ԼՂ–ի ճգնաժամը պահանջում է միջազգային հանրության հրատապ ուշադրությունը, և մենք լիովին աջակցում ենք ԵՄ բարձր ներկայացուցիչ Ժոզեպ Բորելի հայտարարությանը. ԵԽ

Մենք խորապես անհանգստացած ենք Լեռնային Ղարաբաղում արագորեն վատթարացող մարդասիրական իրավիճակով, որը ստեղծվել է Ադրբեջանի կողմից Լաչինի միջանցքի շարունակական շրջափակման պատճառով, ասված է Եվրոպառլամենտի հայտարարության մեջ։

Մենք դատապարտում ենք մարդասիրական մատակարարումների շարունակական արգելափակումը, որն էլ ավելի է սրում առանց այն էլ սարսափելի իրավիճակը։
Աղդամի ճանապարհով օգնություն տրամադրելու Ադրբեջանի առաջարկը առանձին է և կապ չունի Լաչինի միջանցքի բացման հետ։ Լրացուցիչ երթուղիների բացումը խրախուսելի է, բայց դա առանձին խնդիր է, որը պետք է համաձայնեցվի Բաքվի և Ստեփանակերտի միջև ուղիղ բանակցությունների համատեքստում։

📌 Մենք կրկին կոչ ենք անում Բաքվին անհապաղ դադարեցնել շրջափակումը և հավատարիմ մնալ միջազգային պարտավորություններին։

@ArmeniaSputnik

ԼՂ–ն վերջի պահին լուծումներ կգտի, եթե չգտնի լավ չի լինի. Անդրանիկ Քոչարյան

Լեռնային Ղարաբաղը (նկատի ունի Արցախի ժողովուրդը,–խմբ.) վերջին պահին կգտնի այն լուծումները, որը իրեն հեռու կպահի լուրջ ցնցումներից, լրագրողներին ասաց ՀՀ ԱԺ պաշտպանության մշտական հանձնաժողովի նախագահ Անդրանիկ Քոչարյանը։

Եթե չգտնի, դա լավ չի լինի և՛ Հայաստանի , և՛ տարածաշրջանի, և՛ աշխարհի համար։
Նրա խոսքով` Արցախն այն տարածքն է, որը Հայաստանի անվտանգային միջավայրի ամրությունն է հանդիսանում, որովհետև հայ մարդն այնտեղ է ապրում։

Մենք պետք է միասնաբար շրջափակումը հաղթահարելու ձևերը գտնենք։ Ես Արցախում ավելի ահավոր իրողություններ էլ է տեսել, քանի հիմա է։

Նա ընդգծեց, որ կարևոր չի, որ հիմա Արցախի կարգավիճակի մասին են թմբկահարում։
«Արցախի տարածքում բնակվող մեր հայրենակիցները ամենաանկախ ժողովուրդն են, ունեն նախագահ, պառլամենտ, ունեն իրենց օրենքները։ Խնդիրն այն է, որպեսզի աշխարհն ընկալի դա։ Այդպիսի օրինակ կա աշխարհում. Կոսովոն հասավ դրան»,–ասաց նա։

@ArmeniaSputnik

Լոռու Մեծ Պարնի գյուղի մոտակա գազալցակայանում տեղի է ունեցել պայթյուն. կա տուժած

Հրդեհը մեկուսացվել է ժամը 15:23-ին, մարվել՝ 15:27-ին, հայտնում են ՆԳՆ–ից:

@ArmeniaSputnik

«Յունիստրիմ» համակարգի հետ կապված իրավիճակը հիմա որոշակի կայունացել է. Նուրբեկյան

«ՀՀ-ում կան ոչ փոքր քանակի բանկեր, որոնք աշխատում են «Յունիստրիմ» համակարգի հետ` ռուբլով և հայկական դրամով, ոչ արտարժույթով։ Այսինքն` այդ տեսանկյունից մեր քաղաքացիները շարունակում են ծառայություններ ստանալ, քանի որ «Յունիստրիմը» եղել է էական կշիռ ունեցող համակարգ, որով մեր քաղաքացիները ՌԴ–ից կարողացել են փոխանցումներ անել»,– ԿԲ նախագահի տեղակալ Արմեն Նուրբեկյանը։

