Daxili İşlər Naziri: Hökumətin bütün səyi su basmış ərazilərin əhalisinin ehtiyaclarını təmin etməkdir

İRNA müxbirinin verdiyi məlumata görə, seldən zərər çəkmiş bölgələri ziyarət etmək üçün bazar günü Ərdəbil vilayətinə bir  günlük səfər etmiş Əhməd Vəhidi Germinin İdarə Şurasının iclası çərçivəsində deyib: “Daşqın nəticəsində Germi, Biləsuvar, Üngüt, Meşkinşəhr və Kövsər şəhərlərində əhaliyə ziyan dəyib. Aidiyyatı orqan və qurumlar ilk gündən xalqın yanında olub, insanlara daha az ziyan dəyməsinə çalışıblar.”

Ə. Vəhidi sel nəticəsində əyalətə dəyən ziyan haqda bildirib ki, daşqın nəticəsində təxminən 1500-ə yaxın mal-qara tələf olub. İmam Xomeyninin (r) Fərmanınn İcrası Qərargahı onun kompensasiyasını ödəməyə razılıq verdi. Həmin qədər məişət avadanlığına ziyan dəyib ki, yenə İmam Xomeyninin (r) Fərmanının İcrası Qərargahı bu avadanlıqların tədarükünü öz üzərinə götürüb.

Daxili işlər naziri Qızıl Aypara Cəmiyyətinin daşqın qurbanlarına yardım və müvəqqəti yaşayış yeri ilə təmin edilməsi və SEPAH tərəfindən isti yeməklə təmin edilməsi istiqamətində görülən işlərə toxunaraq deyib: “Energetika Nazirliyi elektrik və su obyektlərini bərpa edib. 10-dan az kənddə isə hələ də elektrik xətləri və su boruları qoşulmayıb və bunun üzərində işlər aparılır. Bu sahədə elə də ciddi problem yoxdur.”

Ə. Vəhidi qeyd edib ki, Qızıl Aypara Cəmiyyəti daşqın qurbanlarının müvəqqəti yerləşdirilməsində və SEPAH onlar üçün isti yemək təmin edilməsində və digər zəruri tədbirlərin həyata keçməsində lazım olan işləri ediblər.

Əyalətin kənd təsərrüfatı sahəsinə dəyən ziyanla bağlı da danışan daxili işlər naziri deyib: “Fermerlərin torpaqlarına və məhsullarına dəymiş ziyan dövlət yardımı və kənd təsərrüfatı sığortası fondu hesabına ödənilməlidir.”

Vəhidi vurğulayıb: “Bütün səylərimiz ondan ibarətdir ki, su basmış ərazilərdəki əziz camaatımız narahat olmadan ehtiyaclarını və dolanışıqlarını təmin edə bilsin.”

Daxili işlər nazirinin su basmış ərazilərə gəlişi xalqın iradəsinə hörmət etmək, xalqı uca tutmaqdır

Vəliyyi-fəqihin Ərdəbil əyaləti üzrə nümayəndəsi və Ərdəbilin imam cüməsi deyib: “Daxili işlər nazirinin su basmış ərazilərə səfər etməsi xalqın iradəsinə hörmət, problemlərə görə məsuliyyət hissi və xalqı uca tutmaqdır.”

İRNA-nın məlumatına görə, Ərdəbil əyalətinə səfər etmiş Əhməd Vəhidi əyalətin su basmış bölgələrini ziyarət etdikdən sonra Vəliyyi-fəqihin əyalətdəki nümayəndəsi və Ərdəbilin imam cüməsi Ayətullah Amili ilə görüşüb.


@az_IRNA_ir

Ayətullah Rəisi: Müqavimət cəbhəsi dünya səhnəsində qüvvələr balansını dəyişir

Tehran – İRNA – Prezident əlamətlərin müqavimət cərəyanının hər zamankindən daha güclü olduğunu və bu cəbhənin düşmənlərinin əvvəlkindən daha zəif vəziyyətə düşdüyünü sübut etdiyini qeyd edərək deyib: “Müqavimət cəbhəsinin zəfərləri sionistlərin iddia edilən çəkindirici qüdrətlərini göstərməyə çalışdıqları obrazın real olmadığını ortaya çıxardı və sübut etdi.”

