🇺🇿 🇦🇿
#xalqaro_hamkorlik

💬Bugun,18-fevral kuni O‘zbekiston Badiiy akademiyasida Badiiy akademiya raisi Akmal Nur va O‘zbekistondagi Haydar Aliyev nomidagi Ozarbayjon madaniyat markazi direktori Akif Marifli o‘rtasida uchrashuv bo‘lib o‘tdi.

💬Unda tasviriy sanʼat sohasida hamkorlik aloqalarini yanada rivojlantirish, ikki xalq rassomlari, amaliy sanʼat ustalarining ijodini qo‘llab-quvvatlaydigan loyihalarni amalga oshirish imkoniyatlari muhokama etildi, fikr almashildi. Kelgusida hamkorlikni ko‘zda tutgan bitim imzolash rejalashtirildi.

💬O‘zbekiston Badiiy akademiyasi qardosh Ozarbayjon bilan tasviriy sanʼat yo‘nalishida yaxshi aloqaga ega. 2021 yilda Badiiy akademiya tasarrufidagi Kamoliddin Behzod nomidagi Milliy rassomlik va dizayn instituti va Ozarbayjon Badiiy akademiyasi o‘rtasida memorandum imzolanib, uning asosida qator madaniy tadbirlar, ilmiy almashinuv, malaka oshirish dasturlari o‘tkazib kelinmoqda.

💬2022 yilda Ozarbayjonda xizmat ko‘rsatgan sanʼat arbobi, rassom, professor Chingiz Farzaliyev, 2024 yilda Ozarbayjon xalq rassomi Sakit Mammedov O‘zbekiston Badiiy akademiyasi faxriy xorijiy aʼzoligiga qabul qilindi. Shuningdek, 2024 yilda Bokuda O‘zbekiston zamonaviy miniatyurachi rassomlarining ko‘rgazmasi bo‘lib o‘tdi.


📝Telegram |📝 Facebook | 💻Instagram |🟥 YouTube | 🌐 Website

Badiiy akademiya va O‘zJQTM hamkorlik qiladi

О‘zbekiston Badiiy akademiyasida Badiiy akademiya va O‘zbekiston Jurnalistlarni qayta tayyorlash markazi (NNT) o‘rtasida o‘zaro hamkorlik memorandumi imzolandi.

Memorandum imzolash marosimida shuningdek, hamkorlik doirasida amalga oshiriladigan loyihalar muhokama qilindi.

Shu bilan birga О‘zbekistondagi yosh ijodkorlarning ijodiy imkoniyatini kengaytirish, tasviriy san’at sohasi targ‘ibotini kuchaytirish va bu borada xalqaro tajribani о‘rganishni qо‘llab-quvvatlashga oid istiqbolli rejalar yuzasidan fikr almashildi.

Hujjatni Badiiy akademiya Bosh ilmiy kotibi Feruza Abidjanova hamda O‘zbekiston jurnalistlarni qayta tayyorlash markazi direktori Gulnara Babadjanova imzoladi.

📝Telegram |📝 Facebook | 💻Instagram |🟥 YouTube | 🌐 Website

#yashil_makon

✅ “Yashil makon” umummilliy loyihasida O‘zbekiston Badiiy akademiyasi rahbariyati va xodimlari faol ishtirok etmoqda. 

✅ Bugun, 21-fevral kuni O‘zbekiston Badiiy akademiyasida muassasa jamoasi tomonidan manzarali ko‘chatlar ekildi.

📝Telegram |📝 Facebook | 💻Instagram |🟥 YouTube | 🌐 Website