📣 Напоминаем, что выдача разрешений на добычу водоплавающей дичи будет производиться до конца года.

В целях исключения образования очередей уже перед предстоящим сезоном весенней охоты на водоплавающую дичь охотники могут заблаговременно записаться за получением разрешений до конца года на республиканском портале государственных и муниципальных услуг e-yakutia.ru.

Всех с новым учебным годом! Так как праздник сегодня, хоть и не выходной, но традицию видео забавных панд продолжим

Амма нэһилиэгин олохтоохторо Акулина Прокопьевна уонна Егор Пантелеймонович Ивановтар лоп курдук 60 сыл анараа өттүгэр, 1964 сыл бэс ыйын 20 күнүгэр, сүрэхтэринэн сөбүлэһэн ыал буолбуттара. Ивановтар 5 оҕону күн сиригэр көрдөрөн, үлэһит дьон оҥорон, сиэн оҕолорунан кынаттанан, билигин Таатта улууһун биир бигэ туруктаах сис ыала.
Акулина Прокопьевна – СӨ уус-уран оҥоһукка норуот маастара, үөрэҕирии бочуоттаах ветерана, Амма нэһилиэгин бочуоттаах гражданина. Сүүрбэччэ сыл Чычымахтааҕы “Туйаара” уһуйаан сэбиэдиссэйинэн, өр сылларга дьахтар сэбиэтин бэрэссэдээтэлинэн, нэһилиэк култуурунай-маассабай олоҕун көҕүлээччинэн үтүө суобастаахтык үлэлээбитэ.
Егор Пантелеймонович - СӨ тыатын хаһаайыстыбатын үтүөлээх үлэһитэ, СӨ үтүөлээх фермерэ, СӨ тыатын хаһаайыстыбатын ветерана, Таатта улууһун уонна Амма нэһилиэгин бочуоттаах гражданина, Харбалаах агробөһүөлэгин бастакы тутааччыта. Эдэр сааһыттан «Коммунизм» колхуос, онтон сопхуос тракториһынан, биригэдьииринэн, управляющайынан, директоры солбуйааччынан, Амма нэһилиэгин Сэбиэтин бэрэссэдээтэлинэн, «Алаас» фермерскэй хаһаайыстыба салайааччытынан дьаныардаахтык үлэлээбитэ.
60 сыл сарын сарынтан өйөнсөн олоруу – бу дьиҥ иһэ Таптал, Итэҕэл, Эрэл арчылаах дьиэ кэргэн кэрэ көстүүтэ!
Бу үтүө күнү оҕолоро, сиэннэрэ, төрөппүттэрин чугас дьонун ыҥыран, дьоро күнү бэлэхтээтилэр. Үөрүүлээх күҥҥэ СӨ ЗАГС-тын управлениетынТаатта улууһунааҕы салаатыг салайааччыта Н. В. Пестрякова улуус бастыҥ дьиэ кэргэнниилэрин в бочуоттаах кинигэтигэр киирбиттэрин бэлиэтээн туран, анал сиэри-туому толордо. Истиҥ тыллаах эҕэрдэлэри Ил Түмэн депутата П.Д. Рахлеев, улуус баһылыгын аатыттан дьахтар сэбиэтин бэрэссэдээтэлэ В. И. Будикина С.Р. Кулачиков -Эллэй аатынан Чычымах орто оскуола профкомун бэрэссэдээтэлэ А.В. Малышев эттилэр.
Акулина Прокопьевна, Егор Пантелеймонович,бу бэлиэ күҥҥэ анаан тутуллубут саха балаҕаныгар, «Таптыыр сүрэх сырдык иэйиитинэн» диэн иһирэх ааттаах дьиэ кэргэн быыстапкатын арыйдылар. Балаҕаҥҥа киирбит дьону үбүлээрдэр иккис кыыстара Елена хойуу үүттээх чэйинэн күндүлээтэ. Манна Акулина Прокопьевна кыбытык ньыматынан тикпит чаппараахтаах, кычымнаах, лэпсэлээх икки тус-туһунан ат симэҕин дьон сөҕө-махтайа көрдө. Маны сэргэ тирии, сарыы уонна таба, сылгы, тайах тыстарыттан этэрбэстэр, оҕуруонан, быысапканан киэргэтиллибит дьаахтар суумкалара, үтүлүктэрэ, халадаай былаачыйаттан таҥалайдаах уонна кыһыҥҥы бууктаах соннорго тиийэ араас сылларга тикпит сахалыы мандардаах таҥас эгэлгэтэ кэккэлээбит.
Егор Пантелеймонович дьиэ кэргэн олоҕун сурукка тиспит дневниктэрэ, халандаардара, кэргэнигэр бэлэхтээбит түөскэ кэтэр чаһыта, аҕатын - репрессия ыар тыынын билбит, Аҕа дойду сэриитигэр олоҕун ттолук уурбут Пантелеймон Тимофеевич илии баттааһыннаах анал бэчээтэ, Акулина Прокопьевна ийэтин Анна Гаврильевна хоппото Уйбаныаптар дьиэ кэргэн устуоруйатын кэпсии-сэһэргии туруохтара.
Оҕолор төрөппүттэрин курдук кэрэни кэрэхсии, саҥаны сэргии улааппыттар. Быыстапкаҕа кыргыттар Дария, Дианна тикпит чаппараахтара, улахан уол Николай оҥорбут чороонноро, кытыйалара, кыра уол Пантелеймон 13 сааһыгар испиискэ тоһоҕолоруттан хомуйбут дьиэ макета, сиэн кыыс Алина эбэтин кытта тикпит олбохторо о.д. а. оҥоһуктар көрөөччү болҕомтотун тардыахтара.
Бу күн күбэй ийэҕэ, тапталлаах аҕаҕа төрөппүт оҕо махталын туоһулуур дьиэ кэргэн түмэлин аана билиэн-көрүөн баҕалапхтарга саха сиэринэн өрүү аһаҕас.
Елена Слепцова