‼️ ГКНБ: По факту незаконной перевозки золота задержаны сотрудники золоторудной компании.

✔️ По данным ГКНБ должностные лица Чаткальского района вступили в сговор с сотрудниками золоторудной компании.

✔️ Установлено, что компания «О.Т.» нарушила границы лицензионной площади в целях добычи золота. Данная площадь в последующем использовалась как автостоянка.

✔️ 26 августа на посту «Сосновка» остановлена автомашина марки Lexus GX 470, в салоне которой находились руководитель компании и его работники, перевозящие около 1,5 кг незаконно добытого золота.

‼️ Граната, заложенная в машине активиста Ильгиза Шаменова, оказалась боевой.

Об этом сообщает пресс-служба УВД Ленинского района. В гранате выявлены взрывчатые вещества тротил и тетрил. Всё было изготовлено заводским способом. Однако, сама граната оказалась непригодна к использованию, при испытаниях она не сработала, отвечают в УВД.

‼️ Үч саат ушактарга жооп берип отурдум. Садыр Жапаров курултайды эмнеге киргизип жатканын айтты

✔️ Президент курултай бир жылда бир жолу чогулуп, аткарган иштерди угуп, сунуштарын берерин билдирди.

"30 жылдан бери эле президенттер өздөрүнө караштуу журналисттерди топтоп алып, жылдын жыйынтыгы боюнча маалымат жыйын өткөрүп коюп келе жатабыз. Былтыр мен дагы журналисттерди чогултуп, жылдын жыйынтыгы боюнча маалымат бердим. Бирок журналисттерди чектебедим, баары киришти. Бирок ошентсем дагы берилген суроолордун баары ушактардын деңгээлинен көтөрүлө албай койду. Экономикабыздын абалы кандай? Кантип көтөрсөк болот? Кайсы аймактарга жолдорду, кайсы аймактарга мектептерди, кайсы аймактарга завод-фабрикаларды салсак деген бир дагы демилге же сунуш жок. Үч саат жөн эле ушактарга жооп берип олтурдум. Интернет булактарынан кайталап көрүп чыксаңар болот. Анан ошондон кийин Баш мыйзамдын негизинде Курултай чогултуп, элдин алдында бир жылда кандай иштер аткарылгандыгы жөнүндө маалымат берели деп чечтим",-дейт Жапаров.

‼️ Ата - Бейитке бараткан курсанттар жол кырсыгына учурушты

✔️ Аскер институтунун курсанттары жол кырсыгына кабылды. Алдын ала маалыматтар боюнча, КамАз башка унаадан качып, жол жээгиндеги даракты сүзгөн.

“Бул мектептин бардык нерселери толук болот, өзүм көзөмөлдөп турам” - К. Ташиев

УКМК жетекчиси Сузакта “Ынтымак” орто мектебин ачты.

Булак: Регион тв

‼️ Өзбекстан менен Кемпир-Абад боюнча чечим кабыл алуунун алдында эл бийликтин маалымат берүүсүн талап кылды-Мадумаров

✔️ Ош облусунун Өзгөн районуна караштуу Кызыл-Октябрь айылында кыргыз-өзбек чек арасындагы Кемпирабад суу сактагычына байланыштуу элдик жыйын өттү. Ага миңге чукул адам катышып, суу сактагычтын айланасындагы маселелер боюнча бийлик элге отчет берүүсүн талап кылды.

✔️ Жыйынга чакырылган ЖК депутаты, Бүтүн Кыргызстан фракциясынын лидери Адахан Мадумаров эл бийликтен маалымат берүүнү талап кылганын Archa Media’га билдирди.

“Чогулган эл бийлик Кемпир-Абад боюнча Өзбекстан менен чечим кабыл алардан мурун элдин алдына маалымат берүүнү талап кылышты”,-дейт Мадумаров.

Эскерте кетсек, өткөн жылы УКМК төрагасы Камчыбек Ташиев Кыргызстан менен Өзбекстан Кемпирабад суу сактагычынын (Өзбекстандагы аталышы – Анжиян суу сактагычы) плотинасын Өзбекстандын территориясы деп калтырып, анын суу ресурстарын чогуу пайдаланууну макулдашканын билдирген.