@az_IRNA_ir

Ayətullah Rəisi: Müqavimət cəbhəsi dünya səhnəsində qüvvələr balansını dəyişir

Tehran – İRNA – Prezident əlamətlərin müqavimət cərəyanının hər zamankindən daha güclü olduğunu və bu cəbhənin düşmənlərinin əvvəlkindən daha zəif vəziyyətə düşdüyünü sübut etdiyini qeyd edərək deyib: “Müqavimət cəbhəsinin zəfərləri sionistlərin iddia edilən çəkindirici qüdrətlərini göstərməyə çalışdıqları obrazın real olmadığını ortaya çıxardı və sübut etdi.”

İRNA müxbirinin verdiyi məlumata görə, Ayətullah Seyid İbrahim Rəisi çərşənbə axşamı günortadan sonra HƏMAS Siyasi Bürosunun rəhbəri İsmayıl Həniyyə və bu təşkilatın bir qrup yüksək rütbəli üzvləri ilə görüşündə Fələstin müqavimət cəbhəsinin son uğurlarını təbrik edib, bu qələbələrin bugün təşəbbüsün müqavimət cəbhəsinin əlində olduğunu sübut etdiyini vurğulayıb, Fələstində müxtəlif cihad qruplarının müqavimət bayrağı altında birləşməsini və inteqrasiyasını ilahi bir hədiyyə adlandıraraq, onu qorumaq və təkmilləşdirməyin vacibliyini bildirib.

Prezident əlavə edib: “Bugün müqavimət cəbhəsi nəinki işğal olunmuş ərazilərdə, hətta regionda və beynəlxalq aləmdə qüvvələr nisbətini və şərtləri öz xeyrinə və imperializm cərəyanının zərərinə dəyişməkdədir.”

Hazırda Fələstində baş verən qarşıdurmalarla bağlı istər Fələstinin daxilindən, istərsə də xaricdən siyasi baxışların uyğunluq və bütövlük əldə etdiyini diqqətə çatdıran Prezident deyib: “Bugün hətta bir vaxtlar sionist rejim və onun havadarları ilə danışıqlar aparmaq və sazişə getmək istəyənlər də dərindən təhlil edib belə nəticəyə gəliblər ki, bu rejimə güzəştə getmək, danışıqlar aparmaq faydasızdır və onunla üzləşməyin yeganə mümkün yolu müqavimətdir.”

Görüşdə HƏMAS-ın Siyasi Ofisinin rəhbəri İsmayıl Həniyyə müqəddəs Qüdsün azad edilməsi üçün İran İslam Respublikasının davamlı dəstəyinə görə, öz adından və Fələstin xalqı adından minnətdarlığını bildirərək deyib: “Bugün müqavimət cəbhəsi təkcə Qəzzada deyil, İordan çayının qərb sahilində, 1948-ci ildə işğal olunmuş ərazilərdə, hətta bu torpaqlardan kənarda fələstinlilər və Fələstin aşiqləri arasında da genişlənir və güclənir.”

Güc və müqavimət baxımından hazırda yüksək səviyyəyə çatdıqlarını vurğulayan İ. Həniyyə deyib: “Fələstində müqavimət cəbhəsinin böyük və mühüm nailiyyətlərindən biri bütün cihadçı qruplar arasında çox yüksək səviyyədə birləşmə, inteqrasiya və koordinasiyaya nail olmaqdır. Bunun nümunəsini fələstinli qruplarla sionist rejim arasında baş verən son 5 günlük döyüşdə gördük. Biz bu döyüşü çox dəqiq birgə əməliyyat otağından idarə etdik.”

