Абласны семінар-практыкум па пытаннях ваенна-патрыятычнага выхавання навучэнцаў праз рэалізацыю дарожнай карты па выкарыстанні патэнцыялу ДТСААФ у выхаваўчай рабоце і адукацыйных мерапрыемствах праходзіць у Мінскім абласным кадэцкім вучылішчы ў Слуцку

📍 Папярэднічала пачатку асноўнай часткі семінара — пленарнаму пасяджэнню — наведванне стадыёна. Тут былі арганізаваны выставы ваеннай тэхнікі часоў Вялікай Айчыннай вайны, вучэбнай і мотатэхнікі Слуцкага ДТСААФ, прадстаўлены аўтамадэлі Слуцкага цэнтра тэхнічнай і прыкладной творчасці навучэнскай моладзі.

Гасцям мерапрыемства, сярод якіх былі міністр адукацыі Андрэй Іванец і начальнік галоўнага ўпраўлення па адукацыі Мінаблвыканкама Мікалай Башко, былі прадэманстраваны фігурнае ваджэнне матацыкла, работа картынга.

Закранаючы тэму, якой прысвечаны абласны семінар-практыкум, Андрэй Іванец нагадаў, што выхаванне патрыёта — гэта агульная комплексная работа не толькі сістэмы адукацыі, але і ўсіх зацікаўленых.

— Сёння мы робім вялікую стаўку на кіраўнікоў па ваенна-патрыятычным выхаванні, — адзначыў міністр адукацыі. — Амаль 95% школ укамплектаваны імі. Работа, якая праводзіцца гэтымі спецыялістамі, накіравана ў тым ліку на захаванне гістарычнай праўды, выхаванне павагі да нашых дзяржаўных сімвалаў.

✅ Пра тое, як на Міншчыне арганізавана работа па ваенна-патрыятычным выхаванні, расказаў начальнік галоўнага ўпраўлення па адукацыі Мінаблвыканкама Мікалай Башко.

— У Мінскай вобласці адпаведная работа выйшла на новы ўзровень, — акцэнтаваў М.Башко. — На Міншчыне створаны 128 ваенна-патрыятычных клубаў, якія працуюць ва ўстановах адукацыі цэнтральнага рэгіёна. Мы ганарымся сваім першым абласным ваенна-патрыятычным клубам у межах узаемадзеяння з вайсковай часцю 3310. Дзеці, якія наведваюць яго, атрымліваюць задавальненне ад заняткаў. Семінар, які сёння праводзіцца, пацвярджае, што ў нас яшчэ ёсць над чым працаваць. У першую чаргу неабходна развіваць тэхнічныя віды спорту, тэхнічныя гурткі.