ՀՀ ԿԲ նախագահի տեղակալը չբացառեց, որ ՌԴ նկատմամբ արևմտյան պատժամիջոցների ֆոնին առաջիկայում բանկային համակարգում այլ սահմանափակումներ լինեն։

📎Ավելի վաղ հայտնել էինք, որ հայաստանյան մի քանի բանկեր դադարեցնում են «Յունիստրիմ» համակարգի սպասարկումը, քանի որ ԱՄՆ իշխանությունները պատժամիջոցներ են սահմանել վճարային համակարգի դեմ։

@ArmeniaSputnik

Ռելոկանտների մոտ 200 տոկոս աճ կա, որոնց աշխատավարձը 4 անգամ ավելի է ՀՀ միջին ցուցանիշից

2022 թ. հունվարի 1–ից Ռուսաստանից դեպի Հայաստան ռելոկանտների թիվը 6000–ից աճել է` դառնալով մոտ 19 հազար։ Լրագրողների հետ հանդիպմանը հայտարարեց ԿԲ նախագահի տեղակալ Արմեն Նուրբեկյանը։

Վերջին երկու ամսում տեսնում ենք ռելոկանտների հոսքն աճում է, որի արդյունքում ՀՀ ԿԲ–ն վերանայել է ՀՀ պոտենցիալի ցուցանիշները։

Սրան զուգահեռ, նրա խոսքով, կա ավելի մեծ ներհոսք, որոնցից շատերը գրանցված աշխատակիցներ չեն։

@ArmeniaSputnik

Օրագիրը, որում 13-ամյա Աննա Ֆրանկը նկարագրում է` ինչպես է ընտանիքի հետ 2 տարի թաքնվել նացիստներից օկուպացված Ամստերդամում, աղջկան համաշխարհային ճանաչում է բերել։

Օրագիրը հրապարակվել է 1947 թվականին, թարգմանվել է 67 լեզուներով, ընդգրկվել է ՅՈւՆԵՍԿՕ–ի «Աշխարհի հիշողություն» ցանկում և համարվում է Համաշխարհային երկրորդ պատերազմի ժամանակների ամենահայտնի փաստաթղթերից մեկը։

Հրատարակվելուց առաջ Օտտո Ֆրանկը օրագրից հանեց մոր մասին բոլոր վիրավորական արտահայտությունները և ինտիմ բնույթի տողերը։

Գերմաներեն օրագրի թարգմանչուհին տեքստից հեռացրեց գերմանացիների մասին բոլոր տհաճ արտահայտությունները։

Բոլոր հաջորդ տարիներին Աննա Ֆրանկի պատմությունը կրճատում էին, ամերիկանացնում, մեղմացնում, կեղծում, իսկ Հոլոքոստը մերժողները օրագիրը հետպատերազմյան կեղծիք հայտարարեցին։

1998 թվականին Ամստերդամի դատարանն արգելեց Աննա Ֆրանկի օրագրի իսկությունը հերքել և դրա համար տուգանք սահմանեց։

@ArmeniaSputnik

Արցախի շրջափակումը բլոկադա չէ ուտելիքի, այլ բլոկադա է պետականության և ազգային ինքնության

Իլհամ Ալիևն այնքան է փոքրացրել մեր կենսական պահանջները, որ Արցախի բլոկադան հացի ու ձեթի խնդիր ենք ընկալում։ Իրականում Արցախի շրջափակումը բլոկադա է պետականության և ազգային ինքնության։ «Աբովյան Time»–ի եթերում այս մասին ասաց «Այլընտրանքային նախագծեր» խմբի համահիմնադիր Վահե Հովհաննիսյանը։