HƏMAS-ın Siyasi Ofisinin rəhbəri bəyan edib ki, bugün Fələstin regionda davamlı müqavimət cərəyanının bir hissəsinə çevrilib. Fələstinin cihadçı qruplarının bütün müqavimət imkanları, hətta son döyüşdə müqavimət cərəyanlarının digər hissələri sionistlərlə qarşıdurmanın ön cəbhəsində olan qrupların ixtiyarında idi. Livan Hizbullahı və Fələstin İslami Cihadından tutmuş HƏMAS və digər Fələstinli cihadçı qruplara qədər bütün qruplar arasında müntəzəm görüşlərimiz və koordinasiya görüşlərimiz var.

@az_IRNA_ir

💠 Красота города Кашана
#Иран 🇮🇷 #Кашан

💠 Kaşan şəhərinin gözallikləri
#İRAN 🇮🇷 #KAŞAN

🔸 Присоединяйтесь к каналу IRNA на азербайджанском языке: https://yangx.top/az_IRNA_ir

🔸 IRNA-nın Azəri dilində kanalına qoşulun: https://yangx.top/az_IRNA_ir

Ayətullah Rəisi: Müstəqil xalqlar imperializm sisteminə qarşı mübarizədə qalib gələcəklər

Prezident sanksiyaları xalqlara və hökumətlərə qarşı müharibə kimi qiymətləndirərək deyib: “Sanksiyalar hökumətlərə qarşı tətbiq edilir, lakin onun bütün ağırlığı xalqın üzərindədir. Ona görə də müstəqil və sanksiyaya məruz qalan ölkələr arasında münasibətlərin gücləndirilməsi sanksiyanı zərərsizləşdirməyin yollarından biridir.”

 @az_IRNA_ir

Ayətullah Rəisi: Müstəqil xalqlar imperializm sisteminə qarşı mübarizədə qalib gələcəklər

Prezident sanksiyaları xalqlara və hökumətlərə qarşı müharibə kimi qiymətləndirərək deyib: “Sanksiyalar hökumətlərə qarşı tətbiq edilir, lakin onun bütün ağırlığı xalqın üzərindədir. Ona görə də müstəqil və sanksiyaya məruz qalan ölkələr arasında münasibətlərin gücləndirilməsi sanksiyanı zərərsizləşdirməyin yollarından biridir.”

İRNA-nın məlumatına görə, Ayətullah Seyid İbrahim Rəisi Latın Amerikasının üç ölkəsinə regional səfəri zamanı “TeleSUR” telekanalına müsahibəsində İranla Latın Amerikasının müstəqil ölkələri arasında münasibətlərin gündən-günə yüksəlməsinə işarə edərək deyib: “İnanırıq ki, sanksiyalara məruz qalan və müstəqil ölkələr arasında əlaqələrin gücləndirilməsi və potensialların birləşdirilməsi sanksiyaları zərərsizləşdirməyin yollarından biridir.”

Prezidentin TeleSUR telekanalına müsahibəsinin ən mühüm mövzuları aşağıdakılardır:

Əvvəllər Latın Amerikası ABŞ-ın arxa bağçası sayılırdı, lakin zaman keçdikcə Latın Amerikası ölkələrinin hər biri öz müstəqilliyini bərpa etdi. Bugün Latın Amerikasının bir çox ölkələri müstəqildir və onların xalqlarının istiqlal, azadlıq, ədalət ruhu təqdirəlayiqdir.

Amerikalılar sanksiyadan hərbi hücum və silah kimi istifadə edirlər. Sanksiya xalqlar və hökumətlərə qarşı müharibə ilə eynidir, lakin onun silahı dəyişib; dünən hərbi silah idi, bu gün isə sanksiya silahıdır.

İnanırıq ki, sanksiyalara məruz qalan ölkələr arasında əlaqələrin gücləndirilməsi sanksiyaları neytrallaşdırmağın yollarından biridir.

Venesuela da çətin vəziyyətdə idi. O vəziyyətdə biz əlimizdən gələni etdik. Biz Venesuela xalqının və hökumətinin yanında olmağa davam edəcəyik.

ABŞ kimi düşmən Venesuelanın ona təmənnasız neft vermədiyi üçün ondan üzgündür. ABŞ-ın İrandan narazılığının səbəbi onun hegemonluğunun qarşısında dayanması və müstəqil olmaq istəməsidir.

