🧑🏻‍🏫💐Бүгүн М.А.Алексеев төрөөбүтэ 105 сыла бэлиэтэнэринэн, бу күн кини үөрэппит үөрэнээччилэрэ хайаан да учууталларын истиҥник ахтан-санаан ааспыт буолуохтаахтар. Ол да курдук, бүгүн биһиэхэ, олус сырдык, истиҥ иэйиилээх сурук киирдэ💌🤗

"Учууталбар үөрэммит тэтэрээппин чиэстээхтик харайа сылдьабын.

🧑🏻‍🏫❤️ССРС народнай учуутала, Российскай Федерация, Саха АССР үтүөлээх учуутала Михаил Андреевич Алексеевка үөрэммиппин дьолбунан ааҕынабын.

Аны кэлэн көрдөххө, Михаил Андреевич үөрэтэр предметин эрэ буолбакка, олоххо, үлэҕэ туттуллар, туhаныллар хаачыстыбаларга үөрэппит эбит.

Ол курдук, үлэҕэ эппиэтинэстээх буолууну, докумуоҥҥа, кумаахыга киирэр сурукка-бичиккэ ирдэбил быhыытынан толорорго, суруйарга такайбыт эбит.

Киниэхэ үөрэммит тэтэрээппин күн бүгүнүгэр диэри чиэстээхтик харайа сылдьабын.

Саха Өрөспүүбүлүкэтин Гражданнар турук аакталарын суруйар Үөһээ Бүлүү улууhун салаатын салайааччыта Кардашевская Татьяна Егоровна".

🌲🪵🪓🌲🪵🪓 Бүгүн, ыам ыйын 5 күнүгэр, сүрдээх тыаллаах, хаардаах күн оскуолабыт эр дьонноро уруккуну саната, директордара Анатолий Анатольевич көрдөһүүтүн ылынан, "хойутаары гынным, маспын тахсан, сааскы ыраас салгынынан тыына таарыйа, мастаан биэриҥ эрэ, кыаллар буоллаҕына" диэн көрдөспүтүн быһа гыммакка толороннор, муста түhэн, мастаан киирдилэр. Ону мин хаартыскаларын көрөн, урукку коммунистическай субуотунньуктары санаан, сонун гынан таhааран кэбиспиппин. Онон, күндү ааҕааччылар бырастыы гынаргытыгар көрдөһөбүн. Ол эрэн, бу тахсыы - сомоҕолоhуу биир көстүүтэ, түмсүүлээхтэриттэн үөрүөххэ эрэ сеп. Маладьыастар🤗👏🏻👏🏻👏🏻.

Мэйиктэн Валентина Попова.