, тип хәбәр итә "Сибайский рабочий" төркөмө.

🍎Ә һеҙ йәрминкәләргә һатыу итергә бараһығыҙмы, әллә быйылғы уңыштан ҡышҡылыҡҡа алып ҡалыр өсөнмө?

ҺӨЙЛӘШЕП АЛАЙЫҠ ӘЛЕ!🤗

Салауат дәүләт башҡорт драма театрында Тәнзилә Дәүләтбирҙинаның "Һөйөү хисе" тигән әҫәре сәхнәләштерелде.

❓Ә һеҙ яҙыусының ҡайһы әҫәрен яратаһығыҙ һәм сәхнәләштерелеүен теләр инегеҙ?

❓Ғөмүмән, башҡортса китаптар уҡыйһығыҙмы? Әле ниндәй әҫәрҙе уҡып ятыш?

📌Ошондай биҙәүесте тағып йөрөр инегеҙме?

Башҡорттарҙың иҫәпләп сигеү ысулы менән яһалған был төйрәместәр (брошь) бик үҙенсәлекле күренә.

Уны оҫтабикәләр боронғо башҡорт һарауыстары һәм башҡа иҫәпләп сигелгән әйберҙәр, биҙәктәр нигеҙендә эшләгән.