«Ես գնալով համոզվում եմ, որ Ադրբեջանում կամ գուցե այլ երկրների կարևոր աշխատասենյակներում ուղղակի որոշում է կայացված օգտվելով առիթից հասնել Հարավային կովկասում հայկական միավորների և պետականության ոչնչացմանը։ Ոչ ոք չի պատրաստվում երեք միլիոն հայ մորթել, բայց պետականության ոչնչացման փաստը շատ ռեալ է»,–ասաց Հովհաննիսյանը։

@ArmeniaSputnik

Հայոց ցեղասպանության ինստիտուտը Լաչինի միջանցքի հարցով դիմել է ՄԱԿ-ի գլխավոր քարտուղարի հատուկ խորհրդականին։

Նշվում է, որ Ադրբեջանը մարդու իրավունքների և միջազգային մարդասիրական իրավունքի զանգվածային խախտումներ է թույլ տալիս միջանցքը փակելով, և այդ հանցագործությունը ստեղծելում է այնպիսի կենսապայմաններ, որոնք ուղղված են տեղի բնակչության ֆիզիկական ամբողջական ոչնչացմանը` ցեղասպանության։

@ArmeniaSputnik

Ավտոներկրող 3 ընկերության սեփականատերը պետությանը խարդախությամբ 5մլրդ դրամի վնաս է հասցրել

ՊԵԿ ներկայացված հաշվարկ-հաշվետվություններում արհեստականորեն առաջացել է 5 մլրդ 700 մլն դրամի հարկային վնաս և վերադարձման ենթակա 3 մլրդ 868 մլն դրամի չափով ԱԱՀ-ի դեբետային (կրեդիտագրված) գումարներ։

Սեփականատեր Տ.Հ.-ի կողմից խարդախությամբ հափշտակված 406 մլն 596 հազար դրամից վերականգնվել է նաև 30 մլն դրամը և այժմն քայլեր են ձեռնարկվում՝ վնասի մնացյալ մասը վերականգնելու ուղղությամբ:

@ArmeniaSputnik

Սիրիայի քաղաքացին փորձել է անօրինաբար հատել թուրք-հայկական սահմանը, Ռուսաստանի Դաշնության ԱԴԾ սահմանային տնօրինության Մարգարայի սահմանային կետի տարածքում։

@ArmeniaSputnik-ին ՀՀ ԱԱԾ-ից հայտնեցին, որ քրեական գործ է հարուցվել, քաղաքացին ձերբակալվել է։

Ադրբեջանական լրատվամիջոցները, հղում անելով Ադրբեջանի պետական սահմանապահ ծառայությանը, հաղորդում են, որ այսօր Աղավնո գյուղի տարածքում պետական սահմանը հատելու համար ձերբակալել են Հայաստանի քաղաքացի, 61-ամյա Ռաշիդ Բեգլարյանին: Հայկական կողմն առայժմ տեղեկատվություն չի տվել այս մասին:

@ArmeniaSputnik

Թող Սմբատյանի երգչախումբը գնա, կառավարության դիմաց համերգ տա, որ վարչապետը տեսնի` առանց դիրիժոր համերգը ոնց է լինում

Ինչի՞ համար է կալանք կիրառվել տաղանդավոր երաժշտի նկատմամբ այն դեպքում, երբ քրեական գործը 3-4 տարվա է։ Դիրիժորը կալանքից դուրս գալուց հետո պետությունից և ունկնդրից վիրավորված` թողնելու է, հեռանա երկրից։ Ինչի՞ համար, շատ ունե՞նք»,– «Աբովյան Time»,–ի եթերում նման հարցադրում արեց քաղաքական մեկնաբան Վահե Հովհանիսյանը։

«Կալանքը հո ինկվիզիցիա չէ։ Ինչո՞ւ ես կալանքով մարդուն պատժում, ցավեցնում, ինչո՞ւ հասարակությունը չի ընդվզում։ Սմբատյանի նվագախմբի համերգները լեփ–լեցուն են լինում։ Նույն երգչախումբն առանց քաղաքականացնելու թող գնա, կառավարության շենքի դիմաց առանց դիրիժոր համերգ տա, թող երկրի ղեկավարը տեսնի` առանց դիրիժոր համերգը ոնց է լինում։ Թող հասկանան` առանց դիրիժոր երկիրը ոնց է կառավարվում, որ էս օրն ենք ընկել»,–ասաց Հովհաննիսյանը։