44 ildir deyirik ki, biz müstəqil olmaq istəyirik, zülm və imperializm yükü altında olmaq istəmirik. Biz heç kimə zülm etmirik və başqalarının zülmünü də qəbul etmirik. Bu, İslam İnqilabının qələbə çaldığı gündən bizim siyasətimiz olub və olacaq.

Amerikalılar bizim müstəqil olmağımızı istəmirlər, bizim müstəqil istehsal, ixrac və ticarətimizin olmasını istəmirlər. Amma biz iradə etmişik ki, istehsal, ticarət və iqtisadi tərəqqimiz olsun.

Bizim müharibə əslində iradələrin müharibəsidir. Müharibə, müstəqil yaşamaq istəyən xalqlar arasındadır. İmperializm sistemi xalqların müstəqil deyil, onun nəzarəti altında olmasını istəyir. Biz müstəqil dövlətlərin qalib gələcəyinə inanırıq.

Amerika ona tabe olmayan hər bir ölkəni şər təcəssümü kimi təqdim edir. Halbuki, bugün hamımız dünyada kimin şər təcəssümü olduğunu görürük. İraq və Əfqanıstanda minlərlə insanı kim öldürdü? Təkcə Əfqanıstanda 35 min uşağın əlil olmasına səbəb oldular.

Həmişə demişik ki, bizim nüvə fəaliyyətimiz dinc xarakter daşıyır və heç vaxt nüvə silahı səmtinə getməmişik və getməyəcəyik. Biz hələ də bu fikrə sadiqik. İranın nüvə fəaliyyətinin araşdırılması da təsdiqləyir ki, biz nüvə silahı ardınca deyilik. Amma təəssüf ki, amerikalılar müqaviləni pozdular, avropalılar da öz öhdəliklərini yerinə yetirmədilər.

İnşallah, müstəqil xalqlar öz müstəqil həyatlarını davam etdirə bilsinlər və biz bütün dövlətlərlə əməkdaşlıq edə bilək.

Latın Amerikası ölkələri, İslam ölkələri, regionumuzdakı ölkələr və müstəqil dövlətlərlə əməkdaşlığımız dünya nizamının gələcəyi üçün çox səmərəli ola bilər.

İnanırıq ki, gələcəkdə dünya nizamı müstəqil dövlətlərin xeyrinə olacaq. İmperialist güclərin ağalığı getdikcə azalır.

 @az_IRNA_ir

Putinin xüsusi nümayəndəsi ilə Əmir Abdullahyanın baş müşaviri arasında fikir mübadiləsi

Tehran – İRNA - Rusiya prezidentinin xüsusi nümayəndəsi və İranın xarici işlər nazirinin baş müşaviri Dəməşq və Ankara arasındakı fikir ayrılıqlarının həlli yolları ilə bağlı fikir mübadiləsi aparıblar, terrorizmlə mübarizənin və Suriyanın milli suverenliyinin bu ölkənin bütün ərazisində tətbiqinin zəruriliyini vurğulayıblar.

@az_IRNA_ir

Putinin xüsusi nümayəndəsi ilə Əmir Abdullahyanın baş müşaviri arasında fikir mübadiləsi

Tehran – İRNA - Rusiya prezidentinin xüsusi nümayəndəsi və İranın xarici işlər nazirinin baş müşaviri Dəməşq və Ankara arasındakı fikir ayrılıqlarının həlli yolları ilə bağlı fikir mübadiləsi aparıblar, terrorizmlə mübarizənin və Suriyanın milli suverenliyinin bu ölkənin bütün ərazisində tətbiqinin zəruriliyini vurğulayıblar.