‼️ Саясий туткундарды колдоо митинги өтөт

✔️ 30-август саат 10:00 өкмөт үйүнүн алдында активист Алилет Балтабай, Ырыс Жекшеналиев жана башка саясий туткундарды колдоо митинги өтө турганы кабарланууда.

Жол кырсыгына учураган курсанттардын тогузу ооруканада, 12си госпиталда жатат

Чүйдө ант берүү иш-чарасынан кийин жол кырсыгына кабылган курсанттардын тогузу ооруканага түшкөнүн, дагы 12си аскердик госпиталга жаткырылганын 28-августта “Азаттык” радиосуна Коргоо министрлигинен билдиришти.

Госпиталда дарыгерлердин көзөмөлүнө алынган 12 аскер 29-августта чыгарылары айтылды.

Азаттык

‼️ Отуз жылда болгон эмес: Алдамчылык жана шылуундук мамлекеттик саясатка айланды.
БДК Күмтөр боюнча билдирүүсү жасады

✔️ Бириккен Демократиялык Кыймылдын билдирүүсүнүн толук тексти:

2022 жылдын 27 августунда КР Президенти Садыр Жапаров “Кабар” мамлекеттик маалымат агенттигине берген маегинде, төмөнкү маселелерге токтолду:
1. Күмтөрдөгү экологиялык зыян жөнүндө: “Экологиялык зыянды “ормон опуза” кылып, абадан алып эле жазып койдук, аны эсептеп чыккан эч ким жок”. Эсептеп чыкчу методикабыз дагы так эмес экен” деп айтты. Демек 2012 жылы (С.Жапаров жетектеген), 2012 жылы (Т. Сариев жетектеген), 2021 жылы (А.Жапаров жетектеген) мамлекеттик комиссиялар тарабынан такталган экономикалык, экологиялык зыяндар эч бир методикасыз жасалганбы? Садыр Жапаров 2017 жылы оппозицияда жүргөндө “колубуздагы турган документтерге таянсак, экологиялык зыян 7 млрд. доллар түзөт”, бийлик тарабынан бизге берилбей жаткан документтер колго тийсе, бул көрсөткүч 100 млрд. доллардан ашат, деп билдирүү жасаган. Садыр Жапаровдун кайсы сөзүнө ишенишибиз керек? Ушунча жыл методикасыз саналган зыяндарды өлчөп жүргөн комиссиялардын башчылары жана мүчөлөрү жоопкерчилике тартылабы? Методикасыз, эрежесиз, “ормон опуза” аркылуу эсептелген экономикалык, экологиялык зыяндарды, КР соттору бийликтин кысымынын негизинде мыйзамдаштырып келгенби? Ошондо, акыркы 10 жылдан ашуун убакытта Садыр Жапаров оппозицияда жүрүп айткан сөздөрү калп, жалган болуп, “ормон опуза” аркылуу бийлике келгенби?

2. Кыргызстандын “Центеррадагы” үлүшү жөнүндө: Президент Садыр Жапаров “Центеррадагы” 26 % үлүшүбүз, (баасы 500-600 млн. доллар) жөн эле кагаз болуп калган, 30 жылда 30 тыйын дивиденд бербеген акциянын эмне кереги бар” деди. Ошол эле учурда 2021 жылдын жыйынтыгы боюнча ошол акциялардан түшкөн 11 млн.доллар дивидендтерди төлөттүк деп өзү билдирди. Эгерде жылына ушундай өлчөмдө дивиденд алып турсак, анда 30 жылда ал киреше канча болгонун эсептеп алгыла. Жөн эле кагаз болсо, эмнеге Кыргыз Алтындын жетекчиси Кыргызстандын үлүшүн бербейли деп аракет жасады? Торонто биржасынын маалыматы боюнча, 2022 жылдын январ айында Кыргызстандын 26 % акциясынын баасы 656 млн. 366 миң доллар болчу. Эмнеге 656 млн. доллар турган акцияларды сатып же Кыргызстанга калтырганга аракет жасаган жок? Ар кайсы өлкөлөрдөн бюджетти колдоо үчүн тилемчилик кылып жүргөн өкмөтүбүзгө, кантип 656 млн. доллар “жөн эле кагаз” болуп калган?