@ArmeniaSputnik

❗️Ադրբեջանցիների կողմից ձերբակալված Ռաշիդ Բեգլարյանը մոլորվելու հետևանքով ընկել է ադրբեջանական վերահսկողության տակ․ Արցախի տեղեկատվական շտաբ

Բեգլարյանը 2020-ի պատերազմի հետևանքով տեղահանվել էր Շուշի քաղաքից, իսկ վերջին օրերին գտնվում էր Շուշիի շրջանի Հին շեն գյուղում:

Արցախի իշխանությունները տեղեկացրել են ՌԴ խաղաղապահ զորակազմին միջադեպի մասին:

@ArmeniaSputnik

ՀՀ ԱԳ նախարար Արարատ Միրզոյանը հեռախոսազրույցով Կարմիր խաչի միջազգային կոմիտեի նախագահ Միրյանա Սպոլյարիչ Էգերի հետ զրույցում անդրադարձել է ԿԽՄԿ ուղեկցությամբ Լեռնային Ղարաբաղից Հայաստան տեղափոխվող Վագիֆ Խաչատրյանի՝ Ադրբեջանի կողմից առևանգման դեպքին՝ այն որակելով նենգ և անընդունելի արարք ընդդեմ միջազգային հումանիտար իրավունքի նորմերի և միտված ԼՂ ժողովրդի էթնիկ զտմանը:

@ArmeniaSputnik

Արցախի Հանրապետության իշխանությունները միշտ պատրաստ են քննարկելու Արցախի և Ադրբեջանի ներկայացուցիչների միջև հանդիպումների կազմակերպման վերաբերյալ ողջամիտ առաջարկներ․ Արցախի ԱԳՆ

«Արցախի և Ադրբեջանի միջև երկխոսությունը պետք է տեղի ունենա համապատասխան մանդատով օժտված միջազգային համաձայնեցված ձևաչափով: Նման մոտեցումը թույլ կտա միջազգային հանրությանն առավել ակտիվ ներգրավել բանակցային գործընթացում, ամրապնդել դրա լեգիտիմությունն ու կայունությունը, ինչպես նաև ապահովել կողմերի միջև հնարավոր պայմանավորվածությունների իրականացման հուսալի երաշխիքներ», - ասված է Արցախի ԱԳՆ-ի՝ Արմենպրեսի հարցմանն ի պատասխան հաղորդագրության մեջ։

@ArmeniaSputnik

Հայաստանը բավարարված չէ ԵՄ միջնորդությամբ․ Փաշինյանը Euronews-ին հարցազրույց է տվել։

«Միջնորդությունն արդյունավետ է, երբ պայմանավորվածությունները չկատարելուն հաջորդում է ստանձնած պարտավորությունները խախտողի նկատմամբ առնվազն համապատասխան քաղաքական վերաբերմունքի դրսեւորում։ Բայց մենք դա չենք նկատում։ Ես անընդհատ բարձրաձայնում եմ այդ խնդիրը»։

@ArmeniaSputnik

ԼՂ-ում սովի իրական վտանգ կա. Փաշինյանը` Բաքվի պատճառով Արցախում տիրող իրավիճակի մասին

Փաշինյանն Euronews-ին տված հարցազրույցում ասել է, որ ԼՂ չի մատակարարվում մանկական կեր, չկա դեղորայք, հիգիենայի պարագաներ, առաջին անհրաժեշտության իրեր։

«Եռակողմ հայտարարության մեջ հստակ ասվում է, որ Լաչինի միջանցքը ռուս խաղաղապահների վերահսկողության տակ է և այն միայն ճանապարհ չէ, այլ 5 կմ լայնությամբ տարածք, որը պետք է լինի Ադրբեջանի վերահսկողությունից դուրս և հենց այդ միջանցքը պետք է ապահովի Հայաստանի և Արցախի միջև կապը»,– ընդգծել է վարչապետը։

@ArmeniaSputnik