İRNA-nın xarici siyasət bölməsinin məlumatına görə, Astana prosesi üzrə yüksək səviyyəli ekspertlərin 20-ci iclasında və xarici işlər nazirlərinin müavinlərinin dördtərəfli görüşündə iştirak etmək üçün Qazaxıstana səfər edən xarici işlər nazirinin xüsusi siyasi məsələlər üzrə baş müşaviri Əli Əsgər Xaci və onu müşayiət edən nümayəndə heyəti Rusiya prezidentinin Yaxın Şərq və Afrika məsələləri üzrə xüsusi nümayəndəsi, Rusiya xarici işlər nazirinin müavini Mixail Boqdanovla görüşüb.

Görüşdə hər iki tərəf regiondakı son hadisələri müzakirə edib, Dəməşq və Ankara arasındakı fikir ayrılıqlarının həll yollarını və irəliləyiş əldə etməyin mexanizmlərini müzakirə ediblər, terrorizmə qarşı mübarizə aparmağın və Suriyanın milli suverenliyinin bu ölkənin bütün ərazisində tətbiqinin vacibliyini vurğulayıblar.

Onlar həmçinin Suriyadakı humanitar problemlərin son vəziyyətini nəzərdən keçirib, bununla bağlı beynəlxalq ictimaiyyətin davamlı yardımının və hərəkətlərinin vacibliyini qeyd ediblər.

@az_IRNA_ir

İran İslam Respublikasının yol və şəhərsalma naziri ilə Azərbaycan Respublikası Baş nazirinin müavini arasında telefon danışığı baş tutub

Yol və şəhərsalma naziri Azərbaycan Respublikası Baş nazirinin müavini ilə telefon danışığı zamanı İran və Azərbaycan arasında iqtisadi əlaqələrin inkişafını, xüsusilə Şimal-Cənub strateji dəhlizinin tamamlanmasını vurğulayıb və iki ölkə arasında siyasi əlaqələrin sürətlə yaxşılaşmasına ümidvar olduğunu bildirib.

@az_IRNA_ir

İran İslam Respublikasının yol və şəhərsalma naziri ilə Azərbaycan Respublikası Baş nazirinin müavini arasında telefon danışığı baş tutub

Yol və şəhərsalma naziri Azərbaycan Respublikası Baş nazirinin müavini ilə telefon danışığı zamanı İran və Azərbaycan arasında iqtisadi əlaqələrin inkişafını, xüsusilə Şimal-Cənub strateji dəhlizinin tamamlanmasını vurğulayıb və iki ölkə arasında siyasi əlaqələrin sürətlə yaxşılaşmasına ümidvar olduğunu bildirib.

Yol və Şəhərsalma Nazirliyi müxbirinin verdiyi məlumata görə, Mehrdad Bəzrpaş ​​ Azərbaycan Respublikası Baş nazirinin müavini ilə telefon danışığı zamanı İran və Azərbaycan arasında iqtisadi əlaqələrin inkişafını, xüsusilə də Şimal-Cənub strateji dəhlizinin tamamlanmasını vurğulayıb və iki ölkə arasında siyasi əlaqələrin sürətlə yaxşılaşmasına ümidvar olduğunu bildirib.

Bu xəbərə əsasən, İran-Azərbaycan Birgə Komissiyasının sədri, yol və şəhərsalma naziri Mehrdad Bəzrpaş Azərbaycan Respublikası Baş nazirinin müavini və iki ölkənin Birgə Komissiyasının sədri Şahin Mustafayevlə telefon danışığında, Birgə Komissiyanın gündəliyində duran layihələrin icrasını vurğulayıb.

Bəzrpaş daha sonra strateji dəhliz kimi Şimal-Cənub dəhlizinin tamamlanmasını qeyd edib və İranla Azərbaycan arasında siyasi münasibətlərin tezliklə yaxşılaşacağına ümid etdiyini bildirib.

Azərbaycan Respublikası Baş nazirinin müavini də qarşıdan gələn Qurban bayramı münasibətilə həmkarını təbrik edib, iki ölkə arasında münasibətlərin yaxşılaşmasından məmnunluq ifadə edərək, iqtisadi əməkdaşlığın inkişafına təkid edib.

Qeyd edək ki, tərəflər iki ölkənin Birgə İqtisadi Komissiyasının əməkdaşlığının digər sahələrini, o cümlədən nəqliyyat, tranzit, su, enerji və s. da müzakirə ediblər.