3. Күмтөр боюнча билдирүүлөрү жөнүндө: Садыр Жапаровдун, Акылбек Жапаровдун, Теңиз Бөлтүрүктүн жана Кыргыз Республикасынын Улуттук Банкынын бир бирине карама-каршы келген билдирүүлөрүнун кайсынысына жана кимисиникине ишенишибиз керек?

4. Күмтөрдүн иштеши жөнүндө: Бийлик Күмтөрдө коррупция орногон деп, Теңиз Бөлтүрүктү расмий түрдө кызматтан алды. Күмтөрдүн ичинде ири коррупциялык процесстер жүруп атканын, экологиялык маселелер чечилбей, андан оор жагдайларга баратканын, ачык-айкын эффективдүү башкарууга барбаганын, Күмтөрдүн өндүрүшүнүн баардык тармактары кескин начарлаганын Бириккен демократиялык кыймыл буга чейин эле эскертип келген, азыр деле баса белгилейбиз.

Биз азыркы Президенттин жана өкмөттүн Күмтөр боюнча жүргүзгөн саясаты алдамчылык жана шылуунчулуктун негизинде жүргүзулүп жатат деген тыянакка келип, төмөндөгүлөрдү талап кылабыз:

1. Акыркы кол коюлган “Центерра” менен Кыргызстандын тынчтык келишиминин толук текстин коомго ачыктагыла. “Центерра” тараптан ким, Кыргызстан тараптан ким кол коюшканын жана кандай шарттар менен кабыл алынганын эл билсин.

2. Өкмөттүн токтому менен 2022 жылдын 15 апрелинде дайындалган эл аралык “Ernest & Young” аудиттик компаниясынын корутундусун элге ачыктагыла.

3. 2022 жылдын 10 майында карьердин бортторунун жылышы боюнча өкмөттүн чечими менен түзулгөн, мамлекеттик атайын экологиялык комиссиясынын жыйынтыктарын коомго жарыялагыла.

4. КР Жогорку Кеңеши жайкы тыныгуудан кийинки, алгачкы отурумунун ачык жыйынында, аткаруу бийлигинин башчысы Садыр Жапаровдун Күмтөр боюнча отчетун уксун.

Эгемендүү Кыргызстандын тарыхында Күмтөр элибиздин үмүтү да, чыры да, ыйы да, болуп келди. Өткөндөн сабак алып, мамлекетибиздин жана өсүп келе жаткан муундардын келечеги үчүн, Күмтөрдүн мурунку тагдырынын кайталануусуна жол бербешибиз керек!

29.08.2022 ж. Бириккен демократиялык кыймыл (БДК)

‼️ Болот Темировдун иши. Кылмыш иштеги паспорттун номери менен журналисттин паспортунуку эки башка болуп чыкты

✔️ Бул тууралуу Темировдун адвокаты билдирип, сот процессине кылмыш ишин козгогон УКМК тергөөчүнүн чакырууну өтүндү. Буга прокурор каршы чыгып, муну техникалык ката деп атады.

«Менин паспортумдун номери такыр башка, техникалык ката бир же эки цифрадан болушу мүмкүн.Бирок бул жерде бардык сандар дал келбей калып, анын кантип кылмыш ишин козгогондугун тергөөчүдөн билгибиз келди.Бирок судья баш тартты», - деп билдирди Болот Темиров.

Эске салсак, Темировду алгач баңгизат менен кармашып, кийин паспорту жасалма деген айып тагышкан.

‼️ Камактагы 19 жаштагы активист Ырыс Жекшеналиевдин апасы Садыр Жапаровго кайрылды

‼️ Дөө Чыңгыздын өлүмүнө беш адам шектүү катары өтүп жатат

✔️ Бул тууралуу Бишкек шаардык сот билдирген.

✔️ Бирок, буга чейин Дөө Чыңгыз атыккан кримтөбөлдүн өлүмүнө камералашы айыпталып, ал мойнуна алганы кабарланган. Эми кандайча беш айыпталуучу болуп калганы туурасында укук коргоо органдары маалымат бере элек.

‼️ СИЗО-1де камакта жаткан бир адам каза болду

✔️ Жаза аткаруу кызматы окуя кечээ, 28-августта болгонун билдирип, башка маалыматтарды ачыктаган жок. Кошумча маалымат кийин берилерин билдирди.

✔️ Жаза өтөөчү жайларда бул алгачкы өлүм эмес.