@az_IRNA_ir

Ölkəmizin xarici işlər naziri Hüseyn Əmir Abdullahyan Omana səfəri və bu ölkə rəsmiləri ilə danışıqlardan sonra Fars körfəzi ölkələrinə regional səfərinin davamı olaraq Maskatdan Küveytə yola düşüb.

@az_IRNA_ir

Sionistlər 15 yaşlı fələstinli qızı güllələyib

İRNA-nın bu gün (çərşənbə) “Fələstin əl-Yəvm”-ə istinadən verdiyi xəbərə görə, Fələstin Səhiyyə Nazirliyi məlumat yayıb ki, iki gün əvvəl sionistlərin Ceninə hücumu zamanı yaralanan Sedil Ghassan Nəğnəğiyyə adlı 15 yaşlı fələstinli qız bu gün səhər saatlarında şəhid olub.

Bazar ertəsi səhər saatlarında sionist qüvvələr Cenin düşərgəsinə hücum ediblər, lakin fələstinli mübarizlərin güclü müqaviməti ilə üzləşiblər. Sionistlərin bu cinayəti zamanı 6 fələstinli şəhid olub, 91 fələstinli yaralanıb.

Sərəya əl-Qüdsə (Fələstin İslami Cihad Hərəkatının hərbi qolu) bağlı “Cenin” batalyonu bildirib ki, bu batalyonun mübarizləri sionist rejimin hərbçilərini və hərbi maşınlarını hədəfə alıblar, yolda bir neçə yerdə bomba partladıblar ki, bu da sionist əsgərlər arasında itkilərə səbəb olub.

Müqavimət qüvvələrinin Cenində müdafiəsi nəticəsində 6 sionist əsgər yaralanıb, bir neçə hərbi maşın və onların transportyoru məhv edilib.

@az_IRNA_ir

Suriyanın suverenliyi və Dəməşq-Ankara münasibətlərinin normallaşmasına dəstək vurğulanıb

Tehran – İRNA - İran, Rusiya və Türkiyə nümayəndələri son beynəlxalq və regional hadisələri nəzərdən keçirərək Suriyanın birliyi və bütövlüyü, bu ölkədə separatizm və terrorizmlə mübarizə, Türkiyə ilə Suriya arasında münasibətlərin normallaşdırılması səylərini dəstəklədiklərini vurğulayıblar və birgə bəyanat yayıblar.

İRNA-nın xarici siyasət bölməsinin məlumatına görə, Qazaxıstanın paytaxtında Astana danışıqlarının 20-ci iclasının iştirakçıları Suriyanın birliyi və suverenliyi, bu ölkədə separatizm və terrorizmlə mübarizə, Türkiyə ilə Suriya arasında münasibətlərin normallaşdırılması səylərini dəstəklədiklərini vurğulayaraq bəyanat yayıblar.

@az_IRNA_ir

Əmir Abdullahyan Küveytdə

Küveyt – İRNA - Xarici işlər naziri Küveyt rəsmiləri ilə görüşmək üçün bu ölkəyə gedib.

İRNA-nın xarici siyasət bölməsinin verdiyi məlumata görə, xarici işlər naziri Hüseyn Əmir Abdullahyan Küveyt rəsmiləri ilə görüş və məsləhətləşmələr aparmaq üçün bu ölkəyə səfər edib. Onu bu səfərdə ölkəmizin nümayəndə heyəti müşayət edir.

İkitərəfli danışıqlar, mühüm regional və beynəlxalq məsələlərə dair fikir mübadiləsi Əmir Abdullahyanın Küveytə səfərinin ən vacib istiqamətlərindən biri olacaq.

Küveyt, xarici işlər nazirinin bazar ertəsi başlayan müntəzəm səfərlərində üçüncü ölkədir.

Bundan əvvəl xarici işlər naziri Qətər və Omana səfər edib, bu ölkələrin rəsmiləri ilə görüşüb.

@az_IRNA_ir